പഠനത്തോടൊപ്പം തൊഴില് പദ്ധതിയില് വിദ്യാഥികള്ക്ക് പ്ലേസ്മെന്റ് ലഭിച്ചു
ഇലഞ്ഞി: വിദ്യാര്ഥികളുടെ സാമ്പത്തിക സ്വാതന്ത്ര്യവും സ്വയംപര്യാപ്തതയും ലക്ഷ്യമാക്കി 'പഠനത്തോടൊപ്പം തൊഴില്' എന്ന വിസാറ്റ് ഗ്രൂപ്പ് ഓഫ് ഇന്സ്റ്റിറ്റ്യൂഷന്സിന്റെ നവീന പദ്ധതിയുടെ ഭാഗമായി കൂത്താട്ടുകുളം കേന്ദ്രമായി പ്രവര്ത്തിക്കുന്ന നെറ്റ്ലിങ്ക് ഐ.സി.ടി ൈപ്രവറ്റ് ലിമിറ്റഡില് 15 വിദ്യാര്ത്ഥികള്ക്ക് പ്ലേസ്മെന്റ് ലഭിച്ചു. പഠനത്തോടൊപ്പം ജോലി ചെയ്ത് വിദ്യാഭ്യാസ കാലഘട്ടത്തില് തന്നേ സ്വയം പര്യാപ്തരാവാനുള്ള അവസരമാണ് ഇതിലൂടെ വിദ്യാര്ത്ഥികള്ക്ക് ലഭിച്ചിരിക്കുന്നത്. 2015 ല് ആരംഭിച്ച നെറ്റ്ലിങ്ക് ഐ.സി.ടി, ൈപ്രവറ്റ് ലിമിറ്റഡ് പ്രമുഖ ടെലികമ്മ്യൂണിക്കേഷന് സ്ഥാപനമാണ്. ഇന്ത്യയിലും വിദേശത്തുമായി സേവനങ്ങള് വ്യാപിപ്പിച്ചുവരുന്ന ഈ സ്ഥാപനം, യുവതലമുറയുടെ പ്രത്യേകിച്ചും വനിതകളുടെ തൊഴില് വികസനം കമ്പനിയുടെ പ്രഖ്യാപിത ലക്ഷ്യങ്ങളാണെന്ന് നെറ്റ്ലിന്ക് മാനേജിങ് ഡയറക്ടര് സില്വസ്റ്റര് ജോസഫ്, സി.ഇ.ഒ സെയ്ക്കോ തോമസ്, ഫിനാന്സ് ഡയറക്ടര് പോള് സ്കറിയ, ടെക്നിക്കല് ഡയറക്ടര് ജിഷ്ണു പരമേശ്വരന്, ഡയറക്ടര് മനോജ് മാത്യു, ടാക്സ് ആന്ഡ് ഓഡിറ്റ് ഡയറക്ടര് പി.ജി സിനോജ്, എച്.ആര്. ഹെഡ് സന്ധ്യ എന്നിവര് പറഞ്ഞു. വിദ്യാര്ത്ഥികള്ക്ക് പ്രായോഗിക തൊഴില് പരിചയം, സാങ്കേതിക അറിവ്, ആശയവിനിമയ കഴിവുകള് എന്നിവ ഉറപ്പുവരുത്തുകയാണ് വിസാറ്റ് കോളജിന്റെ ലക്ഷ്യം. പഠന സമയത്തെ ബാധിക്കാത്ത രീതിയിലാണ് ജോലി സമയം ക്രമീകരിച്ചിരിക്കുന്നത്. ഈ അവസരം വിദ്യാര്ത്ഥികള്ക്ക് ആത്മവിശ്വാസം വര്ധിപ്പിക്കുന്നതും തൊഴില് നൈപുണ്യതാ വികസനത്തിനൊപ്പം ഭാവിയിലെ തൊഴില് സാധ്യതകള് മെച്ചപ്പെടുത്തുന്നതുമായിരിക്കുമെന്ന് വിസാറ്റ് ആര്ട്ട്സ് കോളജ് പ്രിന്സിപ്പല് ഡോ. ലാലി ആന്റണി പറഞ്ഞു.
ഈ പദ്ധതി ദേശീയ വിദ്യാഭ്യാസ നയം വിഭാവനം ചെയ്യുന്ന ജീവിത നൈപുണ്യവികസനം അടിസ്ഥാനപ്പെടുത്തിയുള്ളതാണ്. പഠനവും തൊഴിലും ഒരുമിച്ച് എന്ന ആശയം പ്രോത്സാഹിപ്പിക്കുന്ന ഈ പദ്ധതി, വരാനിരിക്കുന്ന അക്കാദമിക് വര്ഷങ്ങളിലും തുടരുമെന്നും, കൂടുതല് വിദ്യാര്ത്ഥികള്ക്ക് പഠനത്തോടൊപ്പം തൊഴില് പരിചയം ലഭ്യമാക്കുകയെന്നതാണ് ലക്ഷ്യമെന്നും വിസാറ്റ് ആര്ട്ട്സ് ആന്ഡ് സയന്സ് കോളജ് പ്ലേസ്മെന്റ് കോര്ഡിനേറ്റര്മാരായ അസി. പ്രഫ. വി.കെ. അഭിഷേക്, അസി. പ്രഫ. മരിയ സ്കറിയ, പി.ആര്.ഒ ഷാജി അഗസ്റ്റിന് ആറ്റുപുറം എന്നിവര് പറഞ്ഞു.
LATEST NEWS
- ആവേശം വിതറി പ്രധാനമന്ത്രിയുടെ റോഡ്ഷോ
- ക്ഷണമില്ല; ദേശീയപാതയില് പ്രതിഷേധ റോഡ് ഷോ നടത്തി മന്ത്രി മുഹമ്മദ് റിയാസും എം.എല്.എമാരും
- നടപടികള് നിര്ത്തിവയ്ക്കണമെന്ന് ആവശ്യം തള്ളി; സോളാര് കേസില് ഗണേഷ്കുമാറിന് തിരിച്ചടി
- മൂന്നുപേരൊഴികെ സിറ്റിങ് എം.എല്.എമാര് വീണ്ടും; എം.പിമാര് മത്സരിക്കില്ല, 31 കോണ്ഗ്രസ് സ്ഥാനാർത്ഥികൾക്ക് അംഗീകാരം
- ഭരണം തന്നാല്, വികസനം തരാം; പ്രഖ്യാപനങ്ങളില്ലാതെ 'മോദി ഗ്യാരന്റി' , ‘അഴിമതി, ചുവപ്പുനാട, ഹര്ത്താല് മാഫിയകളെ തുടച്ചുനീക്കും, രാഹൂല് ഗാന്ധി കൂപമണ്ഡൂകം’
