ലക്ഷദ്വീപിലെ കുട്ടി ആരാധകനെ നേരില് കണ്ട് സര്പ്രൈസ് നല്കി റാപ്പര് ഡബ്സി; വീഡിയോ
ലക്ഷദ്വീപിലെ കുട്ടി ആരാധകനെ നേരിട്ട് കണ്ട് സര്പ്രൈസ് നല്കി റാപ്പര് ഡബ്സി. വീഡിയോ കോളിലൂടെ കാണാനുളള ആഗ്രഹം പ്രകടിപ്പിച്ച് കരഞ്ഞ കുട്ടിയെയാണ് ഡബ്സി നേരിട്ട് പോയി കണ്ടത്.
ഡബ്സിയെ കണ്ടതോടെ കുട്ടി ആരാധകന് സന്തോഷം കൊണ്ട് കരയാന് തുടങ്ങി. അതു കണ്ട് എന്നെ അത്രയ്ക്ക് ഇഷ്ടമാണോ എന്ന ഡബ്സി കുട്ടിയോട് ചോദിക്കുന്നുണ്ട് . അതെ എന്ന കുട്ടി മറുപടി പറയുമ്പോള് എന്നാല് കെട്ടിപിടിക്ക് എന്ന് പറഞ്ഞ് ഡബ്സി കുട്ടിയെ കെട്ടിപ്പിടിച്ച് ഉമ്മ കൊടുക്കുന്നതും വീഡിയോയില് കാണാം.
തുടര്ന്ന് കുട്ടി ആരാധകന് ഓട്ടോഗ്രാഫും നല്കിയാണ് ഡബ്സി മടങ്ങിയത്. ഏറ്റവും പ്രിയപ്പെട്ട സുഹൈദ്, ഒരുപാട് ഉയരങ്ങള് ജീവിതത്തില് നിനക്ക് പടച്ചോന് വാരി ചൊരിഞ്ഞ് തരട്ടെ എന്ന് ആത്മാര്ഥമായി പ്രാര്ഥിക്കുന്നു എന്നാണ് ഓട്ടോഗ്രാഫില് ഡബ്സി കുറിച്ചത്.
വലിയ പ്രേക്ഷക ശ്രദ്ധയാണ് വീഡിയോയ്ക്ക് ലഭിക്കുന്നത്. കണ്ണ് നിറയ്ക്കുന്നതാണ് വീഡിയോ എന്നാണ് പലരും അഭിപ്രായപ്പെടുന്നത്. ആ മോന്റെ കളങ്കമില്ലാത്ത സ്നേഹത്തിനു മുമ്പില് ഡബ്സി ഒന്നുമല്ലാതായിപ്പോയി എന്നാണ് ഒരാള് കമന്റ് ചെയ്തിരിക്കുന്നത്. ഡബ്സിയെ പോലെ നിഷ്ക്കളങ്കനായ ഒരാളെ കണ്ടിട്ടില്ല, നിങ്ജള് ഇത്ര സിംപിള് ആയിരുന്നോ മനുഷ്യ, നിങ്ങള് മുത്താണ് എന്നിങ്ങനെയാണ് വീഡിയോയ്ക്ക് താഴെയുളള കമന്റുകള്.
LATEST NEWS
- എം.എം. കീരവാണിയുടെ മകന് കാലഭൈരവ വിവാഹിതനാകുന്നു; വധു നടി കാവ്യാ കല്യാണ്റാം
- സായി അഭ്യങ്കറുടെ ‘പവഴ മല്ലി’ക്ക് ചുവടുവെച്ച് വേദ ജയസൂര്യ; വീഡിയോ
- ‘എന്നെത്തന്നെ കൂടുതല് മനസ്സിലാക്കാന് സഹായിച്ചു’; നന്ദഗോവിന്ദം ഭജന ആസ്വദിച്ച് മഹിമ നമ്പ്യാര്
- ‘ഉണ്ണി മുകുന്ദന് എന്റെ ചൈൽഡ്ഹുഡ് ക്രഷ് ആണ്; ആ ഹൈറ്റ്, ബോഡി എല്ലാം കണ്ടാലേ ഞാനൊന്ന് ‘വൗ’ ആയിപ്പോകും...’ഗായിക ശിവാംഗി; വൈറല് താരത്തിന്റെ വാക്കുകള് തരംഗം
- ‘നിറയെ പാട്ടുകളില് നിന്ന് സംഗീത ശൂന്യതയിലേക്ക് കൂപ്പ് കുത്തിയ കാലം’; ജീവിതത്തിലെ ഇരുണ്ട കാലഘട്ടം ഓര്ത്തെടുത്ത് ജി വേണുഗോപാല്
