മാതാപിതാക്കളാകാനൊരുങ്ങുന്നുവെന്ന് കത്രീനയും വിക്കി കൗശാലും; ‘കത്രീന, വിക്കി...ഒരേയൊരു ഡിമാന്റ് മാത്ര’മെന്ന ക്യൂട്ട് കമന്റുമായി അക്ഷയ്കുമാര്
ഏറെ ആരാധകരുള്ള ബോളിവുഡ് താരദമ്പതികളാണ് കത്രീന കൈഫും വിക്കി കൗശാലും. ഒരുമിച്ച് സിനിമയില് അഭിനയിച്ചിട്ടില്ലെങ്കിലും പിന്നീടുണ്ടായ ഇവരുടെ പ്രണയവും വിവാഹവുമൊക്കെ ആരാധകര് ആഘോഷമാക്കിയതാണ്. പവര് കപ്പിള്സ് എന്ന് വിളിപ്പേരുള്ള ക്യാറ്റ്-വിക്കി ദമ്പതിമാരുടെ എല്ലാ വിശേഷങ്ങളും ആവേശത്തോടെ ആരാധകര് ഏറ്റെടുക്കാറുണ്ട്. കഴിഞ്ഞ കുറച്ച് നാളുകളായി കത്രീന ഗര്ഭിണിയാണെന്ന അഭ്യൂഹങ്ങളാണ് പ്രചരിച്ചിരുന്നത്. എന്നാല് അതിനെക്കുറിച്ച് വിക്കിയോ കത്രീനയോ പ്രതികരിച്ചിരുന്നില്ല.
എന്നാല് എല്ലാ ഗോസിപ്പുകള്ക്കും വിരാമമിട്ട് ഇക്കഴിഞ്ഞ ദിവസം താരദമ്പതിമാര് തങ്ങളുടെ ജീവിതത്തിലേക്ക് ഒരു കുഞ്ഞതിഥി എത്താന് പോകുന്നുവെന്ന സന്തോഷം ആരാധകരെ അറിയിച്ചു. വിക്കി കത്രീനയുടെ നിറവയറില് സ്നേഹപൂര്വ്വം പിടിച്ചു നില്ക്കുന്ന ചിത്രത്തിന്റെ പ്രിന്റ് കൈയില് പിടിച്ചുള്ള ഫോട്ടോ പങ്കിട്ടായിരുന്നു ഇവരുടെ ഇന്സ്റ്റഗ്രാം പോസ്റ്റ്.
‘‘ഞങ്ങളുടെ ജീവിതത്തിലെ ഏറ്റവും മികച്ച അധ്യായം തുടങ്ങാൻ പോകുന്നു, സന്തോഷവും നന്ദിയും നിറഞ്ഞ ഹൃദയത്തോടെ...’’ എന്ന ക്യാപ്ഷന് നല്കിയാണ് താരങ്ങള് സന്തോഷ വാർത്ത അറിയിച്ചത്. ആരാധകരും സഹതാരങ്ങളുമടക്കം നിരവധി പേരാണ് താരദമ്പതിമാരുടെ പുതിയ യാത്രയ്ക്കായുള്ള സന്തോഷവും ആശംസകളും സോഷ്യല് മീഡിയയിലൂടെ പങ്കിട്ടത്.
എന്നാല് ഇപ്പോഴിതാ ഇതില് ഏറെ ശ്രദ്ധിക്കപ്പെടുന്നത് താരദമ്പതിമാരുടെ സന്തോഷം നിറഞ്ഞ പോസ്റ്റിന് അക്ഷയ് കുമാര് നല്കിയിരിക്കുന്ന ഹൃദയം കവരുന്ന കമന്റാണ്. ‘‘കത്രീന, വിക്കി... നിങ്ങളുടെ കാര്യത്തില് എനിക്ക് അതിയായ സന്തോഷമുണ്ട്. നിങ്ങളെ ഇത്രയധികം അറിയാവുന്നതുകൊണ്ട് എനിക്ക് ഉറപ്പിച്ച് പറയാൻ കഴിയും, നിങ്ങള് രണ്ടുപേരും മികച്ച മാതാപിതാക്കളാകും. ഒരേയൊരു ഡിമാൻഡ് മാത്രം... കുട്ടിയെ ഇംഗ്ലീഷും പഞ്ചാബിയും ഒരുപോലെ പഠിപ്പിക്കണം. ഒരുപാട് സ്നേഹവും അനുഗ്രഹങ്ങളും. ജയ് മഹാദേവ്...’’ എന്നാണ് അക്ഷയ് കുമാര് നല്കിയിരിക്കുന്ന കമന്റ്. ചിരിക്കുന്ന ഇമോജിക്കൊപ്പം അക്ഷയ് കുമാര് പങ്കിട്ട കമന്റ് ഏറ്റെടുക്കുകയാണ് ആരാധകര്.
YOU MAY BE INTERESTED
LATEST NEWS
- എംജിആര് പാന്റ്സില് മുളളുമെന്ന പരാമര്ശം; മാപ്പുപറഞ്ഞ് നടന് രാജേന്ദ്രപ്രസാദ്
- ‘ആയിരം തവണ തെറ്റിപ്പിരിയാന് അവസരമുണ്ടായിരുന്നു; അസാമാന്യമായ തര്ക്കങ്ങള് ഞങ്ങള്ക്കിടയിലുണ്ടാകാറുണ്ട്...’ സിന്ധുവിനൊപ്പമുള്ള ദാമ്പത്യത്തെപ്പറ്റി കൃഷ്ണകുമാര്
- ‘‘ഞാനവള്ക്ക് നെറ്റിയിൽ ഒരു ഉമ്മ കൊടുത്തിട്ട് ബൈ എന്ന് പറഞ്ഞു...’’ സുബിയെ അവസാനം കണ്ടതിനെപ്പറ്റി വികാരധീനനായി ടിനി ടോം
- സാമാന്യ മര്യാദ പോലുമില്ലേ? നടി സരിഗയ്ക്ക് കൈ കൊടുക്കാതെ ശങ്കര്; നടിയെ അപമാനിച്ചെന്ന് വിമര്ശനം
- വിവാഹമോചനത്തിനു ശേഷമുളള ആദ്യ സോഷ്യല് മീഡിയ പോസ്റ്റുമായി നടി ഹന്സിക മോട്വാനി
