ഷെഫാലിക്കും ദീപ്തിക്കും അര്ധ സെഞ്ചുറി; റിച്ചയുടെ (24 പന്തിൽ 34) ‘കാമിയോ’; ദക്ഷിണാഫ്രിക്കയ്ക്ക് 299 റണ്സ് വിജയലക്ഷ്യം
നവി മുംബൈ: വനിതാ ഏകദിന ലോകകപ്പ് ഫൈനലില് ഇന്ത്യക്കെതിരെ ദക്ഷിണാഫ്രിക്കയ്ക്ക് 299 റണ്സ് വിജയലക്ഷ്യം. നവി മുംബൈ, ഡി വൈ പാട്ടീല് സ്റ്റേഡിയത്തില് ടോസ് നഷ്ടപ്പെട്ട് ബാറ്റിംഗിനെത്തിയ ഇന്ത്യയെ ഷെഫാലി വര്മ (87), ദീപ്തി ശര്മ (58), സ്മൃതി മന്ദാന (45), റിച്ചാ ഘോഷ് (34) എന്നിവരുടെ ഇന്നിംഗ്സുകളാണ് മികച്ച സ്കോറിലേക്ക് നയിച്ചത്. കന്നിക്കിരീടത്തിലേക്കുള്ള ‘അടിത്തറ’ ബാറ്റർമാർ ചേർന്ന് ഒരുക്കിയിട്ടുണ്ട്. ഇനി ബോളർമാർ കൂടി ഒത്തുപിടിച്ചാൽ ലോകകപ്പ് കിരീമെന്ന ഇന്ത്യൻ വനിതകളുടെ മോഹം പൂവണിയും.
ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഇന്ത്യയ്ക്ക് ഓപ്പണിങ് വിക്കറ്റിൽ സ്മൃതി മന്ഥനയും (58 പന്തിൽ 45)ഷെഫാലി വർമയും (78 പന്തിൽ 87) ചേർന്ന സെഞ്ചറി കൂട്ടുകെട്ട് മികച്ച തുടക്കമാണ് നൽകിയത്. ഒന്നാം വിക്കറ്റില് സ്മൃതിയും ഷെഫാലിയും ചേർന്ന് 104 റൺസാണ് കൂട്ടിച്ചേർത്തത്. പവർപ്ലേ അവസാനിച്ചപ്പോൾ 64/0 എന്ന നിലയിലായിരുന്നു ഇന്ത്യ. എന്നാല് 18-ാം ഓവറില് ഇന്ത്യക്ക് ബ്രേക്ക് ത്രൂ ലഭിച്ചു. ക്ലോ ട്രൈയോണിന്റെ പന്തില് വിക്കറ്റ് കീപ്പര് സിനാലോ ജാഫ്തയ്ക്ക് ക്യാച്ച് നല്കിയാണ് മന്ദാന മടങ്ങുന്നത്. 58 പന്തുകള് നേരിട്ട താരം എട്ട് ബൗണ്ടറികള് നേടി. തുടര്ന്നെത്തിയ ജമീമ റോഡ്രിഗസ് (24), ഷെഫാലിക്കൊപ്പം 62 റണ്സ് കൂട്ടിചേര്ത്തു. എന്നാല് ഷെഫാലി 28-ാം ഓവറില് മടങ്ങി. ഖാകയുടെ പന്തില് സുനെ ലുസിന് ക്യാച്ച്. 78 പന്തുകള് നേരിട്ട താരം രണ്ട് സിക്സും ഏഴ് ഫോറും നേടി. പിന്നാലെ ക്രീസിലെത്തിയ ഹര്മന്പ്രീത് കൗറിന് (20) അധികനേരം ക്രീസില് തുടരാനായില്ല. ജമീമയും പവലിയനില് തിരച്ചെത്തി. അമന്ജോത് കൗര് (12) കൂടി മടങ്ങിയതോടെ അഞ്ചിന് 245 എന്ന നിലയിലായി ഇന്ത്യ.
പിന്നീടെത്തിയ റിച്ച ഘോഷിന്റെയും ദീപ്തിയുടെ ബാറ്റിങ്ങാണ് ഇന്ത്യൻ സ്കോർ 300നു തൊട്ടടുത്തു വരെ എത്തിച്ചത് . 49-ാം ഓവറിലെ അവസാന പന്തില് റിച്ച മടങ്ങി. രണ്ട് സിക്സും മൂന്ന് ഫോറും ഉള്പ്പെടുന്നതായിരുന്നു റിച്ചയുടെ ഇന്നിംഗ്സ്. അവസാന ഓവറില് ആറ് റണ്സ് മാത്രമാണ് ഇന്ത്യക്ക് നേടാന് സാധിച്ചത്. അവസാന പന്തില് ദീപ്തി റണ്ണൗട്ടാവുകയും ചെയ്തു. 58 പന്തുകള് നേരിട്ട ദീപ്തി ഒരു മൂന്ന് ഫോറും നേടി. രാധാ യാദവ് ദീപിതിക്കൊപ്പം പുറത്താവാതെ നിന്നു.
നേരത്തെ, മഴയെ തുടര്ന്ന് വൈകിയാണ് ടോസിട്ടത്. ടോസ് നേടിയ ദക്ഷിണാഫ്രിക്കൻ ക്യാപ്റ്റൻ ലോറ വോൾവാർട്ട് ബോളിങ് തിരഞ്ഞെടുക്കുകയായിരുന്നു. സെമി ഫൈനൽ വിജയച്ച ടീമില് നിന്ന് ഇരു ടീമുകളും ഒരു മാറ്റവും വരുത്തിയിട്ടില്ല. ഇരു ടീമുകളും ആദ്യ കിരീടം തേടിയാണ് ഇറങ്ങുന്നത്. മഴയെ തുടർന്നു രണ്ടു മണിക്കൂർ വൈകിയാണ് ടോസ് ഇട്ടത്. എങ്കിലും ഓവറുകൾ ചുരുക്കിയിട്ടില്ല. രണ്ടരയ്ക്കു നിശ്ചയിച്ചിരുന്ന ടോസ്.
