അമ്മ നേരത്തെ തന്നെ മടിച്ചി; അതിന് തന്നെ കുറ്റം പറയേണ്ട; ബേബി ബമ്പില് നിന്ന് ദുര്ഗ്ഗ കൃഷ്ണയുടെ കുഞ്ഞിന്റെ മറുപടി- ക്യൂട്ട് വീഡിയോ പങ്കിട്ട് താരം
മികച്ച ഒരു നര്ത്തകി കൂടിയായ ദുര്ഗ്ഗ കൃഷ്ണ പൃഥ്വിരാജിന്റെ നായികയായി വിമാനം എന്ന ചിത്രത്തിലൂടെയാണ് മലയാളത്തിൽ തുടക്കംകുറിച്ചത്. പിന്നീട് പ്രേതം, ലൗ ആക്ഷൻ ഡ്രാമ, കുട്ടിമാമ, കൺഫഷൻ ഓഫ് കുക്കൂസ് മോഹൻലാൽ ചിത്രം റാം തുടങ്ങി ഒട്ടനവധി ഹിറ്റ് ചിത്രങ്ങളിൽ ദുര്ഗ്ഗ മികച്ച കഥാപാത്രങ്ങള് ചെയ്തു. ഉടല്, കുടുക്ക് എന്നീ ചിത്രങ്ങളില് മികച്ച അഭിനയം കാഴ്ച വച്ച ദുര്ഗ്ഗ കുറച്ചുനാളായി അഭിനയത്തിൽ നിന്നും വിട്ടുനിൽക്കുകയാണ്.
സോഷ്യല് മീഡിയയില് സജീവമായ താരം അടുത്തിടെയാണ് താന് അമ്മയാകാൻ പോകുന്നുവെന്ന സന്തോഷ വാർത്ത പങ്കിട്ടത്. നിര്മാതാവും ബിസിനസുകാരനുമായ ഭർത്താവ് അര്ജുനൊപ്പമുള്ള മനോഹരമായ വീഡിയോ സ്വന്തം യൂട്യൂബ് ചാനലിൽ ഷെയർ ചെയ്താണ് താരം സന്തോഷ വാർത്ത ആരാധകരെ അറിയിച്ചത്. അഞ്ചാം മാസത്തേക്ക് പ്രെഗ്നൻസി കടന്നതുകൊണ്ട് സോഷ്യൽ മീഡിയയിൽ നിന്നുപോലും ഒരു ബ്രേക്ക് താൻ എടുത്തുവെന്നും അടുത്തിടെ ദുർഗ പറഞ്ഞിരുന്നു.
ഇപ്പോഴിതാ ഗര്ഭകാലത്തെ മനോഹരമായ മൂഡ് സ്വിങ്സിനെക്കുറിച്ച് ഒരു ഷോര്ട്ട് വീഡിയോ പങ്കിടുകയാണ് ദുര്ഗ്ഗ കൃഷ്ണ. ബേബി ബമ്പില് കൈ വച്ച് അലസമായി ഇരിക്കുന്ന ദുര്ഗ്ഗ തന്റെ മനസ്സില് വരുന്ന കാര്യമാണ് വീഡിയോയ്ക്ക് ക്യാപ്ഷനായി നല്കിയിരിക്കുന്നത്. ‘ഈ ഗർഭകാലം എന്നെ വല്ലാതെ ക്ഷീണിപ്പിച്ചിരിക്കുന്നു, എനിക്ക് ഒന്നും ചെയ്യാൻ തോന്നുന്നില്ല...’’ എന്നാണ് ഒരു കുറിപ്പ്. മറ്റൊരു ദൃശ്യത്തില് തന്റെ സ്കാനിംഗ് ഫിലിമിന്റെ ചിത്രം പങ്കിട്ട്, ‘അമ്മേ, നീ നേരത്തെ മടിച്ചിയായിരുന്നു, ഇപ്പോൾ എന്നെ കുറ്റപ്പെടുത്തരുത്...’ എന്ന ക്യാപ്ഷനും നല്കിയിട്ടുണ്ട്. താരത്തിന്റെ രസകരമായ വീഡിയോ ഏറ്റെടുക്കുകയാണ് ആരാധകര്.
YOU MAY BE INTERESTED
LATEST NEWS
- ‘ഒരു വരി ‘രഞ്ജിത്ത്’ ഡയലോഗെങ്കിലും പറയണമെന്ന് സിനിമ ആഗ്രഹിച്ചു തുടങ്ങിയ അന്ന് മുതൽ സ്വപ്നം കണ്ടതാണ്; ഇന്നിപ്പോള് അതും നടന്നു...’ കുറിപ്പുമായി ആനന്ദ് മന്മഥൻ
- ക്രോസ് നെക്ക് വൈറ്റ് ഡ്രസ്സില് പേര്ളി; ട്വിന്നിംഗില് നിളയും നിതാരയും; റൊമാന്റിക്കായി പേര്ളിയെ ചേര്ത്തു പിടിച്ച് ശ്രീനിഷ്; ഫാമിലി ഫോട്ടോഷൂട്ട് ഇന് ക്രൂയിസ് ട്രെന്ഡിംഗ്
- ഇയാൾ ഇപ്പോഴാണോ കളിയും കഴിഞ്ഞ് ഇറങ്ങണേ എന്ന് കമന്റ്; ‘ചിത്രം എടുത്തവന് ഇന്നാണ് അയച്ച് തന്നത് ബ്രോ’ എന്ന വൈറല് മറുപടി നല്കി ആന്റണി പെപ്പെ
- ‘എനിക്ക് അത്രമേൽ ഇഷ്ടപ്പെട്ട ചില വസ്ത്രങ്ങള്...’ സല്വാറിലും സാരിയിലും അതിസുന്ദരിയായി സായ് പല്ലവി; മിനിമല് മേക്കപ്പില് നിറചിരിയോടെ താരം
- നടന് രണ്ദീപ് ഹൂഡയ്ക്കും ലിന് ലൈഷ്റാമിനും പെണ്കുഞ്ഞ് പിറന്നു; സന്തോഷവാര്ത്ത പങ്കുവെച്ച് താരങ്ങള്
