മാഹി ഇരട്ടക്കൊലപാതകക്കേസില് എല്ലാര്ക്കും മോചനം : കൊടിസുനിയടക്കം 16 പേരെയും വെറുതെവിട്ടു
തലശ്ശേരി: മാഹി ഇരട്ടക്കൊലപാതകത്തില് കൊടിസുനിയടക്കം എല്ലാ പ്രതികളെയും വെറുതേവിട്ടു. തലശ്ശേരി അഡീഷണല് സെഷന്സ് കോടതി 3 ആണ് കേസിലെ 16 പ്രതികളെയും വെറുതേവിട്ടത്. 2010 ലായിരുന്നു കേസിനാസ്പദമായ സംഭവം നടന്നത്. പ്രതികളില് രണ്ടുപേര് മരണമടഞ്ഞ സാഹചര്യത്തില് കേസിലെ 14 പ്രതികളെയാണ് കുറ്റവിമുക്തരാക്കിയത്. ടിപി ചന്ദ്രശേന് വധക്കേസില് ജയില്ശിക്ഷ അനുഭവിക്കുന്ന കൊടിസുനിക്ക് പുറമേ ഷിനോജ്, ഷാഫി എന്നിവരും കേസില് ഉള്പ്പെട്ടിരുന്നു.
2010 മെയ് 28 ന് പട്ടാപ്പകല് കോടതിയില് ഹാജരായി മടങ്ങുമ്പോള് വിജിത്ത്, ഷിനോജ് എന്നീ ആര്എസ്എസ് പ്രവര്ത്തകരെ ബോംബെറിഞ്ഞു വീഴ്ത്തിയ ശേഷം വെട്ടിക്കൊലപ്പെടുത്തി എന്നാണ് കേസ്. കൊടി സുനിയും മുഹമ്മദ് ഷാഫിയും ഈ കേസില് രണ്ടും നാലും പ്രതികളായിരുന്നു. കേസില് പ്രതിചേര്ക്കപ്പെട്ട 14 പേരും ഇന്ന് കോടതിയില് ഹാജരായിരുന്നു. തെളിവുകളുടെ അഭാവത്തിലാണ് പ്രതികളെ വെറുതെ വിട്ടത്.
വിചാരണവേളയില് 12 സാക്ഷികള് കൂറുമാറിയ കേസില് രണ്ടുപേര് വിചാരണയ്ക്ക് ഇടയില് തന്നെ മരണപ്പെട്ടിരുന്നു. കേസില് പരോളിലുള്ള കൊടി സുനി തലശ്ശേരി അഡീഷണല് സെഷന്സ് കോടതിയില് വിചാരണയ്ക്ക് ഹാജരായത് ഹൈക്കോടതിയുടെ പ്രത്യേക അനുമതി വാങ്ങിയത്. കണ്ണൂര് ജില്ലയില് പ്രവേശിക്കരുത് എന്ന പരോള് വ്യവസ്ഥയിലായിരുന്നു ഇളവ്. കേസിന്റെ വിചാരണയ്ക്ക് എത്തിയ കൊടിസുനി മദ്യപിച്ചത് വിവാദമാകുകയും കണ്ണൂര് സെന്ട്രല് ജയിലില് നിന്നും തവനൂര് സെന്ട്രല് ജയിലിലേക്ക് മാറ്റുകയും ചെയ്തിരുന്നു.
LATEST NEWS
- വിറപ്പിച്ച് ജി. സുധാകരന്; വീഴാതിരിക്കാന് ചടുലനീക്കങ്ങളുമായി സി.പി.എം.; വ്യക്തിയുടെ 'ഈഗോ'യ്ക്കുമുന്നില് പാര്ട്ടി മുട്ടുമടക്കില്ലെന്ന് അണികളെ ബോധ്യപ്പെടുത്തും
- ‘ഭുവനേശ്വരന് ആക്രമിക്കപ്പെട്ടപ്പോഴും മരിച്ചപ്പോഴും പാര്ട്ടിയില്നിന്ന് ആരും സഹായിച്ചില്ല, തമിഴ്നാട്ടിലും ബംഗാളിലും കോണ്ഗ്രസുമായി സഖ്യമുണ്ടാക്കിയില്ലേ?’: ജി. സുധാകരന്
- വയനാട് തുരങ്കപാത നിര്മാണം; പ്രകൃതിസംരക്ഷണ സമിതിയുടെ അപ്പീലിനെതിരേ തടസഹര്ജി നല്കി സര്ക്കാര്; സുപ്രീം കോടതിയുടെ ഇടപെടല് നീട്ടിവയ്പ്പിക്കല് ലക്ഷ്യം
- മുകുന്ദേട്ടാ ബി.ജെ.പി. വിളിക്കുന്നു ... സി.സി. മുകുന്ദനെ റാഞ്ചാന് ലക്ഷ്യമിട്ട് ബി.ജെ.പി,; ആശയക്കുഴപ്പത്തില് കോണ്ഗ്രസ്, പ്രാദേശിക തലത്തില് ശക്തമായ എതിര്പ്പ്
- എലത്തൂരില് മന്ത്രി എ.കെ. ശശീന്ദ്രന് മത്സരിക്കണോ? തീരുമാനം നീളുന്നു, തെരഞ്ഞെടുപ്പ് വിജ്ഞാപനം വരുന്നതിനുമുമ്പ് പ്രശ്നങ്ങള് തീര്ക്കണമെന്നു സിപിഎം
