ബ്രിട്ടീഷ് ബോക്സിങ് ഇതിഹാസം റിക്കി ഹാറ്റന് അന്തരിച്ചു
മാഞ്ചസ്റ്റര് : ബ്രിട്ടീഷ് ബോക്സിങ് ഇതിഹാസം റിക്കി ഹാറ്റൺ അന്തരിച്ചു. 46 വയസ്സായിരുന്നു. മാഞ്ചസ്റ്ററിലെ വീട്ടിൽ മരിച്ച നിലയിൽ കണ്ടെത്തുകയായിരുന്നു. നിരവധി തവണ ലോക ചാമ്പ്യൻ ആയിട്ടുള്ള താരമാണ് റിക്കി ഹാറ്റൺ. 15 വർഷത്തെ ബോക്സിങ് കരിയറിൽ, ലൈറ്റ്-വെൽറ്റർവെയ്റ്റ് ഡിവിഷനിൽ നിരവധി ലോക കിരീടങ്ങളും വെൽറ്റർവെയ്റ്റിൽ ഒരു കിരീടവും അദ്ദേഹം നേടി.
തന്റെ 48 പ്രൊഫഷണൽ പോരാട്ടങ്ങളിൽ 45 എണ്ണത്തിലും വിജയിച്ചു . IBF, WBA ലൈറ്റ്-വെൽറ്റർവെയ്റ്റ്, വെൽറ്റർവെയ്റ്റ് കിരീടങ്ങൾ നേടി. 2005-ൽ ഓസ്ട്രേലിയൻ താരം കോസ്ത്യ സ്യൂവിനെ തോൽപ്പിച്ച് WBU ബെൽറ്റിനൊപ്പം IBF ലൈറ്റ്-വെൽറ്റർവെയ്റ്റ് കിരീടവും സ്വന്തമാക്കി. ഫ്ലോയ്ഡ് മെയ്വെതർ ജൂനിയർ, മാണി പാക്വിയോ തുടങ്ങിയ ഇതിഹാസ താരങ്ങളുമായി അദ്ദേഹം ഏറ്റുമുട്ടിയിട്ടുണ്ട്.
ഹാറ്റൺ അവസാനമായി റിങ്ങിൽ എത്തിയത് 2012 ലാണ്. റിങ്ങിൽ നിന്ന് വിരമിച്ചതിനുശേഷം താൻ അനുഭവിച്ച മാനസികാരോഗ്യ പ്രശ്നങ്ങളെക്കുറിച്ചും ഹാറ്റൺ തുറന്നുപറഞ്ഞിരുന്നു. 2005 ൽ മാഞ്ചസ്റ്ററിലെ മെൻ അരീനയിൽ നടന്ന മത്സരത്തിൽ കോസ്റ്റ സ്യൂവിനെ പരാജയപ്പെടുത്തിയാണ് അദേഹം ആദ്യമായി ലോക കിരീടം നേടുന്നത്.
