ഇതിനേക്കാള്‍ മികച്ച ഓഫര്‍ ഇനി കിട്ടാനില്ല ; ഈ സ്മാര്‍ട്ട്‌ഫോണിന് 7000 രൂപ ഡിസ്‌കൗണ്ട്

പ്രമുഖ സ്മാര്‍ട്ട്‌ഫോണ്‍ ബ്രാന്‍ഡായ വണ്‍പ്ലസ് തങ്ങളുടെ ഫെസ്റ്റിവല്‍ സെയില്‍ പ്രഖ്യാപിക്കുകയും ഡീലുകള്‍ വെളിപ്പെടുത്തുകയും ചെയ്തിരിക്കുന്നു. വണ്‍പ്ലസിന്റെ കരുത്തന്‍ മോഡലായ വണ്‍പ്ലസ് 13R (OnePlus 13R) 35000 രൂപയോടടുത്ത വിലയില്‍ ഈ വരുന്ന ഫെസ്റ്റിവല്‍ സെയിലില്‍ ഉപയോക്താക്കള്‍ക്ക് വാങ്ങാനാകും. ഇന്ത്യയില്‍ ലോഞ്ച് ചെയ്യുന്ന സമയത്ത് വണ്‍പ്ലസ് 13Rന്റെ 12GB + 256GB മോഡലിന് 42,999 രൂപയും 16GB + 512GB മോഡലിന് 49,999 രൂപയുമായിരുന്നു വില. എന്നാല്‍ ഇപ്പോള്‍ ഫെസ്റ്റിവല്‍ ഓഫറില്‍ പറയുന്നത് ഈ ഫോണിന്റെ അടിസ്ഥാന വില 44999 രൂപയാണെന്നാണ്.

ഫെസ്റ്റിവല്‍ ഓഫറിന്റെ ഭാഗമായി വണ്‍പ്ലസ് 13r മോഡലിന് 7000 രൂപ ഫെസ്റ്റിവല്‍ ഡിസ്‌കൗണ്ടും 2250 രൂപ ബാങ്ക് ഡിസ്‌കൗണ്ടും ലഭ്യമാകും എന്ന് വണ്‍പ്ലസ് വെളിപ്പെടുത്തുന്നു. അതായത് ഈ ഡിസ്‌കൗണ്ടുകള്‍ക്ക് ശേഷം 35749 രൂപ വിലയില്‍ ഈ ഫോണ്‍ വാങ്ങാനാകും എന്നാണ് വണ്‍പ്ലസ് അറിയിച്ചിരിക്കുന്നത്. ഒക്ട കോര്‍ സ്‌നാപ്ഡ്രാഗണ്‍ 8 ജെന്‍ 3 4nm ചിപ്‌സെറ്റാണ് വണ്‍പ്ലസ് 13R ന്റെ കരുത്ത്. 120Hz വരെ റിഫ്രഷ് റേറ്റുള്ള 6.78 ഇഞ്ച് (2780×1264 പിക്‌സല്‍സ്) 8T LTPO AMOLED ഡിസ്‌പ്ലേ, 2160Hz PWM ഡിമ്മിങ്, 4500 nits വരെ പീക്ക് ബ്രൈറ്റ്‌നസ്, കോര്‍ണിംഗ് ഗൊറില്ല ഗ്ലാസ് 7i പ്രൊട്ടക്ഷന്‍ എന്നിവ ഇതിലുണ്ട്.

അഡ്രിനോ 750 ജിപിയു, 12GB/ 16GB LPDDR5X റാം, 256GB/ 512GB UFS 4.0 സ്റ്റോറേജ്, ആന്‍ഡ്രോയിഡ് 15 അടിസ്ഥാനമാക്കിയുള്ള ഓക്‌സിജന്‍ഒഎസ് 15 (4 OS അപ്ഡേറ്റുകളും 6 വര്‍ഷത്തെ സുരക്ഷാ അപ്ഡേറ്റുകളും സഹിതം), ഇന്‍-ഡിസ്പ്ലേ ഒപ്റ്റിക്കല്‍ ഫിംഗര്‍പ്രിന്റ് സെന്‍സര്‍, ഇന്‍ഫ്രാറെഡ് സെന്‍സര്‍, ഡ്യുവല്‍ സിം (നാനോ + നാനോ), 5G SA/ NSA, ഡ്യുവല്‍ 4G VoLTE എന്നിവയും ഇതിലുണ്ട്. ട്രിപ്പിള്‍ റിയര്‍ ക്യാമറ സജ്ജീകരണവും വണ്‍പ്ലസ് 13Rല്‍ ഉണ്ട്. f/1.8 അപ്പേര്‍ച്ചര്‍, OIS, 1/1.56' സോണി LYT-700 സെന്‍സര്‍ എന്നിവയുള്ള 50MP മെയിന്‍ ക്യാമറ, 8MP 120° അള്‍ട്രാ വൈഡ് ക്യാമറ, 50MP 2x ടെലിഫോട്ടോ ക്യാമറ, എല്‍ഇഡി ഫ്‌ലാഷ്, എന്നിവ ഇതിലുണ്ട്. ഫ്രണ്ടില്‍ സോണി IMX480 സെന്‍സര്‍ സഹിതം 16MP ക്യാമറയാണുള്ളത്. ഇത് 1080p 30 fps വീഡിയോ റെക്കോര്‍ഡിംഗ് സഹിതം എത്തുന്നു.