ഇതൊക്കെയെന്ത്! 15000 അടി ഉയരത്തില് നിന്നും സ്കൈഡൈവിംഗ് നടത്തി 80 വയസ്സുകാരന്
ഹരിയാനയില് നിന്നുള്ള 80 കാരന് അപ്പൂപ്പനാണ് ഇപ്പോള് സോഷ്യല് മീഡിയയില് ശ്രദ്ധനേടുന്നത്. ഈ പ്രായത്തില് 15000 അടി ഉയരത്തില് നിന്നും സ്കൈഡൈവിംഗ് നടത്തിയാണ് അദ്ദേഹമിപ്പോള് നെറ്റീസണ്സിന്റെ കയ്യടി വാങ്ങിക്കുന്നത്. ഇന്സ്റ്റഗ്രാം അടക്കമുള്ള സോഷ്യല് മീഡിയാ പ്ലാറ്റ്ഫോമുകളില് വ്യാപകമായി പ്രചരിക്കുന്ന വീഡിയോയില് അപ്പൂപ്പന് ചെറുമകന് അങ്കിതിനൊപ്പം ചാട്ടത്തിന് തയ്യാറെടുക്കുന്നതായി കാണാം.
അങ്കിത് മിക്കവാറും തന്റെ മുത്തച്ഛന്റെ വീഡിയോ സോഷ്യല് മീഡിയയില് ഷെയര് ചെയ്യാറുണ്ട്. അപ്പൂപ്പന്റെ ജീവിതത്തോടുള്ള അഭിനിവേശവും ആവേശവും കാണിക്കുന്ന വീഡിയോകളാണ് പലപ്പോഴും അങ്കിത് സോഷ്യല് മീഡിയയില് ഷെയര് ചെയ്യാറ്. എയര്ക്രാഫ്റ്റിലേക്ക് കയറുന്നതിന് മുമ്പായി, 'ഞങ്ങള് ഹരിയാനയില് നിന്നുള്ളവരാണ്, ഞങ്ങള്ക്ക് ഭയമില്ല' എന്ന് മുത്തച്ഛന് പറയുന്നത് കേള്ക്കാം. മുത്തച്ഛന്റെ ധൈര്യം അപാരം തന്നെ എന്നാണ് വീഡിയോ കാണുന്ന പലരും പറയുന്നത്.
വീഡിയോയില് എയര്ക്രാഫ്റ്റിലേക്ക് കയറി നിമിഷങ്ങള്ക്കകം അദ്ദേഹം ആകാശത്തേക്ക് കുതിച്ചുയരുന്നതാണ് കാണുന്നത്. ഈ പ്രായത്തിലും ചുറുചുറുക്കോടെ ഇങ്ങനെയൊരു കാര്യത്തിനിറങ്ങിത്തിരിച്ച ഈ ഹരിയാനക്കാരന് അപ്പൂപ്പനെ അഭിനന്ദനങ്ങള് കൊണ്ട് മൂടുകയാണ് ഇപ്പോള് സോഷ്യല് മീഡിയ.
LATEST NEWS
- സ്വത്ത് തട്ടിയെടുക്കാൻ മരിച്ചുപോയ അമ്മയെ മരണനാന്തര വിവാഹം ചെയ്ത് അമ്മാന്റെ വിചിത്ര നീക്കം : പരാതിയുമായി യുവതി
- നിങ്ങൾ ഈ ഹോബി ഉള്ളവരാണോ? എങ്കിൽ ഓർമ്മശക്തിയും ശ്രദ്ധയും വർധിപ്പിക്കുമെന്ന് പുതിയ പഠനം
- വിദേശത്തുപോകാന് പണിയെടുത്തുണ്ടാക്കിയ സമ്പാദ്യം: വിമാനത്താവളത്തിലെത്തിയ യുവാവിനെ കാത്തിരുന്നത് ഞെട്ടിക്കുന്ന വാര്ത്ത
- വിദ്യാര്ത്ഥിനികളെകൊണ്ട് ശരീരം മസാജ് ചെയ്യിച്ച് അധ്യാപിക: ഞെട്ടിക്കുന്ന ദൃശ്യങ്ങള് പുറത്ത്
- പ്രായമോ സമയയോ വര്ഷമോ ഇല്ല: ആമസോണ് കാടുകളിലെ ഗോത്ര വിഭാഗം ജീവിക്കുന്നതിങ്ങനെ
