മഹാരാഷ്്രടയിലെ മുന് കൃഷി മന്ത്രിയുടെ ശിക്ഷ കോടതി സ്റ്റേ ചെയ്തു
ന്യൂഡല്ഹി: സര്ക്കാര് ഫ്ലാറ്റ് അനധികൃതമായി സ്വന്തമാക്കാന് രേഖകള് കൃത്രിമം കാണിച്ച കേസില് മഹാരാഷ്്രട മുന് കൃഷി മന്ത്രിയും എന്.സി.പി (അജിത് പവാര് വിഭാഗം) എം.എല്.എയുമായ മണിക്റാവു കൊക്കാതെയുടെ ശിക്ഷ സുപ്രീം കോടതി സ്റ്റേ ചെയ്തു. ഇത് എം.എല്.എ. എന്ന നിലയില് അയോഗ്യനാകുന്നതില്നിന്ന് അദ്ദേഹത്തിനു താല്ക്കാലിക ആശ്വാസം നല്കി.അതേസമയം, എം.എല്.എ. എന്ന നിലയില് അയോഗ്യത ഉണ്ടാകാത്തിടത്തോളം ഹര്ജിക്കാരന്റെ ശിക്ഷ സ്റ്റേയില് തുടരും, കോടതി നിരീക്ഷിച്ചു.
നാസിക് മജിസ്ട്രേറ്റ് കോടതി ചുമത്തിയ രണ്ടു വര്ഷത്തെ തടവ് ബോംബെ ഹൈക്കോടതി താല്ക്കാലികമായി നിര്ത്തിവച്ചെങ്കിലും എം.എല്.എ. എന്ന നിലയില് അയോഗ്യതയ്ക്ക് അദ്ദേഹത്തെ ബാധ്യസ്ഥനാക്കിയ ശിക്ഷ സ്റ്റേ ചെയ്യാന് വിസമ്മതിച്ചതിനു ഒരാഴ്ചയ്ക്ക് ശേഷമാണ് സുപ്രീംകോടതി ഉത്തരവ്.ഈ വര്ഷം ഫെബ്രുവരിയില് നാസിക് കോടതി നല്കിയ ശിക്ഷ ചോദ്യം ചെയ്ത് കൊക്കാതെ സമര്പ്പിച്ച ഹര്ജിയില് മറുപടി ആവശ്യപ്പെട്ട് സുപ്രീം കോടതി ബെഞ്ച് മഹാരാഷ്്രട സര്ക്കാരിനു നോട്ടീസ് അയച്ചു.
1989 നും 1992 നും ഇടയില് നിലവിലുണ്ടായിരുന്നതും സാമ്പത്തികമായി പിന്നാക്കം നില്ക്കുന്ന വിഭാഗങ്ങള്ക്കായി ഒരു സര്ക്കാര് ഭവന പദ്ധതി ദുരുപയോഗം ചെയ്തുവെന്നാരോപിച്ചാണ് കൊക്കേറ്റിനെതിരേ കേസെടുത്തത്.
30,000 രൂപവരെ വാര്ഷിക വരുമാനമുള്ള വ്യക്തികള്ക്കു മാത്രമേ ഈ പദ്ധതി ബാധകമാകൂ. പദ്ധതിക്ക് യോഗ്യത നേടുന്നതിനായി കൊക്കേറ്റും സഹോദരന് വിജയും തങ്ങളുടെ വരുമാനം കുറച്ചുകാണിച്ച് തെറ്റായ സത്യവാങ്മൂലം സമര്പ്പിച്ചതായും നിയമവിരുദ്ധമായി രണ്ട് സര്ക്കാര് ഫ്ലാറ്റുകള് തട്ടിയെടുത്തതായും ആരോപിക്കപ്പെടുന്നു.നാസിക്കിലെ ഒരു സെഷന്സ് കോടതി അടുത്തിടെ കൊക്കേറ്റിന്റെ ശിക്ഷ ശരിവച്ചിരുന്നു.
LATEST NEWS
- ഹോര്മുസ് കടലിടുക്കിനു സമീപം തായ് കപ്പലിനുനേരേ ആക്രമണം
- ചരിത്രവിധിയുമായി സുപ്രീം കോടതി: പരോക്ഷ ദയാവധത്തിന് അനുമതി
- എല്.പി.ജി ക്ഷാമം: മൊബൈല് നെറ്റ്വര്ക്കുകളെയും ബാധിച്ചേക്കാം
- സ്പീക്കര്ക്കെതിരായ പ്രതിപക്ഷത്തിന്റെ അവിശ്വാസ പ്രമേയം പരാജയപ്പെട്ടു
- സ്ത്രീകള്ക്കെതിരായ അക്രമം രാഷ്ട്രീയപ്രശ്നം: കെ. അജിത
