ഇതിന്റെ ബ്രേക്ക് എവിടെടാ..?' തലവര ഷൂട്ടിനിടെ അര്ജുന് അശോകന് അപകടം, വീഡിയോ പങ്കുവെച്ച് സംവിധായകന്
യുവതാരങ്ങളിൽ ശ്രദ്ധേയനായ നടനാണ് അർജുൻ അശോകൻ. തലവരയാണ് അർജുന്റേതായി ഏറ്റവുമൊടുവിൽ തിയറ്ററുകളിലെത്തിയ ചിത്രം. തലവരയിൽ അർജുന്റെ പ്രകടനത്തിന് മികച്ച പ്രശംസയും ലഭിച്ചിരുന്നു. ഇപ്പോഴിതാ തലവരയുടെ സെറ്റിലുണ്ടായ ഒരു അപകടത്തിന്റെ വിഡിയോയാണ് ശ്രദ്ധേയമാകുന്നത്.
ചിത്രത്തിന്റെ സംവിധായകൻ അഖിൽ അനിൽകുമാറാണ് വിഡിയോ പങ്കുവച്ചിരിക്കുന്നത്. നടൻ ശരത് സഭ സ്കൂട്ടർ ഓടിച്ച് വരുന്നതിനിടെ നിയന്ത്രണം വിട്ട് അർജുനെ ഇടിക്കുകയായിരുന്നു. 'ഇതിൻ്റെ ബ്രേക്ക് എവിടെ..? ങ്ഹേ.. ഇതിൻ്റെ ബ്രേക്ക് എവിടെടാ..?'- എന്ന് കുറിച്ചുകൊണ്ടാണ് സംവിധായകൻ വിഡിയോ പങ്കുവച്ചിരിക്കുന്നത്.
എന്നാൽ നിരവധി പേരാണ് വിഡിയോയ്ക്ക് താഴെ കമന്റുമായെത്തിയിരിക്കുന്നത്. നടൻ ഗണപതിയും നടി മഹിമ നമ്പ്യാരുമൊക്കെ കമന്റുമായെത്തിയിട്ടുണ്ട്. 'ഇതിനൊരു മാറ്റവും ഇല്ലല്ലേ' എന്നാണ് ഗണപതി കുറിച്ചിരിക്കുന്നത്. 'ആർക്കും ഒന്നും പറ്റിയില്ലല്ലോ അല്ലേ' എന്ന് മഹിമയും കുറിച്ചു.
അർജുൻ അശോകന്റെ കരിയറിലെ തന്നെ മികച്ച വേഷങ്ങളിലൊന്നാണ് തലവരയിലെ ജ്യോതിഷ് എന്നാണ് പ്രേക്ഷകാഭിപ്രായം. വിറ്റിലിഗോ രോഗാവസ്ഥയുള്ളൊരു യുവാവിന്റെ ജീവിതവും പ്രണയവും സംഘർഷങ്ങളുമൊക്കെയാണ് തലവരയിൽ അവതരിപ്പിച്ചിരിക്കുന്നത്.
ഷൈജു ശ്രീധർ, അശ്വത് ലാൽ, പ്രശാന്ത് മുരളി, അഭിറാം രാധാകൃഷ്ണൻ, ദേവദർശിനി, അമിത് മോഹൻ രാജേശ്വരി, സാം മോഹൻ, മനോജ് മോസസ്, സോഹൻ സീനുലാൽ, മുഹമ്മദ് റാഫി, വിഷ്ണു രെഘു, ശരത് സഭ, ഷെബിൻ ബെൻസൺ, ആതിര മറിയം, വിഷ്ണുദാസ്, ഹരീഷ് കുമാർ, സുമ തുടങ്ങി നിരവധി താരങ്ങളാണ് ചിത്രത്തിൽ ഒരുമിച്ചിരിക്കുന്നത്.
YOU MAY BE INTERESTED
LATEST NEWS
- ഫാക്ടറി പോലെ കുട്ടികളെ പെറ്റ് കൂട്ടുന്നു, എന്നിട്ട് സഹായം ചോദിച്ചു വരും; ചര്ച്ചയായി വരലക്ഷ്മിയുടെ വാക്കുകള്
- എംജിആര് പാന്റ്സില് മുളളുമെന്ന പരാമര്ശം; മാപ്പുപറഞ്ഞ് നടന് രാജേന്ദ്രപ്രസാദ്
- ‘ആയിരം തവണ തെറ്റിപ്പിരിയാന് അവസരമുണ്ടായിരുന്നു; അസാമാന്യമായ തര്ക്കങ്ങള് ഞങ്ങള്ക്കിടയിലുണ്ടാകാറുണ്ട്...’ സിന്ധുവിനൊപ്പമുള്ള ദാമ്പത്യത്തെപ്പറ്റി കൃഷ്ണകുമാര്
- ‘‘ഞാനവള്ക്ക് നെറ്റിയിൽ ഒരു ഉമ്മ കൊടുത്തിട്ട് ബൈ എന്ന് പറഞ്ഞു...’’ സുബിയെ അവസാനം കണ്ടതിനെപ്പറ്റി വികാരധീനനായി ടിനി ടോം
- സാമാന്യ മര്യാദ പോലുമില്ലേ? നടി സരിഗയ്ക്ക് കൈ കൊടുക്കാതെ ശങ്കര്; നടിയെ അപമാനിച്ചെന്ന് വിമര്ശനം
