അധാര്മികമെന്ന് വാദം: അഫ്ഗാനിസ്ഥാനില് താലിബാന്റെ ഇന്റര്നെറ്റ് ബ്ലാക്ക്ഔട്ട്, വിമാന സര്വീസുകളും നിലച്ചു
കാബൂള്: അഫ്ഗാനിസ്ഥാനില് ഇന്റര്നെറ്റ് സേവനങ്ങള് നിരോധിച്ച് താലിബാന്. രാജ്യത്ത് ഫൈബര് ഒപ്റ്റിക് സേവനങ്ങള് പൂര്ണമായും വിഛേദിക്കപ്പെട്ടു. ഇന്റര്നെറ്റ് സേവനങ്ങള് അധാര്മികമെന്ന് ചൂണ്ടിക്കാട്ടിയാണ് താലിബാന്റെ നടപടി. ഇന്റര്നെറ്റ് ബന്ധം വിച്ഛേദിക്കാന് താലിബാന് രണ്ടാഴ്ചയായി നടപടി സ്വീകരിച്ചു വരികയായിരുന്നു. ഇന്റര്നെറ്റ് നിരോധിച്ചതോടെ വിമാന സര്വീസുകള് താറുമാറായി.
രാജ്യം പൂര്ണമായും കണക്റ്റിവിറ്റി ബ്ലാക്ക്ഔട്ടില്' (ഇന്റര്നെറ്റില്ലാതെ എല്ലാം നിശ്ചയം) ആണെന്ന് ഇന്റര്നെറ്റ് നിരീക്ഷണ സ്ഥാപനമായ നെറ്റ്ബ്ലോക്സ് റിപ്പോര്ട്ട് ചെയ്തു. കാബൂളിലെ ഓഫിസുമായുള്ള മൊബൈല് ഫോണ് സേവനം ഉള്പ്പെടെ എല്ലാ ബന്ധങ്ങളും നഷ്ടപ്പെട്ടതായി രാജ്യാന്തര വാര്ത്താ ഏജന്സിയായ എഎഫ്പി അറിയിച്ചു. മൊബൈല് ഇന്റര്നെറ്റും സാറ്റലൈറ്റ് ടിവിയും അഫ്ഗാനിസ്ഥാനിലുടനീളം തടസ്സപ്പെട്ടു.
ഇനിയൊരു അറിയിപ്പുണ്ടാകുന്നതുവരെ ഇന്റര്നെറ്റ് സേവനങ്ങള് പുനസ്ഥാപിക്കില്ലെന്ന് താലിബാന് പ്രതിനിധി പറഞ്ഞതായി ബിബിസി റിപ്പോര്ട്ടിലുണ്ട്. ചൊവ്വാഴ്ച കാബൂള് അന്താരാഷ്ട്ര വിമാനത്താവളത്തില് നിന്ന് പുറപ്പെടുകയോ എത്തിച്ചേരുകയോ ചെയ്യേണ്ടിരുന്ന എട്ട് വിമാനങ്ങളെങ്കിലും റദ്ദാക്കിയതായി ഫ്ലൈറ്റ് ട്രാക്കിംഗ് നെറ്റ്വര്ക്കായ ഫ്ലൈറ്റ്റാഡാര്24 പറയുന്നു. ഇന്റര്നെറ്റ് ലഭ്യതയ്ക്കായി ബദല് മാര്ഗം സൃഷ്ടിക്കുമെന്ന് നേരത്തെ താലിബാന് പറഞ്ഞെങ്കിലും കൂടുതല് വിവരങ്ങള് വെളിപ്പെടുത്തിയിട്ടില്ല.
YOU MAY BE INTERESTED
LATEST NEWS
- ഇടതുപക്ഷവും യുഡിഎഫും ട്രീറ്റ് ചെയ്യുന്നത് കൈവിട്ട പോലെ ; പാലക്കാട് ശോഭാസുരേന്ദ്രന് സാധ്യത കൂടിയെന്ന് ബിജെപി
- എംപിമാര്ക്ക് സീറ്റില്ലെന്ന് കേന്ദ്രനേതൃത്വവും; കെ.സുധാകരനെ ഹൈക്കമാന്റ് അനുനയിപ്പിക്കും, അടൂര്പ്രകാശിന് അതൃപ്തി
- എല്ദോസ് കുന്നപ്പിള്ളിക്ക് വിനയായത് 'കേന്ദ്ര നയം', ആരോപണ വിധേയരെയെല്ലാം ഒഴിവാക്കണം; സുധാകരന്റെ കാര്യത്തില് എം.പിമാരുടെ നിലപാട് തേടി
- പാര്ട്ടിക്കതീതമായ സുഹൃത്ബന്ധം; തിരുവനന്തപുരം മണ്ഡലത്തിലെ യു.ഡി.എഫ് സ്ഥാനാര്ഥി സി.പി. ജോണിന്റെ ഫോട്ടോഷൂട്ടിന് സുരേഷ് കുറുപ്പ്
- അടിയൊഴുക്കുകള് ശ്രദ്ധിക്കണം, മാന്യത പുലര്ത്തണം, ഒരുതരത്തിലുള്ള നാവുപിഴയും ഉണ്ടാകരുത് ; കീഴ്ഘടകങ്ങളോട് സി.പി.എം നിര്ദേശം
