അവള് ഒന്നാം സമ്മാനം നേടിയപ്പോള് എന്റെ ഹൃദയം നിറഞ്ഞുപോയി; മകളുടെ നേട്ടത്തില് സന്തോഷം പങ്കുവെച്ച് സിത്താര
സംസ്ഥാനതല ഭവന്സ് കള്ച്ചറല് ഫെസ്റ്റില് മകള് സമ്മാനം നേടിയ സന്തോഷം പങ്കുവെച്ച് ഗായിക സിത്താര കൃഷ്ണകുമാര്. കാക്കനാട് ഭവന്സ് ആദര്ശ വിദ്യാലയത്തില് നടന്ന സംസ്ഥാന മേളയില് മലയാളം പദ്യപാരായണത്തില് ഒന്നാം സ്ഥാനമാണ് സാവന് ഋതു നേടിയത്. എളമക്കര ഭവന്സ് വിദ്യാമന്ദിറിലെ വിദ്യാര്ഥിയാണ് സാവന് ഋതു.
മകളുടെ നേട്ടത്തില് തന്റെ ഹൃദയം നിറഞ്ഞുപോയെന്ന് സിത്താര സാമൂഹിക മാധ്യമങ്ങളില് കുറിച്ചു. സമ്മാനമായി ലഭിച്ച സര്ട്ടിഫിക്കറ്റും ട്രോഫിയുമായി മകള് നില്ക്കുന്ന ചിത്രം പങ്കുവെച്ചാണ് സിത്താരയുടെ ഹൃദ്യമായ കുറിപ്പ്.
‘സായു ഫെസ്റ്റില് പങ്കെടുക്കണമെന്ന് പറഞ്ഞപ്പോള് മാതാപിതാക്കളെന്ന നിലയില് ഞങ്ങള്ക്ക് ഉറപ്പില്ലായിരുന്നു. അതിന് പിന്നിലെ സമ്മര്ദം ഞങ്ങള്ക്ക് അറിയാമായിരുന്നു. എന്നാല് അവളുടെ അമ്മമ്മയ്ക്ക് ആ പഴയ രക്ഷകര്തൃത്വത്തിന്റെ ദിനങ്ങളിലൂടെ വീണ്ടും കടന്നുപോകണമെന്ന് ആഗ്രഹമുണ്ടായിരുന്നുവെന്ന് തോന്നുന്നു. അവളുടെ കൈപിടിച്ച് പൂര്ണമനസ്സോടെ കൂടെനില്ക്കാന്. ഇന്ന് സംസ്ഥാനതല ഭവന്സ് ഫെസ്റ്റില് അവള് ഒന്നാം സമ്മാനം നേടിയപ്പോള് എന്റെ ഹൃദയം നിറഞ്ഞുപോയി. വിജയത്തിലല്ല, മറിച്ച് അവള് അിടെ കണ്ടെത്തിയ സന്തോഷത്തിലും ധൈര്യത്തിലുമാണത്. ജിജ്ഞാസ, അനുഭവം, ധൈര്യം ഇവയെന്നും നിന്നോടൊപ്പം ഉണ്ടാകട്ടെ കുഞ്ഞുമണി..’ സിത്താര കുറിച്ചു.
സിത്താരയുടെയും ഡോ. എം .സജിഷിന്റെയും മകളാണ് സാവന് ഋതു. 2007 ലാണ് സജീഷും സിത്താരയും വിവാഹിതരായത്. 2013 ലാണ് ഇരുവര്ക്കും പെണ്കുഞ്ഞ് ജനിച്ചത്.
LATEST NEWS
- സായി അഭ്യങ്കറുടെ ‘പവഴ മല്ലി’ക്ക് ചുവടുവെച്ച് വേദ ജയസൂര്യ; വീഡിയോ
- ‘എന്നെത്തന്നെ കൂടുതല് മനസ്സിലാക്കാന് സഹായിച്ചു’; നന്ദഗോവിന്ദം ഭജന ആസ്വദിച്ച് മഹിമ നമ്പ്യാര്
- ‘ഉണ്ണി മുകുന്ദന് എന്റെ ചൈൽഡ്ഹുഡ് ക്രഷ് ആണ്; ആ ഹൈറ്റ്, ബോഡി എല്ലാം കണ്ടാലേ ഞാനൊന്ന് ‘വൗ’ ആയിപ്പോകും...’ഗായിക ശിവാംഗി; വൈറല് താരത്തിന്റെ വാക്കുകള് തരംഗം
- ‘നിറയെ പാട്ടുകളില് നിന്ന് സംഗീത ശൂന്യതയിലേക്ക് കൂപ്പ് കുത്തിയ കാലം’; ജീവിതത്തിലെ ഇരുണ്ട കാലഘട്ടം ഓര്ത്തെടുത്ത് ജി വേണുഗോപാല്
- ‘അച്ഛന്റെ മരണസമയത്ത് അദ്ദേഹം നല്കിയ ആശ്വാസം മറക്കാനാവില്ല; അച്ഛന് കൊള്ളിവച്ചതും മരുമകന്റെ സ്ഥാനത്തു നിന്ന് എല്ലാം ചെയ്തതും അദ്ദേഹമാണ്...’ഗോപി സുന്ദറിനെപ്പറ്റി അമൃത സുരേഷ്
