ഞാനും നീയും കടലും; ശ്രീജുവിനൊപ്പമുളള ഗോവന്‍ യാത്രയുടെ വിശേഷങ്ങളുമായി മീര നന്ദന്‍

photo-www.instagram.com/nandan_meera/

യാത്രകള്‍ ഏറെ ഇഷ്ടപ്പെടുന്നവരാണ് ശ്രീജുവും മീരയും. ജോലിത്തിരക്കുകളില്‍ നിന്നും മാറി ഇടയ്ക്ക് ഒന്നിച്ച് യാത്രകളും നടത്താറുണ്ട് ഇവര്‍. ആ വിശേഷങ്ങള്‍ സോഷ്യല്‍മീഡിയയിലൂടെ പങ്കുവെക്കുകയും ചെയ്യാറുണ്ട്.

ഇടയ്ക്ക് ഇരുവരും ഗോവയിലേക്ക് പോയിരുന്നു. എത്ര മനോഹരമായിരുന്നു ആ യാത്ര. ഓര്‍ക്കുമ്പോഴേ പോസിറ്റീവ് വൈബാണ്. ആ നല്ല നിമിഷങ്ങളിലേക്ക് വീണ്ടും പോവാന്‍ കഴിഞ്ഞിരുന്നുവെങ്കില്‍ എന്നായിരുന്നു മീര കുറിച്ചത്.

ഞാനും നീയും കടലും, വേറൊന്നും ആവശ്യമില്ലെന്നായിരുന്നു മീര വീഡിയോയ്ക്ക് ക്യാപ്ഷന്‍ നല്‍കിയത്. ബീച്ചില്‍ നിന്നുള്ള മനോഹരമായ രംഗങ്ങളായിരുന്നു വീഡിയോയില്‍. സെലിബ്രിറ്റികളടക്കം നിരവധി പേരാണ് വീഡിയോ ലൈക്ക് ചെയ്തിട്ടുള്ളത്.

അറേഞ്ച്ഡ് മാര്യേജിലൂടെയായിരുന്നു മീരയും ശ്രീജുവും ഒന്നിച്ചത്. എന്നാണ് വിവാഹം എന്ന ചോദ്യങ്ങള്‍ വളരെ നേരത്തെയുണ്ടായിരുന്നു. അച്ഛനും അമ്മയുമാണ് കൂടുതലായും ഈ ചോദ്യങ്ങള്‍ നേരിട്ടതെന്ന് മീര പറഞ്ഞിരുന്നു.

വിവാഹ ശേഷമായി ശ്രീജുവിനൊപ്പം ലണ്ടനിലേക്ക് ചേക്കേറേണ്ടി വരുമോ എന്ന കാര്യത്തില്‍ മീരയ്ക്ക് ആശങ്കകളുണ്ടായിരുന്നു. അങ്ങനെയൊരു ഷിഫ്റ്റിനെക്കുറിച്ച് ശ്രീജുവോ ഫാമിലിയോ ആവശ്യപ്പെട്ടിരുന്നില്ല.

അടുത്തിടെ മീരയും ശ്രീജുവും ഒന്നിച്ച് കേരളത്തില്‍ എത്തിയിരുന്നു. വിവാഹം കഴിഞ്ഞതിന് ശേഷമായി വീണ്ടും ഗുരുവായൂരിലേക്ക് പോയത് ഈ വരവിലായിരുന്നു. ആ സന്തോഷം സോഷ്യല്‍മീഡിയയിലൂടെ പങ്കുവെച്ചിരുന്നു.