ഏറ്റവും മികച്ച ജീവിതമാണ് ഞാനിപ്പോൾ ജീവിക്കുന്നത്, എത്രത്തോളം അനുഗ്രഹീതയാ​ണെന്ന് വാക്കുകൾക്കൊണ്ട് പറഞ്ഞറിയിക്കാൻ വയ്യ; സൗന്ദര്യ രജനികാന്ത്

ഏറ്റവും മികച്ച ജീവിതമാണ് ഞാനിപ്പോൾ ജീവിക്കുന്നത്, എത്രത്തോളം അനുഗ്രഹീതയാണെന്ന് വാക്കുകൾക്കൊണ്ട് പറഞ്ഞറിയിക്കാൻ വയ്യ; സൗന്ദര്യ രജനികാന്ത്

photo-www.instagram.com/soundaryaarajinikant/

പിറന്നാള്‍ ദിനത്തില്‍ ഹൃദയസ്പര്‍ശിയായ കുറിപ്പ് പങ്കുവെച്ച് രജനികാന്തിന്റെ ഇളയ മകള്‍ സൗന്ദര്യ രജനികാന്ത്. ഏറ്റവും മനോഹരമായ നല്ല ജീവിതമാണ് താനിപ്പോള്‍ ജീവിക്കുന്നതെന്ന് സൗന്ദര്യ ഇന്‍സ്റ്റഗ്രാമില്‍ കുറിച്ചു. തന്റെ ജന്മദിനം ഭർത്താവ് മനോഹരമാക്കി തന്ന ഫോട്ടോകൾക്കൊപ്പമാണ് സൗന്ദര്യയുടെ പോസ്റ്റ്.

എന്റെ ഏറ്റവും മികച്ച ജീവിതമാണ് ഞാനിപ്പോൾ ജീവിക്കുന്നത്. എത്രത്തോളം അനുഗ്രഹീതയാണ് എന്ന് വാക്കുകൾക്കൊണ്ട് പറഞ്ഞറിയിക്കാൻ വയ്യ. എനിക്ക് ആശംസകൾ നേരാൻ സമയം ചെലവഴിച്ച നിങ്ങൾക്കോരോരുത്തർക്കും നന്ദി. ഇന്നത്തെ ദിവസം എനിക്കത്രയധികം സ്പെഷ്യലാണ്.
ദൈവത്തോട് എന്നേക്കും നന്ദി, എന്റെ അവിശ്വസനീയമായ MRP എന്റർടൈൻമെന്റ് & സിയോൺ ടീം, എന്റെ സ്നേഹനിധിയായ അപ്പയ്ക്കും അമ്മയ്ക്കും, എന്റെ പ്രിയപ്പെട്ട ഭർത്താവ്, എന്റെ പ്രിയപ്പെട്ട കുട്ടികൾ - നിങ്ങളാണ് എന്റെ ലോകം- സൗന്ദര്യ ഇൻസ്റ്റഗ്രാമിൽ കുറിച്ചു.

2010 ൽ ആയിരുന്നു, സൗന്ദര്യ രജിനികാന്തിന്റെ ബിസിനസ്സുകാരനായ അശ്വിൻ രാം കുമാറുമായുള്ള വിവാഹം. ആ ബന്ധത്തിൽ ഒരു മകനും പിറന്നു. 2017 ലായിരുന്നു വിവാഹ മോചനം. 2019 ൽ ആണ് വിശാഖൻ വനഗമുടിയുമായുള്ള വിവാഹം നടന്നത്. 2022 ൽ മകൻ പിറന്നു. ഭർത്താവിനും മക്കൾക്കുമൊപ്പം ഹാപ്പി ലൈഫ് ജീവിക്കുകയാണ് സൗന്ദര്യ രജിനികാന്ത് .

രജിനികാന്തിന്റെ മകൾ എന്നതിനപ്പുറം ഗ്രാഫിക് ഡിസൈനറും സംവിധായികയുമാണ് സൗന്ദര്യ. പടയപ്പ, ബാബ, ചന്ദ്രമുഖി, അൻപേ ആറുയിരേ, ശിവകാശി, മജാ, സണ്ടക്കോഴി, ശിവകാശി തുടങ്ങിയ ചിത്രങ്ങളുടെ ഗ്രാഫിക് ഡിസൈനറായ സൗന്ദര്യ കൊച്ചടയാൻ, വേലയില്ലാ പട്ടധാരി 2 എന്നീ ചിത്രങ്ങളുടെ സംവിധായികയുമാണ്.