75 കഴിഞ്ഞാല് പിന്നെ അതിനര്ത്ഥം മാറിനില്ക്കൂ എന്നാണ് ; മോഹന്ഭഗതിന്റെ പരാമര്ശം മോദിയെ ലക്ഷ്യമിട്ടോ?
ബിജെപിയുടെ പ്രായവിവാദത്തില് കുടങ്ങി ഇന്ത്യന് പ്രധാനമന്ത്രി നരേന്ദ്രമോദി. നാഗ്പൂരിലെ ഒരു പുസ്തക പ്രകാശന വേദിയില് ആര്എസ്എസ് മേധാവി മോഹന് ഭഗവതിന്റെ പരാമര്ശമാണ് ചര്ച്ചയായി മാറിയിരിക്കുന്നത്. ''75 വയസായാല്, അതിനര്ത്ഥം എല്ലാം മതിയാക്കണം എന്നാണ്. മറ്റുള്ളവര്ക്ക് വഴി മാറിക്കൊടുക്കണം'' എന്നായിരുന്നു മോഹന് ഭാഗവതിന്റെ പ്രതികരണം.
ഈ പരാമര്ശം പ്രധാനമന്ത്രി നരേന്ദ്ര മോദിക്കെതിരെയെന്നാണ് പ്രതിപക്ഷ വാദം. പ്രധാനമന്ത്രി നരേന്ദ്ര മോദിക്ക് സെപ്റ്റബറില് 75 വയസ് പൂര്ത്തിയാകാന് ഇരിക്കെയാണ് ഈ പരാമര്ശം. എല് കെ അദ്വാനിയും മുരളീ മനോഹര് ജോഷിയും ഉള്പ്പെടെയുള്ള നേതാക്കള്ക്ക് നടപ്പാക്കിയ നിര്ബന്ധിത വിരമിക്കല് മോദിക്കും ബാധകമാക്കുമോയെന്ന് ശിവസേനാ നേതാവ് സഞ്ജയ് റൗട്ട് ചോദിച്ചു.
നിലവിലെ ഭരണകര്ത്താക്കള് ഇതില്പ്പെടുമോ എന്നത് നോക്കികാണാമെന്നുമായിരുന്നു കോണ്ഗ്രസ് നേതാവ് അഭിഷേക് സിങ്വി പ്രതികരിച്ചത്. മോഹന്ഭഗവതിനും ഈ വര്ഷം 75 വയസ്സ് തികയും. 'മോറോപന്ത് പിംഗ്ലേ: ദി ആര്ക്കിടെക്റ്റ് ഓഫ് ഹിന്ദു റീസര്ജന്സ്' എന്ന പുസ്തകം പ്രകാശനം ചെയ്ത ശേഷം, ഭഗവത് പറഞ്ഞു. ''75 വയസ്സ് തികഞ്ഞതിന് ശേഷം നിങ്ങളെ ഷാള് അണിയിച്ച് ആദരിക്കുന്നെങ്കില്, അതിനര്ത്ഥം നിങ്ങള് ഇപ്പോള് നിര്ത്തണം, നിങ്ങള്ക്ക് പ്രായമായി, മാറിനില്ക്കൂ, മറ്റുള്ളവരെ വരട്ടെ'' എന്നാണ്.
YOU MAY BE INTERESTED
LATEST NEWS
- കരിഞ്ചന്തക്കാര്ക്കെതിരെ കര്ശന നടപടി ; മനഃപൂര്വ്വം പരിഭ്രാന്തി സൃഷ്ടിക്കാന് ചിലര് ശ്രമിക്കുന്നു
- തെറ്റ് ചെയ്തിട്ടില്ല, പാര്ട്ടിയില് നിന്നും പുറത്താക്കരുത് ; പാര്ട്ടിക്ക് വിശദീകരണ കത്ത് നല്കി എ. പത്മകുമാര്
- സംസ്ഥാനങ്ങള്ക്ക് അധിക മണ്ണെണ്ണ അനുവദിച്ചു ; പാചകവാതകപ്രതിസന്ധിയില് ബദല്മാര്ഗ്ഗവുമായി കേന്ദ്രം
- 'കുലംകുത്തികളെ കാലം വര്ഗ്ഗവഞ്ചകരെന്ന് വിളിക്കും'; ജി.സുധാകരന്റെ വീടിന് മുന്നില് ബാനര്, സുരക്ഷ കൂട്ടി
- സ്ഥാനാര്ഥിയെ നിര്ത്തില്ല; ജി. സുധാകരന് പിന്തുണ നല്കാന് യു.ഡി.എഫ്.
