പമ്പ മണപ്പുറത്ത് ആഗോള അയ്യപ്പ സംഗമം ഇന്ന് നടക്കും ; മുഖ്യമന്ത്രി പിണറായി വിജയന് ഉദ്ഘാടനം ചെയ്യും
പമ്പ: ശബരിമലയുടെ വികസനം ലക്ഷ്യമിട്ട് പമ്പ മണപ്പുറത്ത് ആഗോള അയ്യപ്പ സംഗമം ഇന്ന് നടക്കും. രാവിലെ 9.30 ന് മുഖ്യമന്ത്രി പിണറായി വിജയന് ഉദ്ഘാടനം ചെയ്യും. ദേവസ്വം മന്ത്രി വി.എന്.വാസവന് അധ്യക്ഷത വഹിക്കും. തമിഴ്നാട് ഹിന്ദുമത ചാരിറ്റബിള് എന്ഡോവ്മെന്റ് വകുപ്പ് മന്ത്രി പി.കെ.ശേഖര് ബാബു, ഐ.ടി വകുപ്പ് മന്ത്രി പളനിവേല് ത്യാഗരാജന് എന്നിവര് പ്രത്യേക ക്ഷണിതാക്കളാണ്.
സംസ്ഥാന മന്ത്രിമാരായ കെ. രാജന്, റോഷി അഗസ്റ്റിന്, കെ. കൃഷ്ണന് കുട്ടി, എ.കെ.ശശീന്ദ്രന്, കെ.ബി. ഗണേഷ് കുമാര്, വീണാ ജോര്ജ്, സജി ചെറിയാന്, ചീഫ് വിപ്പ് ഡോ. എന് ജയരാജ് എന്നിവര് സംബന്ധിക്കും. രാവിലെ ആറ് മുതല് പ്രതിനിധികളുടെ രജിസ്ട്രേഷന് ആരംഭിക്കും. 8.30 മുതല് 9.30 വരെ ഭജന്. പത്മശ്രീ കൈതപ്രം ദാമോദരന് നമ്പൂതിരിയുടെ പ്രാര്ഥനയോടെ ഉദ്ഘാടന സമ്മേളനം ആരംഭിക്കും. റവന്യു (ദേവസ്വം) വകുപ്പ് സെക്രട്ടറി എം ജി രാജമാണിക്യം സമീപന രേഖ അവതരിപ്പിക്കും.
തുടര്ന്ന് സമാന്തര ചര്ച്ച. ഉച്ചയ്ക്ക് 12 മുതല് തത്ത്വമസി, ശ്രീരാമ സാകേതം, ശബരി വേദികളിലായി ശബരിമല മാസ്റ്റര് പ്ലാന്, ആത്മീയ ടൂറിസം സര്ക്യൂട്ട്, ശബരിമലയിലെ ആള്ക്കൂട്ട നിയന്ത്രണവും തയ്യാറെടുപ്പുകളും എന്നീ വിഷയങ്ങളെക്കുറിച്ച് ഒരേ സമയം ചര്ച്ച നടക്കും. ഉച്ചയ്ക്ക് രണ്ട് മുതല് വിജയ് യേശുദാസ് നയിക്കുന്ന അയ്യപ്പ ഗാനങ്ങള് കോര്ത്തിണക്കിയ സംഗീത പരിപാടി.
വൈകിട്ട് 3.20 ന് ചര്ച്ചകളുടെ സമാഹരണം. തുടര്ന്ന് പ്രധാന വേദിയില് സമാപന സമ്മേളനം. അതിനു ശേഷം പ്രതിനിധികള്ക്ക് ശബരിമല ദര്ശനത്തിന് സൗകര്യം ഒരുക്കിയിട്ടുണ്ട്. വിദേശ രാജ്യങ്ങളില് നിന്നടക്കം 3,000 പ്രതിനിധികള് പങ്കെടുക്കും. ആദ്യം രജിസ്റ്റര് ചെയ്തവര്ക്കാണ് അവസരം. ഇവര്ക്കൊപ്പം മത, സാമുദായിക, സാംസ്കാരിക രംഗത്തുള്ള 500 പേരും പങ്കെടുക്കും. പാസ് വഴിയാണ് പ്രതിനിധികള്ക്ക് പ്രവേശനം.
പ്രധാന വേദിയായ 'തത്ത്വമസി'യിലാണ് ശബരിമല മാസ്റ്റര് പ്ലാന് ചര്ച്ച. തിരുവനന്തപുരം കോളജ് ഓഫ് എന്ജിനീയറിംഗിലെ പ്രഫ. ബെജെന് എസ് കോത്താരി, ഡോ. പ്രിയാഞ്ജലി പ്രഭാകരന്, മുന് ചീഫ് സെക്രട്ടറി ഡോ. കെ. ജയകുമാര് എന്നിവരാണു പാനലിസ്റ്റുകള്.
ആത്മീയ ടൂറിസം സര്ക്യൂട്ട് സെഷന് 'ശ്രീരാമ സാകേതം' വേദിയിലാണ്. പ്രധാനമന്ത്രിയുടെ മുന് പ്രിന്സിപ്പല് സെക്രട്ടറി ടി.കെ.എ. നായര്, കേരള ടൂറിസം സെക്രട്ടറി കെ. ബിജു, കേരള ട്രാവല്മാര്ട്ട് സ്ഥാപകന് എസ്. സ്വാമിനാഥന്, സോമതീരം ആയുര്വേദ ഗ്രൂപ്പ് ചെയര്മാനും മാനേജിങ് ഡയറക്ടറുമായ ബേബി മാത്യു എന്നിവരാണ് പാനലിസ്റ്റുകള്.
YOU MAY BE INTERESTED
LATEST NEWS
- കെ.സുരേന്ദ്രന് രാഷ്ട്രീയ ഗുരു, മാധ്യമങ്ങളില് വരുന്നത് അറിയാത്ത കാര്യം ; പ്രതികരിച്ച് എം.എല്. അശ്വിനി
- നിങ്ങളാണ് ഈശ്വരന്, ഞാന് നിങ്ങളെ തേടിയാണ് എത്തിയത് ; ധീവരസഭയ്ക്ക് അഭിവാദ്യമര്പ്പിച്ച് പ്രധാനമന്ത്രി
- അള്ട്രാവയലറ്റ് വികിരണ തോത് കൂടുന്നു; കേരളത്തിൽ ആറിടത്ത് ഓറഞ്ച് അലര്ട്ട്
- ജി.സുധാകരന് അമ്പലപ്പുഴയില്നിന്നും സ്വതന്ത്ര സ്ഥാനാര്ത്ഥിയായി മത്സരിച്ചേക്കും
- ഉദ്ഘാടനം ചെയ്യുന്നത് കുടുംബപാതയല്ല ; മുഖ്യമന്ത്രിയേയൂം മരുമകനെയൂം വിളിക്കാന് ഇത് കുടുംബപരിപാടിയല്ലെന്ന് ബിജെപി
