ശ്രേയസ് അയ്യർ തിരിച്ചെത്തി, ഷമി പുറത്തുതന്നെ, ന്യൂസിലന്ഡിനെതിരായ ഏകദിന പരമ്പരക്കുള്ള ഇന്ത്യൻ ടീമിനെ പ്രഖ്യാപിച്ചു
മുംബൈ: ന്യൂസിലന്ഡിനെതിരായ ഏകദിന പരമ്പരക്കുള് ഇന്ത്യന് ടീമിനെ പ്രഖ്യാപിച്ചു. ശുഭ്മാന് ഗില് ക്യാപ്റ്റനായി തിരിച്ചെത്തിയപ്പോള് വിക്കറ്റ് കീപ്പറായി റിഷഭ് പന്ത് ടീമിലെത്തി. വൈസ് ക്യാപ്റ്റനായി ശ്രേയസ് അയ്യര് ഇന്ത്യൻ ടീമില് തിരിച്ചെത്തിയപ്പോള് പേസര് മുഹമ്മദ് ഷമിയെ ഒരിക്കല് കൂടി തഴഞ്ഞു.
രോഹിത് ശര്മയും വിരാട് കോലിയും തിരിച്ചെത്തിയപ്പോള് റിസര്വ് ഓപ്പണറായി യശസ്വി ജയ്സ്വാളിനെയും ടീമില് നിലനിര്ത്തി. കുല്ദീപ് യാദവ്, രവീന്ദ്ര ജഡേജ, വാഷിംഗ്ടണ് സുന്ദര് എന്നിവരാണ് ടീമിലെ സ്പിന്നര്മാര്. ഹര്ഷിത് റാണ, പ്രസിദ്ധ് കൃഷ്ണ, മുഹമ്മദ് സിറാജ്, അര്ഷ്ദീപ് സിംഗ് എന്നിവര്ക്കൊപ്പം പേസ് ഓള് റൗണ്ടറായ നിതീഷ് കുമാര് റെഡ്ഡിയാണ് ടീമിലിടം നേടിയത്. കെ എല് രാഹുലാണ് പ്രധാന വിക്കറ്റ് കീപ്പര്. ജോലിഭാരം കുറക്കുന്നതിന്റെ ഭാഗമായും ടി20 ലോകകപ്പ് കണക്കിലെടുത്തും ഹാര്ദ്ദിക് പാണ്ഡ്യക്കും ജസ്പ്രീത് ബുമ്രക്കും ഏകദിന പരമ്പരയില് വിശ്രമം നല്കിയിട്ടുണ്ട്.
ജനുവരി 11ന് വഡോദരയിലാണേ മൂന്ന് മത്സര ഏകദിന പരമ്പരയിലെ ആദ്യ മത്സരം. 14ന് രാജ്കോട്ടില് രണ്ടാം ഏകദിനവും 18ന് ഇന്ഡോറില് മൂന്നാം ഏകദിനവും നടക്കും.
ന്യൂസിലന്ഡിനെതിരായ ഏകദിന പരമ്പരക്കുള്ള ഇന്ത്യൻ ടീം: ശുഭ്മാൻ ഗിൽ (ക്യാപ്റ്റൻ), രോഹിത് ശർമ്മ, വിരാട് കോലി, കെഎൽ രാഹുൽ, ശ്രേയസ് അയ്യർ (വൈസ് ക്യാപ്റ്റൻ), വാഷിംഗ്ടൺ സുന്ദർ, രവീന്ദ്ര ജഡേജ, മുഹമ്മദ് സിറാജ്, ഹർഷിത് റാണ, പ്രസിദ്ധ് കൃഷ്ണ, കുൽദീപ് യാദവ്, റിഷഭ് പന്ത്, നിതീഷ് കുമാർ റെഡ്ഡി, അർഷ്ദീപ് സിങ്, യശസ്വി ജയ്സ്വാൾ.
