നടനും ഗായകനുമായ പ്രശാന്ത് തമാങ് അന്തരിച്ചു
ന്യൂഡല്ഹി: ഇന്ത്യന് ഐഡല് റിയാലിറ്റി ഷോ മൂന്നാം സീസണ് വിജയിയും ഗായകനും നടനുമായ പ്രശാന്ത് തമാങ് (43) അന്തരിച്ചു. ഹൃദയാഘാതത്തെ തുടര്ന്നാണ് അന്ത്യം.
1983 ജനുവരി 4 ന് ഡാര്ജിലിങ്ങില് ജനിച്ച തമാങ്ങിന് നന്നേ ചെറുപ്പത്തില് പിതാവിനെ നഷ്ടപ്പെട്ടു. പിന്നീട് ഒരു കോണ്സ്റ്റബിളായി കൊല്ക്കത്ത പോലീസില് ചേര്ന്നു. സേവനത്തിനിടയില്, പോലീസ് ഓര്ക്കസ്ട്രയില് അംഗമായി. റിയാലിറ്റി ഷോ "ഇന്ത്യന് ഐഡല് സീസണ് 3" വിജയിച്ചതിനു ശേഷം 2007-ല് തമാങ് ദേശീയ പ്രശസ്തിയിലേക്ക് ഉയര്ന്നു. ഈ വിജയം അദ്ദേഹത്തിന്റെ ആല്ബമായ 'ധന്യവാദ്' പുറത്തിറങ്ങുന്നതിലേക്കും നിരവധി വിദേശ പരിപാടികള്ക്കും അവസരം ലഭിച്ചു. ഇത് അദ്ദേഹത്തെ അംഗീകൃത പിന്നണി/ടെലിവിഷന് അവതാരകനാക്കി മാറ്റി.
2010 ല് നേപ്പാളി ഹിറ്റ് ഗൂര്ഖ പാല്ത്താന് എന്ന ചിത്രത്തിലൂടെയാണ് അദ്ദേഹം ചലച്ചിത്ര അരങ്ങേറ്റം കുറിച്ചത്, തുടര്ന്ന് അങ്കലോ യോ മായ കോ, കിന മായ മാ, നിഷാനി, പര്ദേശി, കിന മായാമ എന്നിവയില് അഭിനയിച്ചു.
ടെലിവിഷനില്, ആംബര് ധാരയില് അതിഥിയായി തമാങ് പ്രത്യക്ഷപ്പെട്ടു. പിന്നീട് പാതാള് ലോക് സീസണ് 2 ല് ഡാനിയേല് ലെച്ചോ എന്ന പ്രധാന വേഷത്തില് അഭിനയിച്ചു.
സിനിമയിലും സ്റ്റേജിലുമുള്ള തന്റെ പ്രവര്ത്തനങ്ങളെക്കാള്, ഗൂര്ഖ സമൂഹത്തിന് അദ്ദേഹം നല്കിയ സേവനങ്ങളുടെ പേരിലാണ് തമാങ് ഓര്മ്മിക്കപ്പെടുന്നത്.
LATEST NEWS
- ഹോര്മുസ് കടലിടുക്കിനു സമീപം തായ് കപ്പലിനുനേരേ ആക്രമണം
- ചരിത്രവിധിയുമായി സുപ്രീം കോടതി: പരോക്ഷ ദയാവധത്തിന് അനുമതി
- എല്.പി.ജി ക്ഷാമം: മൊബൈല് നെറ്റ്വര്ക്കുകളെയും ബാധിച്ചേക്കാം
- സ്പീക്കര്ക്കെതിരായ പ്രതിപക്ഷത്തിന്റെ അവിശ്വാസ പ്രമേയം പരാജയപ്പെട്ടു
- സ്ത്രീകള്ക്കെതിരായ അക്രമം രാഷ്ട്രീയപ്രശ്നം: കെ. അജിത
