തലവര എന്ന സിനിമയ്ക്ക് നിങ്ങള് നല്കിയ സ്നേഹത്തിന് നന്ദി; കുറിപ്പുമായി അര്ജുന് അശോകന്
യുവതാരങ്ങളില് ശ്രദ്ധേയനായ നടനാണ് അര്ജുന് അശോകന്. തലവരയാണ് അര്ജുന്റേതായി ഏറ്റവുമൊടുവില് തിയറ്ററുകളിലെത്തിയ ചിത്രം. തലവരയില് അര്ജുന്റെ പ്രകടനത്തിന് മികച്ച പ്രശംസയും ലഭിച്ചിരുന്നു. ഇപ്പോഴിതാ തലവര എന്ന സിനിമയ്ക്ക് പ്രേക്ഷകര് നല്കിയ സ്നേഹത്തിന് നന്ദി പറഞ്ഞെത്തിയിരിക്കുകയാണ് നടന്. ഇന്സ്റ്റഗ്രാമില് പങ്കുവെച്ച കുറിപ്പിലൂടെയായിരുന്നു താരം നന്ദി അറിയിച്ചത്.
‘തലവര എന്ന സിനിമയോട് കാണിച്ച സ്നേഹത്തിന് നിങ്ങള് ഓരോരുത്തര്ക്കും നന്ദി. സംവിധായകന് അഖില് അനില് കുമാര്, നിര്മ്മാതാക്കളായ ഷെബിന് ബെക്കര്, മഹേഷ് നാരായണന്, അലക്സ് ഇ കുര്യന്, ജ്യേതിഷ് എന്ന കഥാപാത്രത്തെ വാര്ത്തെടുക്കുന്നതില് എന്നോടൊപ്പം നിന്ന മുഴുവന് അഭിനേതാക്കള്ക്കും അണിയറപ്രവര്ത്തകര്ക്കും നന്ദി.
നിങ്ങളുടെ പിന്തുണ എനിക്ക് ഒരു ലോകം തന്നെയാണ്. സൗബിക്കയ്ക്കും ആസിഫിക്കയ്ക്കും എന്നെന്നും നന്ദി, നിങ്ങളുടെ നിരന്തരമായ സ്നേഹവും പിന്തുണയും ഇല്ലായിരുന്നെങ്കില് എനിക്ക് ഇത് ചെയ്യാന് കഴിയുമായിരുന്നില്ല, നിങ്ങളെ രണ്ടുപേരെയും സ്നേഹിക്കുന്നു. എന്റെ നീതുവിനും അച്ഛനും അമ്മയ്ക്കും, ഞാന് നിങ്ങളെ അഭിമാനിപ്പിക്കുമെന്ന് പ്രതീക്ഷിക്കുന്നു ’അര്ജുന് അശോകന് കുറിച്ചു.
അര്ജുന് അശോകന്റെ കരിയറിലെ തന്നെ മികച്ച വേഷങ്ങളിലൊന്നാണ് തലവരയിലെ ജ്യോതിഷ് എന്നാണ് പ്രേക്ഷകാഭിപ്രായം. വിറ്റിലിഗോ രോഗാവസ്ഥയുള്ളൊരു യുവാവിന്റെ ജീവിതവും പ്രണയവും സംഘര്ഷങ്ങളുമൊക്കെയാണ് തലവരയില് അവതരിപ്പിച്ചിരിക്കുന്നത്.
ഷൈജു ശ്രീധര്, അശ്വത് ലാല്, പ്രശാന്ത് മുരളി, അഭിറാം രാധാകൃഷ്ണന്, ദേവദര്ശിനി, അമിത് മോഹന് രാജേശ്വരി, സാം മോഹന്, മനോജ് മോസസ്, സോഹന് സീനുലാല്, മുഹമ്മദ് റാഫി, വിഷ്ണു രെഘു, ശരത് സഭ, ഷെബിന് ബെന്സണ്, ആതിര മറിയം, വിഷ്ണുദാസ്, ഹരീഷ് കുമാര്, സുമ തുടങ്ങി നിരവധി താരങ്ങളാണ് ചിത്രത്തില് ഒരുമിച്ചിരിക്കുന്നത്.
YOU MAY BE INTERESTED
LATEST NEWS
- ‘ഇവനെയെന്തിന് എടുത്തുവെന്നതടക്കം ഭയങ്കര സൈബര് ബുള്ളിയിംഗ് വന്നു; 100 വാള്ട്ടിന്റെ ബള്ബായി കത്തിക്കിടന്ന ഞാന് പെട്ടെന്ന് സീറോ വാള്ട്ടായി പോയി...’ ഫുക്രു
- വിജയ്യെക്കുറിച്ച് തൃഷയോട് ചോദ്യങ്ങളുമായി പാപ്പരാസികള്; മൈന്ഡ് ചെയ്യാതെ താരം
- മാനവരാശിയുടെ നിലനില്പിനു തന്നെ ഭീഷണിയാകുന്ന ചില വിശ്വാസപ്രമാണങ്ങൾ ...... പൊളിച്ചെഴുത്തിൻ്റെ കാഹളം മുഴക്കിയെത്തുന്ന ആക്ഷൻ ക്രൈം ത്രില്ലർ കിരാത മാർച്ച് 27-ന് തീയേറ്ററുകളിൽ
- ' തിയേറ്ററില് വര്ക്കായില്ല, പക്ഷേ ആ ചിത്രം വിരാട് കോഹ്ലിയ്ക്ക് ഇഷ്ടമാണെന്നും മാച്ചിന് മുമ്പ് കാണാറുണ്ടെന്നും പറഞ്ഞു' ; പ്രിയദര്ശന്
- ' പ്രമാണിമാരോടും ഉന്നതന്മാരോടും ഒരു നീതി, സാധാരണ മനുഷ്യരോട് മറ്റൊരു നീതി' ; മുഖ്യമന്ത്രിയോട് നടന് പ്രേം കുമാര്
