എന്റെ ജീവിതം സുന്ദരമാക്കിയവള്‍, എന്റെ നല്ല സുഹൃത്ത്; ജെനീലിയയെക്കുറിച്ച് റിതേഷ്

photo-www.instagram.com/riteishd/

ബോളിവുഡിലെ ക്യൂട്ട് പ്രണയജോഡികളാണ് റിതേഷ് ദേശ്മുഖും ജെനീലിയയും. ഇവരുടെ പ്രണയവും ദാമ്പത്യജീവിതവുമൊക്കെ ബോളിവുഡില്‍ പലരും മാതൃകയായി പറയുന്നതാണ്. ഇവര്‍ രണ്ടാളും ഒരുമിച്ചെത്തുന്ന റീല്‍സ് വീഡിയോ പോലും സോഷ്യല്‍ മീഡിയ ആരാധകര്‍ വൈറലാക്കാറുണ്ട്.
ഇപ്പോഴിതാ ജെനീലിയക്ക് പിറന്നാള്‍ ആശംസകള്‍ നേര്‍ന്നുകൊണ്ട് റിതേഷ് കുറിച്ച വാക്കുകള്‍ ആണ് വൈറല്‍ ആകുന്നത്.

ഇന്ന് നിന്റെ ജന്മദിനം മാത്രമല്ല - നിന്നോടൊപ്പം ജീവിതത്തിൽ കടന്നുപോകാൻ എനിക്ക് എത്ര ഭാഗ്യമുണ്ടെന്ന് ഓർമ്മപ്പെടുത്തുന്ന ദിവസം കൂടിയാണ്. എന്നെ, എന്റെ ജീവിതം സുന്ദരമാക്കിയവൾ. സമാധാനപൂർണമായ ദിവസങ്ങൾ എനിക്ക് വേണ്ടി നൽകുന്നവൾ, എന്റെ കുഞ്ഞുങ്ങളുടെ അമ്മ, നമ്മുടെ അച്ഛനമ്മമാർക്ക് ഏറ്റവും പ്രിയങ്കരിയായ മകൾ. എന്റെ നല്ല സുഹൃത്ത് അങ്ങനെ വിശേഷണങ്ങൾ ഏറെയുണ്ട് നിനക്ക്. ഇരു കുടുംബത്തെയും ഒരുമിച്ചു കൊണ്ടുപോകാൻ നീ വഹിക്കുന്ന പങ്ക് ചെറുതല്ല. എത്ര അവശ ആയി ഇരുന്നാലും നീ കുടുംബത്തിനുവേണ്ടി നിലനിൽക്കുന്ന രീതിയെന്നേ അതിശയിപ്പിക്കാറുണ്ട് എപ്പോഴും.

എനിക്ക് എപ്പോഴും ആശ്രയിക്കാൻ കഴിയുന്ന ഒരേയൊരു വ്യക്തി, എന്റെ ബാക്ക് പില്ലർ. എന്റെ വിശ്വസ്തയായ കൂട്ടുകാരി; അങ്ങനെ വിശേഷണങ്ങൾ ഏറെയുണ്ട് നിനക്ക്. നമ്മുടെ വീടിന്റെ ഹൃദയം ആണ് നീയെന്ന് എനിക്ക് സംശയം കൂടാതെ പറയാൻ സാധിക്കും നീ ഇല്ലെങ്കിൽ നമ്മളും ഇല്ല. എല്ലായ്‌പ്പോഴും നമ്മുടെ കുട്ടികൾ ആദ്യം തിരിയുന്നതും നിന്നെയാണ്. ഒരു മികച്ച വ്യക്തിയാകാൻ, നിന്റെ നല്ല പങ്കാളിയാകാൻ നീ എന്നിൽ ചെലുത്തിയ സ്വാധീനം ചെറുതല്ല. എന്റെ സ്നേഹത്തിന് നിന്നോടുള്ള എന്റെ പ്രണയത്തിന് അത് പ്രകടിപ്പിക്കാൻ എനിക്ക് വാക്കുകൾ പോരാ. എന്റെ ഈ ജീവിതം ഞാൻ നിനക്കായി നൽകുന്നു പ്രിയേ; റിതേഷ് പ്രണയപൂർവ്വം കുറിച്ചു.

View this post on Instagram

A post shared by Riteish Deshmukh (@riteishd)

ജെനീലിയയുമായുള്ള റിതേഷിന്റെ പ്രണയം നേരത്തെ തന്നെ വാര്‍ത്തകളില്‍ ഇടംപിടിച്ചതാണ്. ഇരുവരും വിവാഹത്തിനു മുമ്പ് ബോളിവുഡില്‍ തുജേ മേരി കസം എന്ന സിനിമയില്‍ അഭിനയിച്ചിരുന്നു. അതിന്റെ ചിത്രീകരണത്തോടെയാണ് ഇരുവരും പ്രണയത്തിലാകുന്നത്. 2012 ഫെബ്രുവരി മൂന്നിനാണ് ജെനീലിയയും റിതേഷും വിവാഹിതരാകുന്നത്. ഇരുവര്‍ക്കും രണ്ട് ആണ്‍കുട്ടികളുമുണ്ട്.