പാകിസ്താന് വേണ്ടി ചാര പ്രവര്‍ത്തി നടത്തി; 2 പേരെ അറസ്റ്റ് ചെയ്ത് പഞ്ചാബ് പൊലീസ്

ന്യൂഡല്‍ഹി: പാകിസ്താന് വേണ്ടി ചാര പ്രവര്‍ത്തി നടത്തിയ രണ്ട് പേര്‍ അറസ്റ്റില്‍. പാലക് ഷെര്‍ മസിഹ്, സൂരജ് മസിഹ് എന്നിവരെയാണ് പഞ്ചാബ് പൊലീസ് അറസ്റ്റ് ചെയ്തത്. തന്ത്രപ്രധാനമായ സൈനിക വിവരങ്ങള്‍ ചോര്‍ത്തിയതിനാണ് ഇരുവരെയും അറസ്റ്റ് ചെയ്തത്. ഇരുവരും സൈനിക കന്റോണ്‍മെന്റുകളുടെയും വ്യോമതാവളങ്ങളുടെയും ഫോട്ടോകള്‍ പാകിസ്താന്‍ രഹസ്യാന്വേഷണ ഏജന്‍സിയായ ഐഎസ്‌ഐക്ക് അയച്ചതായി കണ്ടെത്തിയിട്ടുണ്ട്.

ജയിലില്‍ കഴിയുന്ന ഹര്‍പ്രീത് സിംഗിനെ ചോദ്യം ചെയ്തപ്പോഴാണ് ചാരവൃത്തി ബന്ധം പൊലീസ് കണ്ടെത്തിയത്. ഇരുവരും കുറേ വര്‍ഷമായി പാകിസ്താന് വേണ്ടി ചാരപ്രവര്‍ത്തി നടത്തുകയാണെന്ന് കണ്ടെത്തിയിട്ടുണ്ട്. വിശദമായ അന്വേഷണം നടത്തുമെന്ന് പഞ്ചാബ് ഡിജിപി വ്യക്തമാക്കി. പ്രതികളെ എന്‍ഐഎയ്ക്ക് കൈമാറുമെന്ന സൂചനയുമുണ്ട്.