' ഞാന് ചെയ്തതില് ഏറ്റവും സെല്ഫിഷായ കഥാപാത്രം, ഒരുപാട് ആസ്വദിച്ചു ചെയ്ത റോള് ആണത്' ; ഫഹദ് ഫാസില്
ഫഹദ് ഫാസില്, ആന് അഗസ്റ്റിന് എന്നിവരെ കേന്ദ്ര കഥാപാത്രങ്ങളാക്കി ശ്യാമപ്രസാദ് സംവിധാനം ചെയ്ത സിനിമയാണ് ആര്ട്ടിസ്റ്റ്. ചിത്രത്തില് ഫഹദിന്റെ കഥാപാത്രം ഏറെ ശ്രദ്ധ നേടിയിരുന്നു. ഇപ്പോഴിതാ ചിത്രത്തിലെ കഥാപാത്രത്തിനെക്കുറിച്ച് മനസുതുറക്കുകയാണ് ഫഹദ്. താന് ഇതുവരെ ചെയ്തതില് ഏറ്റവും സെല്ഫിഷ് ആയ കഥാപാത്രമാണ് ആര്ട്ടിസ്റ്റിലെ മൈക്കിളെന്നും ഒരുപാട് ആസ്വദിച്ചാണ് ആ റോള് ചെയ്തതെന്നും ഫഹദ് ദി ഹോളിവുഡ് റിപ്പോര്ട്ടര് ഇന്ത്യയ്ക്ക് നല്കിയ അഭിമുഖത്തിലാണ് ഫഹദ് മനസുതുറന്നത്.
'ശ്യാമപ്രസാദ് സാറിനൊപ്പം ആര്ട്ടിസ്റ്റ് എന്നൊരു സിനിമ ഞാന് ചെയ്തിട്ടുണ്ട്. ഞാന് ചെയ്തതില് ഏറ്റവും സെല്ഫിഷ് ആയ കഥാപാത്രം അതാണ്. സ്ക്രിപ്റ്റിലും അങ്ങനെ തന്നെ ആയിരുന്നു എഴുതിയിരുന്നത്. ആ സ്ക്രിപ്റ്റില് ഞാന് പൂര്ണമായും കണ്വിന്സ്ഡ് ആയിരുന്നു. ഞാന് ഒരുപാട് എന്ജോയ് ചെയ്തു പെര്ഫോം ചെയ്ത കഥാപാത്രമാണ് അത്', ഫഹദിന്റെ വാക്കുകള്.
ചിത്രത്തിലെ പ്രകടനത്തിന് മികച്ച നടനുളള കേരള സ്റ്റേറ്റ് അവാര്ഡും ഫഹദിനെ തേടി എത്തിയിരുന്നു. സുനിത പ്രൊഡക്ഷന്സിന്റെ ബാനറില് എം മണിയാണ് ഈ ചിത്രം നിര്മ്മിച്ചത്. സംഗീതം ബിജിബാലും എഡിറ്റിംഗ് വിനോദ് സുകുമാരനുമാണ് നിര്വഹിച്ചിരിക്കുന്നത്.
YOU MAY BE INTERESTED
LATEST NEWS
- ' പ്രേതബാധയുണ്ടെന്ന പേടി, ആ സിനിമ ചിത്രീകരിച്ച ഫ്ളാറ്റ് ഇന്നും ഒഴിഞ്ഞു കിടക്കുന്നു' ; രാം ഗോപാല് വര്മ
- ' മലയാളത്തില് നിന്ന് നിരവധി കഥകള് കേട്ടു, പക്ഷേ ഒന്നും എനിക്ക് ഇഷ്ടമായില്ല' ; വിജയ് സേതുപതി
- ' കുഞ്ഞതിഥിയോടൊപ്പം ഞങ്ങള് വീട്ടില് തിരിച്ചെത്തി, പ്രാര്ത്ഥനകള്ക്ക് നന്ദി' ; കുറിപ്പുമായി ഷംന കാസിം
- ദേവനന്ദയും ധ്യാന് ശ്രീനിവാസവും ഒന്നിക്കുന്ന 'കല്യാണമരം'27ന് തിയേറ്ററിൽ
- ' സിഐഡി മൂസ 2 അടുത്ത വര്ഷം' ; പ്രഖ്യാപിച്ച് സംവിധായകന് ജോണി ആന്റണി
