ശക്തമായ പുകമഞ്ഞില് മറഞ്ഞ് ബാന്ദ്രവര്ളി സീ ലിങ്ക് റോഡ്: മുംബൈയില് നിന്നുള്ള ചിത്രങ്ങള് വൈറല്
ദില്ലിയില് മാത്രമല്ല രാജ്യത്തിന്റെ വ്യാവസായിക തലസ്ഥാനമെന്ന് അറിയപ്പെടുന്ന മുംബൈയിലും വായുവിന്റെ ഗുണ നിലവാരം കുത്തനെ താഴോട്ടാണെന്ന് റിപ്പോര്ട്ടുകള് സൂചിപ്പിക്കുന്നു. വായു ഗുണനിലവാര സൂചികയുടെ അടിസ്ഥാനത്തില് മുംബൈയിലെ വായുവിന്റെ ഗുണനിലവാരം 'വളരെ മോശം' എന്ന് ഗണത്തിലാണ് പെടുത്തിയിരിക്കുന്നത്. മുംബൈയില് AQI 308 ലെത്തിയെന്ന് കണക്കുകള് കാണിക്കുന്നു. ഇപ്പോഴിതാ മുംബൈയിലെ AQI 308 എന്ന് പറയുന്നതിനെക്കാള് ഒരു ചിത്രമാണ് സമൂഹ മാധ്യമ ഉപയോക്താക്കളുടെ ശ്രദ്ധ നേടിയത്.
അടുത്തടുത്ത രണ്ട് മാസങ്ങളിലെ രണ്ട് ദിവസങ്ങളിലെ ബാന്ദ്രവര്ളി സീ ലിങ്ക് റോഡിന്റെ ചിത്രങ്ങളായിരുന്നു അത്. ആദ്യത്തെ ചിത്രം 2025 ഓക്ടോബര് മാസം 26 തിയതി പകര്ത്തിയ ബാന്ദ്രവര്ളി സീ ലിങ്ക് റോഡിന്റെ ചിത്രം. വളരെ മനോഹരമായൊരു ചിത്രമായിരുന്നു അത്. തെളിഞ്ഞ നീലാകാശത്ത് ദൂരെയായി അമ്പരചംബികളായ മുംബൈയിലെ കെട്ടിടങ്ങള് തലയുയര്ത്തി നില്ക്കുന്നു. അതേസമയം കടലിന് കുറുകെ വളഞ്ഞ് പോകുന്ന ബാന്ദ്രവര്ളി സീ ലിങ്ക് റോഡും വളരെ തെളിമയോടെ കാണാം. എന്നാല് 2025 നവംബര് 26 ന്, അതായത് കൃത്യം ഒരു മാസത്തിന് ശേഷം അതേ സ്ഥലത്ത് നിന്നും പകര്ത്തിയ ചിത്രത്തില് ബാന്ദ്രവര്ളി സീ ലിങ്ക് റോഡ് കാണാനില്ല. പകരം ശക്തമായ പുകമഞ്ഞ് മാത്രം.
'ഒരു മാസത്തിനിടെ ബാന്ദ്രയിലെ ഒരേ സ്ഥലത്ത് നിന്നുള്ള ചിത്രങ്ങളാണിത്. മാറ്റം എല്ലാം പറയുന്നു.' എന്ന് കുറിപ്പോടെ മുംബൈ ഹെറിറ്റേജ് പങ്കുവച്ച ചിത്രം മണിക്കൂറുകള്ക്കുള്ളില് അരലക്ഷത്തോളം പേരാണ് കണ്ടത്. നിരവധി പേര് ആശങ്ക രേഖപ്പെടുത്താനെത്തി. മറ്റൊരു ചിത്രം പങ്കുവച്ച് കൊണ്ട് മുംബൈയുടെ വായു ഗുണനിലവാര സൂചിക മൂന്നിരട്ടി മോശമായെന്ന് മുംബൈ ഹെറിറ്റേജ് ചൂണ്ടിക്കാണിച്ചു. ആയിരം വാക്കുകളെക്കാള് ഒറ്റ ചിത്രത്തിന്റെ കരുത്തെന്നായിരുന്നു ഒരു കാഴ്ചക്കാരന് കുറിച്ചത്. മറ്റ് ചിലര് അത് മഞ്ഞാണെന്നും മഞ്ഞ് കാലത്ത് പതിവാണെന്നും എഴുതി. ചിലപ്പോള് കെട്ടിടനിര്മ്മാണങ്ങള് നടക്കുന്നുണ്ടാകാമെന്നും പക്ഷേ, അത് വിഷപ്പുകയല്ലെന്നും ചിലരെഴുതി. എന്നാല് അതേസമയം എത്യോപ്യയിലെ അഗ്നിപര്വ്വത സ്ഫോടന ഫലമാണെന്നായിരുന്നു മറ്റ് ചിലരുടെ കണ്ടെത്തല്. എത്യോപ്യയിലെ അഗ്നിപര്വ്വതം പൊട്ടിത്തെറിക്കുന്നതിന് വളരെ മുമ്പുതന്നെ വായു മോശമായിരുന്നുവെന്ന് ചിലര് ചൂണ്ടിക്കാട്ടി.
A month apart from the same viewpoint in Bandra. The change says everything.#pollution #AQI pic.twitter.com/epHAcDfoal— Mumbai Heritage (@mumbaiheritage) November 27, 2025
LATEST NEWS
- സ്വത്ത് തട്ടിയെടുക്കാൻ മരിച്ചുപോയ അമ്മയെ മരണനാന്തര വിവാഹം ചെയ്ത് അമ്മാന്റെ വിചിത്ര നീക്കം : പരാതിയുമായി യുവതി
- നിങ്ങൾ ഈ ഹോബി ഉള്ളവരാണോ? എങ്കിൽ ഓർമ്മശക്തിയും ശ്രദ്ധയും വർധിപ്പിക്കുമെന്ന് പുതിയ പഠനം
- വിദേശത്തുപോകാന് പണിയെടുത്തുണ്ടാക്കിയ സമ്പാദ്യം: വിമാനത്താവളത്തിലെത്തിയ യുവാവിനെ കാത്തിരുന്നത് ഞെട്ടിക്കുന്ന വാര്ത്ത
- വിദ്യാര്ത്ഥിനികളെകൊണ്ട് ശരീരം മസാജ് ചെയ്യിച്ച് അധ്യാപിക: ഞെട്ടിക്കുന്ന ദൃശ്യങ്ങള് പുറത്ത്
- പ്രായമോ സമയയോ വര്ഷമോ ഇല്ല: ആമസോണ് കാടുകളിലെ ഗോത്ര വിഭാഗം ജീവിക്കുന്നതിങ്ങനെ
