‘‘വിരോധാഭാസം; എനിക്കിത് സ്തനാര്‍ബുദത്തിന്റെ രണ്ടാം റൗണ്ട്...’’ സ്തനാര്‍ബുദം വീണ്ടുമെത്തിയെന്ന് താഹിറ കശ്യപ്, പോസിറ്റീവ് മനോഭാവത്തില്‍ താരപത്നി

uploads/news/2025/04/774594/Untitled-6.jpg

Tahira Kashyap diagnosed with breast cancer again (Image Source: Instagram)

അവതാരകന്‍, ഗായകന്‍, അഭിനേതാവ് എന്നീ നിലകളിലൊക്കെ പ്രേക്ഷകരുടെ മനസ്സും കൈയടിയും നേടിയെടുത്ത അഭിനേതാവാണ് ആയുഷ്മാന്‍ ഖുറാന. താരത്തിനോടുള്ള സ്നേഹവും ഇഷ്ടവും ഭാര്യയും എഴുത്തുകാരിയുമായ താഹിറ കശ്യപിനോടും പ്രേക്ഷകര്‍ക്കുണ്ട്. തന്നെ കടന്നാക്രമിക്കാനെത്തിയ അര്‍ബുദത്തെ പോരാടി തോല്‍പ്പിച്ച പേരാളിയാണ് താഹിറ. താന്‍ സ്തനാര്‍ബുദത്തെ നേരിട്ടതിനെക്കുറിച്ച്‌ താഹിറയും ഭാര്യയുടെ ആത്മധൈര്യത്തെക്കുറിച്ച്‌ ആയുഷ്മാനും പല തവണ മനസ്സു തുറന്നിട്ടുണ്ട്.
ഇപ്പോഴിതാ തനിക്ക് രണ്ടാമതും സ്തനാര്‍ബുദം വന്നതിനെക്കുറിച്ച് ലോകാരോഗ്യ ദിനത്തിൽ പങ്കിടുകയാണ് താഹിറ. 2018ലാണ് ആദ്യമായി താഹിറയ്ക്ക് സ്തനാർബുദം ഉണ്ടെന്ന് കണ്ടെത്തിയത്. രണ്ടാം റൗണ്ടിൽ പോസിറ്റീവ് മനോഭാവത്തോടെയാണ് താഹിറ തന്റെ ചികിത്സ ആരംഭിച്ചത്. തനിക്കിപ്പോഴുമിതുണ്ട് എന്ന് കുറിച്ചാണ് താഹിറയുടെ പോസ്റ്റ്.
‘‘ഏഴു വർഷത്തെ ഇച്ചിംഗ്, അല്ലെങ്കിൽ പതിവ് സ്‌ക്രീനിങ്ങിന്റെ ശക്തി ... ഇത് ഒരു കാഴ്ചപ്പാടാണ്, രണ്ടാമത്തേതിനൊപ്പം പോകാനും പതിവായി മാമോഗ്രാം ചെയ്യേണ്ട എല്ലാവർക്കും ഇത് നിർദ്ദേശിക്കാനും ഞാൻ ആഗ്രഹിച്ചു. രണ്ടാം റൗണ്ട്... എനിക്ക് ഇപ്പോഴും ഇത് ഉണ്ട്...’’ എന്നാണ് താഹിറയുടെ പോസ്റ്റ്.
‘‘ജീവിതം നിങ്ങൾക്ക് നാരങ്ങകൾ തരുമ്പോൾ നാരങ്ങാവെള്ളം ഉണ്ടാക്കുക...ജീവിതം വളരെ ഉദാരമായി മാറുകയും അവ വീണ്ടും നിങ്ങളുടെ നേരെ എറിയുകയും ചെയ്യുമ്പോൾ, നിങ്ങൾ അവയെ ശാന്തമായി നിങ്ങളുടെ പ്രിയപ്പെട്ട കാലാ ഖട്ട പാനീയത്തിലേക്ക് പിഴിഞ്ഞ് എല്ലാ നല്ല ഉദ്ദേശ്യങ്ങളോടെയും കുടിക്കുക. കാരണം ഒരാൾക്ക് ഇത് മികച്ച പാനീയമാണ്, രണ്ട് പേർക്ക് നിങ്ങൾ വീണ്ടും നൽകുമെന്ന് നിങ്ങൾക്കറിയാം...റെഗുലര്‍ സ്ക്രീനിംഗ്, മാമോഗ്രാം... അത് പറയാൻ മടിക്കുന്നില്ല... വിരോധാഭാസമെന്നു പറയട്ടെ, ഇന്ന് ലോകാരോഗ്യദിനമാണ്, സ്വയം പരിപാലിക്കാൻ നമുക്ക് കഴിയുന്നതെല്ലാം ചെയ്യാം ...’’ എന്ന് കുറിച്ചാണ് താഹിറ കശ്യപ് പ്രചോദാത്മക പോസ്റ്റ് പങ്കിട്ടിരിക്കുന്നത്. ബ്രെസ്റ്റ് ക്യാന്‍സര്‍, ഒരു തവണ കൂടി, പോകാം എന്നിങ്ങനെയുള്ള ഹാഷ് ടാഗുകളും നല്‍കിയാണ് താരം പോസ്റ്റ് പങ്കിട്ടിരിക്കുന്നത്.
സഹതാരങ്ങളും സുഹൃത്തുക്കളും ആരാധകരുമടക്കം നിരവധി പേര്‍ താരപത്നിക്ക് പ്രാര്‍ത്ഥനയും അനുഗ്രഹവും കുറിച്ച് കമന്റുകളിട്ടിട്ടുണ്ട്. ‘വാക്കുകളില്ല കുഞ്ഞേ സ്നേഹത്തിന് ശക്തിയും പ്രാർത്ഥനയും അയയ്ക്കുന്നു...’’ എന്നാണ് സൊനാലി ബന്ദ്ര കുറിച്ചത്. സൊനാലിയും അര്‍ബുദത്തെ കീഴടക്കിയ ഒരു പോരാളിയാണ്. ‘എന്റെ സുഹൃത്തേ, നീ ഞങ്ങളെയെല്ലാം ബൗളിംഗിൽ തോൽപ്പിച്ചു, ഇതും നീ തോൽപ്പിക്കും. നിന്നെ സ്നേഹിക്കുന്നു...’ എന്നാണ് ട്വിങ്കിള്‍ ഖന്ന കുറിച്ചത്.