'നിയമം ലംഘിച്ചാല് കടുത്ത നടപടി; വിസ റദ്ദാക്കും, നാടുകടത്തും'
ന്യൂഡല്ഹി: അമേരിക്കന് നിയമങ്ങള് പാലിച്ചില്ലെങ്കില് ഇന്ത്യന് വിദ്യാര്ഥികള്ക്കെതിരേ കടുത്ത നടപടിയെന്ന മുന്നറിയിപ്പുമായി യു.എസ്. എംബസി.
അമേരിക്കന് നിയമങ്ങള് ലംഘിക്കുകയോ അറസ്റ്റ് ചെയ്യപ്പെടുകയോ ചെയ്യുന്നത് വിദ്യാര്ഥി വിസ റദ്ദാക്കുന്നതിലേക്കു നയിച്ചേക്കാമെന്നു യു.എസ്. എംബസി മുന്നറിയിപ്പ് നല്കി. നിയമലംഘനങ്ങള് നാടുകടത്തലിനു കാരണമായേക്കാമെന്നും ഇത്തരക്കാര്ക്ക് ഭാവയില് യു.എസ്. വിസ ലഭിക്കില്ലെന്നും എംബസി എക്സില് കുറിച്ചു.
നിയമങ്ങള് അനുസരിക്കാത്ത വിദ്യാര്ഥികളുടെ വിസ റദ്ദ് ചെയ്യുന്നതടക്കമുള്ള കടുത്ത നടപടികളിലേക്ക് കടക്കുമെന്നാണ് മുന്നറിയിപ്പ്. 'യു.എസ്. നിയമങ്ങള് ലംഘിക്കുന്നത് നിങ്ങളുടെ സ്റ്റുഡന്റ് വിസയ്ക്ക് ഗുരുതരമായ പ്രത്യാഘാതങ്ങളുണ്ടാക്കും.
നിങ്ങള് അറസ്റ്റ് ചെയ്യപ്പെടുകയോ ഏതെങ്കിലും നിയമങ്ങള് ലംഘിക്കുകയോ ചെയ്താല് നിങ്ങളുടെ വിസ റദ്ദാക്കപ്പെടാം. നിങ്ങളെ നാടുകടത്താം. ഭാവിയില് വിസ ലഭിക്കുന്നതിന് നിങ്ങള് അയോഗ്യരാക്കപ്പെടും'- യു.എസ്. എംബസി എക്സില് കുറിച്ചു.
നിയമങ്ങള് പാലിക്കുക, വെറുതെ നിങ്ങളുടെ യാത്രയെ അപകടത്തിലാക്കരുത്. വിസ ഒരു അവസരം മാത്രമാണ്, അല്ലാതെ നിങ്ങളുടെ അവകാശമല്ലെന്നും എംബസി മുന്നറിയിപ്പ് നല്കി. ഇന്ത്യന് വിദ്യാര്ഥികള് പുതിയ അക്കാദമിക് പ്രവേശനത്തിന് തയാറെടുക്കുന്ന സാഹചര്യത്തിലാണ് ഇക്കാര്യം വ്യക്തമാക്കിയത്.
എച്ച്-1ബി, എച്ച്-4 വര്ക്ക് വിസകള് തേടുന്നവര്ക്കും യു.എസ്. എംബസി ഇത്തരത്തിലുള്ള മുന്നറിയിപ്പ് നല്കിയിരുന്നു. യു.എസ്. ഇമിഗ്രേഷന് നിയമങ്ങളുടെ ലംഘനം ഗുരുതരമായ ക്രിമിനല് ശിക്ഷകള്ക്കു കാരണമാകുമെന്നായിരുന്നു വര്ക്ക് വിസക്കാര്ക്കുള്ള മുന്നറിയിപ്പ്.
LATEST NEWS
- ഹോര്മുസ് കടലിടുക്കിനു സമീപം തായ് കപ്പലിനുനേരേ ആക്രമണം
- ചരിത്രവിധിയുമായി സുപ്രീം കോടതി: പരോക്ഷ ദയാവധത്തിന് അനുമതി
- എല്.പി.ജി ക്ഷാമം: മൊബൈല് നെറ്റ്വര്ക്കുകളെയും ബാധിച്ചേക്കാം
- സ്പീക്കര്ക്കെതിരായ പ്രതിപക്ഷത്തിന്റെ അവിശ്വാസ പ്രമേയം പരാജയപ്പെട്ടു
- സ്ത്രീകള്ക്കെതിരായ അക്രമം രാഷ്ട്രീയപ്രശ്നം: കെ. അജിത
