‘ശിവരാത്രി ’ഗാനം ഉപയോഗിക്കുന്നത് വിലക്കണമെന്ന ഇളയരാജയുടെ ആവശ്യം തളളി മദ്രാസ് ഹൈക്കോടതി
‘മിസ്റ്റര് ആന്ഡ് മിസിസ് ’എന്ന സിനിമയില് ‘മൈക്കല് മദന കാമരാജന്’ എന്ന കമല്ഹാസന് ചിത്രത്തിനുവേണ്ടി ഒരുക്കിയ ‘ശിവരാത്രി’ ഗാനം ഉപയോഗിക്കുന്നത് വിലക്കണമെന്ന ഇളയരാജയുടെ ആവശ്യം തളളി മദ്രാസ് ഹൈക്കോടതി. നിലവിലെ സാഹചര്യത്തില് ഇടക്കാല ഉത്തരവ് പുറപ്പെടുവിക്കുന്നില്ലെന്ന് കോടതി വ്യക്തമാക്കി.
സാധാരണ നിലയില് സിനിമകളുടെ പകര്പ്പവകാശം നിര്മാതാവിനായതിനാല് ഇളയരാജയുടെ ഹര്ജിയില് പകര്പ്പവകാശവുമായി ബന്ധപ്പെട്ട എല്ലാ രേഖകളും പരിശോധിക്കേണ്ടതുണ്ടെന്നും കോടതി പറഞ്ഞു. ചിത്രം നിര്മിച്ച വനിത ഫിലിം പ്രൊഡക്ഷന് ഹൗസിന് നോട്ടീസ് നല്കാനും കോടതി ഉത്തരവിട്ടിട്ടുണ്ട്. ഹര്ജിയില് ഒരാഴ്ചയ്ക്കകം എതിര്സത്യവാങ്മൂലം സമര്പ്പിക്കാനും കോടതി നിര്ദേശിച്ചിട്ടുണ്ട്.
ശിവരാത്രി എന്ന ഗാനം അനുമതിയില്ലാതെ ഉപയോഗിച്ചെന്നായിരുന്നു ഇളയരാജയുടെ പരാതി. പകര്പ്പവകാശ നിയമ പ്രകാരം തന്റെ അനുമതി വാങ്ങിയ ശേഷമേ സിനിമയില് ഗാനം ഉപയോഗിക്കാവൂ എന്നും അങ്ങനെ ചെയ്യാത്തതിനാല് ഗാനം മിസിസ് ആന്ഡ് മിസ്റ്റര് എന്ന ചിത്രത്തില് നിന്ന് നീക്കം ചെയ്യണമെന്നുമായിരുന്നു ഇജയരാജയുടെ ആവശ്യപ്പെട്ടിരുന്നത്.
LATEST NEWS
- എം.എം. കീരവാണിയുടെ മകന് കാലഭൈരവ വിവാഹിതനാകുന്നു; വധു നടി കാവ്യാ കല്യാണ്റാം
- സായി അഭ്യങ്കറുടെ ‘പവഴ മല്ലി’ക്ക് ചുവടുവെച്ച് വേദ ജയസൂര്യ; വീഡിയോ
- ‘എന്നെത്തന്നെ കൂടുതല് മനസ്സിലാക്കാന് സഹായിച്ചു’; നന്ദഗോവിന്ദം ഭജന ആസ്വദിച്ച് മഹിമ നമ്പ്യാര്
- ‘ഉണ്ണി മുകുന്ദന് എന്റെ ചൈൽഡ്ഹുഡ് ക്രഷ് ആണ്; ആ ഹൈറ്റ്, ബോഡി എല്ലാം കണ്ടാലേ ഞാനൊന്ന് ‘വൗ’ ആയിപ്പോകും...’ഗായിക ശിവാംഗി; വൈറല് താരത്തിന്റെ വാക്കുകള് തരംഗം
- ‘നിറയെ പാട്ടുകളില് നിന്ന് സംഗീത ശൂന്യതയിലേക്ക് കൂപ്പ് കുത്തിയ കാലം’; ജീവിതത്തിലെ ഇരുണ്ട കാലഘട്ടം ഓര്ത്തെടുത്ത് ജി വേണുഗോപാല്
