സമീഹ ജുനൈദിന്റെ മൂന്നാമത് കവിതാ സമാഹാരം 'ഷീല്ഡിംഗ് സണ്ഫ്ളവറി'ന്റെ കവര് പേജ് പ്രകാശനം ചെയ്തു
ദോഹ. ഖത്തറിലെ യുവ മലയാളി കവയിത്രി സമീഹ ജുനൈദിന്റെ മൂന്നാമത് ഇംഗ്ളീഷ് കവിതാ സമാഹാരമായ 'ഷീല്ഡിംഗ് സണ്ഫ്ളവറി'ന്റെ കവര് പേജ് പ്രകാശനം
ചെയ്തു.സ്കില്സ് ഡെവലപ്മെന്റ് സെന്റര് കമ്മ്യൂണിറ്റി ഹാളില് ഖത്തറിലെ പ്രമുഖ സാമൂഹ്യ സാംസ്കാരിക പ്രവര്ത്തകര് പങ്കെടുത്ത ചടങ്ങില് ഗ്രന്ഥകാരനും മാധ്യമ പ്രവര്ത്തകനും മീഡിയ പ്ലസ് സി ഇ ഒ യുമായ ഡോ. അമാനുല്ല വടക്കാങ്ങര കവര് പേജിന്റെ
പ്രകാശനകര്മ്മം നിര്വ്വഹിച്ചു
സംസ്കാരിക പ്രവര്ത്തകന് സമീര് മൂസ സമീഹയുടെ കവിതകളെ പരിചയപ്പെടുത്തി.
ഖത്തറിലെ സ്കൂള് വിദ്യാര്ത്ഥികളായ അമേലിയ, ജുവാന എന്നിവര് സമീഹ യുടെ കവിതകള് ആലപിച്ചു.
ഇന്ത്യന് കള്ച്ചറല് സെന്റര് ഉപദേശകസമിതി ചെയര്മാന് പി എന് ബാബുരാജന്, ഐ സി ബി എഫ് ഉപദേശക സമിതി ചെയര്മാന് കെ എസ് പ്രസാദ്, ഔട്റീച്ച് ഖത്തര് പ്രസിഡന്റ് അവിനാഷ് ഗൈക്വാഡ്, ഖത്തര് ട്രിബൂണ് സീനിയര് കറസ്പോണ്ടന്റ് സത്യേന്ദ്ര പതക്, റേഡിയോ മലയാളം സി ഇ ഒ അന്വര്ഹുസൈന്, ഖത്തര് ഇന്ത്യന് ഓതേഴ്സ് ഫോറം ജനറല് സെക്രട്ടറി ഹുസ്സൈന് കടന്നമണ്ണ , ഐ സി സി മുന് ജനറല് സെക്രട്ടറി ക്യഷ്ണകുമാര്, സന്തോഷ് പിള്ളൈ, ഐ സി സി മാനേജ്മെന്റ് കമ്മറ്റി മെമ്പര് സന്ദീപ് റെഡ്ഡി തുടങ്ങിയ പ്രമുഖര് പ്രകാശന ചടങ്ങില് പങ്കെടുത്ത് ആശംസകള് നേര്ന്നുകൊണ്ട് സംസാരിച്ചു.
സമീഹയുടെ എ ജര്ണല് ഓഫ് എ സ്റ്റാള്വാര്ട്ട് എന്ന ജര്ണല് ഡയറിയില് നിന്നുള്ള ഏതാനും കവിതകളടക്കം മൊത്തം 50 കവിതകളാണ് പുതിയ സമാഹാരത്തിലുള്ളത്.
ഖത്തറില് ജനിച്ചുവളര്ന്ന തന്റെ സര്ഗസഞ്ചാരത്തിന്റെ പുതിയ നാഴികക്കല്ലായ ഈ പുസ്തകത്തിന്റെ കവര് പ്രകാശനം ദോഹയിലെ സാമൂഹ്യ സാംസ്കാരിക പ്രമുഖരുടെ സാന്നിധ്യത്തില് നിര്വഹിക്കുവാന് സാധിച്ചതില് ഏറെ സന്തോഷമുണ്ടെന്നും ഇതിന് മുന്കൈയെടുത്ത സ്കില്സ് ഡവലപ്മെന്റ് സെന്റര് മാനേജ്മെന്റിനോട് ഏറെ കടപ്പെട്ടിരിക്കുന്നുവെന്നും സമീഹ മറുപടി പ്രസംഗത്തില് പറഞ്ഞു. സമീഹയുടെ മാതാവ് അസൂറ ജുനൈദ്, ഭര്ത്താവ് മുഹമ്മദ് പിഎന്നിവര് സദസ്സിന് നന്ദിപറഞ്ഞു.
ഷഫീക്ക് അറക്കല്
LATEST NEWS
- അമേരിക്കയുമായുള്ള ബന്ധത്തിൽ വിള്ളലുണ്ടാക്കാൻ ശ്രമം; ഇസ്രായേലി ആരോപണങ്ങളെ തള്ളി ഖത്തർ.
- വിപണിയിൽ ആശങ്ക വേണ്ട; സ്റ്റോക്ക് സുശക്തം; ഉറപ്പുനൽകി ഖത്തർ ചേംബർ
- എസ്.എം.സി.എ ഫഹഹീല് ഏരിയ കണ്വീനര് ജിം തോമസിന്റെ പിതാവ് പി.സി.തോമസ് നാട്ടില് അന്തരിച്ചു
- ദോഹയിൽ ഹൃദയസ്തംഭനം മൂലംമലയാളി ബാലിക മരിച്ചു
- തിരുവനന്തപുരം -സൗദി പാസഞ്ചേഴ്സ് ഫോറം ഭാരവാഹികൾ
