ഭ്രാന്ത് പിടിച്ച വന്യമൃഗമാണ് പാകിസ്ഥാൻ ; അതിനുള്ള ചികിത്സയാണ് നടക്കുന്നതെന്ന് രാജീവ് ചന്ദ്രശേഖര്‍

photo - facebook

കല്‍പറ്റ: പ്രധാനമന്ത്രി നരേന്ദ്ര മോദി ജിയ്ക്ക് കീഴിൽ, നമ്മൾ സുരക്ഷിതരാണെന്ന് ബിജെപി സംസ്ഥാനപ്രസിഡന്റെ് രാജീവ് ചന്ദ്രശേഖര്‍ . ഭ്രാന്ത് പിടിച്ച വന്യമൃഗമാണ് പാകിസ്ഥാൻ . അതിനുള്ള ചികിത്സയാണ് ഇപ്പോൾ നടക്കുന്നത്. നിരപരാധികളെ കൊലപ്പെടുത്തി ഇന്ത്യയെ ബ്ലാക്ക് മെയിൽ ചെയ്യുന്ന പാക്കിസ്ഥാൻ രീതി കുറച്ചായി നടക്കുന്നവെന്ന് അദ്ദേഹം പറഞ്ഞു .

എല്ലാവരും പ്രധാനമന്ത്രിക്കും സൈന്യത്തിനും പിന്തുണ കൊടുക്കണം. ഒറ്റക്കെട്ടായി ഇന്ത്യയെ പിന്തുണക്കണമെന്നും ബി ജെ പി സംസ്ഥാന അധ്യക്ഷൻ വയനാട്ടിൽ പറഞ്ഞു. കരുത്തിനപ്പുറം കാഴ്ചപ്പാടും നിശ്ചയദാർഢ്യവുമുള്ള നേതൃത്വമാണ് ഇന്ത്യക്കുള്ളത്.

ഭാവിയെ മുന്നിൽക്കണ്ടുള്ള തയ്യാറെടുപ്പുകൾ, സഖ്യങ്ങൾ, സംയുക്ത സംരംഭങ്ങൾ. പ്രതിരോധ രംഗത്തെ അടിസ്ഥാന സൗകര്യവികസനത്തിനൊപ്പം, തദ്ദേശീയമായി വികസിപ്പിച്ചെടുത്ത ആയുധങ്ങളും, സാങ്കേതിക വിദ്യകളും നമുക്കുണ്ട്.പ്രതിരോധിച്ചും, കരുത്തോടെ തിരിച്ചടിച്ചും പാകിസ്ഥാനെ അമ്പരപ്പിക്കുകയാണ് ഇന്ത്യ. പുതിയ ഇന്ത്യയെന്നും അദ്ദേഹം നേരത്തേ സമൂഹമാധ്യമത്തില്‍ കുറിച്ചു