5000 രൂപ ഡിസ്‌കൗണ്ടില്‍ ഷവോമിയുടെ ഏറ്റവും പുതിയ സ്മാര്‍ട്ട്‌ഫോണ്‍ ഇപ്പോള്‍ സ്വന്തമാക്കാം

ഷവോമി കഴിഞ്ഞ മാസം ഇന്ത്യയില്‍ ലോഞ്ച് ചെയ്ത ഷവോമി 15 സീരീസിലെ സ്റ്റാന്റേഡ് മോഡലായ ഷവോമി 15 (Xiaomi 15) ഇന്ത്യയില്‍ വില്‍പ്പനയ്ക്ക് എത്തിയിരിക്കുകയാണ്. ഷവോമി 15 അള്‍ട്രയുടെ 12GB + 512GB സിംഗിള്‍ മോഡലിന് 64,999 രൂപയാണ് വില. എന്നാല്‍ ലോഞ്ച് ഓഫര്‍ പ്രമാണിച്ച് 5000 രൂപ ഇന്‍സ്റ്റന്റ് ബാങ്ക് ഡിസ്‌കൗണ്ട് ലഭ്യമാക്കിയിട്ടുണ്ട്. അതിനാല്‍ 59999 രൂപ പ്രാരംഭ വിലയില്‍ ഈ സ്മാര്‍ട്ട്‌ഫോണ്‍ സ്വന്തമാക്കാന്‍ സാധിക്കും. ആമസോണിലും ഷവോമിയുടെ ഔദ്യോഗിക വെബ്‌സൈറ്റിലും ഈ സ്മാര്‍ട്ട്‌ഫോണ്‍ വാങ്ങാന്‍ ലഭ്യമാണ്. കൂടാതെ ഷവോമി റീട്ടെയില്‍ സ്റ്റോറുകളിലും ലഭ്യമാണ്. പരിമിത കാലത്തേക്ക് മാത്രമാണ് ലോഞ്ച് ഓഫറുകള്‍ ലഭ്യമാകുക

ഷവോമി 15 അള്‍ട്രയുടെ പ്രധാന ഫീച്ചറുകള്‍ - അഡ്രിനോ 830 GPU ഉള്ള ഒക്ട കോര്‍ സ്‌നാപ്ഡ്രാഗണ്‍ 8 എലൈറ്റ് 3nm SoC ആണ് ഈ ഫോണിന്റെ കരുത്ത്. 1-120Hz വേരിയബിള്‍ റിഫ്രഷ് റേറ്റ ഉള്ള 6.73-ഇഞ്ച് (3100 x 1440 പിക്‌സലുകള്‍) 2K M8 12-ബിറ്റ് OLED 20:9 LTPO ഡിസ്‌പ്ലേയാണ് ഇതിലുള്ളത്. 3200 nits വരെ പീക്ക് ബ്രൈറ്റ്‌നസ്, 5,000,000:1 (മിനിറ്റ്) കോണ്‍ട്രാസ്റ്റ് റേഷ്യോ, HDR10+, ഡോള്‍ബി വിഷന്‍, 1920Hz PWM ഡിമ്മിംഗ്, DC ഡിമ്മിംഗ്, ഷവോമി ഷീല്‍ഡ് ഗ്ലാസ് 2.0 എന്നിവ ഇതിലുണ്ട്. പെര്‍ഫോമന്‍സ് മികച്ചതാക്കാന്‍ 16GB LPPDDR5x റാം, UFS 4.1 സ്റ്റോറേജ് എന്നിവയും ഇതില്‍ സജ്ജീകരിച്ചിരിക്കുന്നു. അതിശക്തമായ ക്യാമറ സജ്ജീകരണമാണ് ഈ അള്‍ട്ര മോഡലിലുള്ളത് എന്ന് ഷവോമി പറയുന്നു.

ഉപയോക്താവിന്റെ ഫോട്ടോഗ്രഫി മോഹങ്ങളെ തൃപ്തിപ്പെടുത്താന്‍ ഇതിലെ ക്യാമറ യൂണിറ്റിന് കഴിയുമെന്ന് പറയപ്പെടുന്നു. ഫോട്ടോഗ്രാഫിക്കായി 4 ലെന്‍സ് ക്യാമറ സജ്ജീകരണമുണ്ട്. ഇതില്‍ 50-മെഗാപിക്‌സല്‍ മെയിന്‍ ക്യാമറ, 70mm ടെലിഫോട്ടോ ലെന്‍സ്, സാംസങ്ങിന്റെ 200-മെഗാപിക്‌സല്‍ HP9 സെന്‍സര്‍ നല്‍കുന്ന 100mm സൂം ക്യാമറ എന്നിവ ഉള്‍പ്പെടുന്നു. 90W വയര്‍ഡ് ഫാസ്റ്റ് ചാര്‍ജിംഗ്, 80W വയര്‍ലെസ് ചാര്‍ജിംഗ്, റിവേഴ്‌സ് വയര്‍ലെസ് ചാര്‍ജിംഗ് എന്നിവയുള്ള 5410mAh ബാറ്ററിയാണ് അള്‍ട്ര മോഡലില്‍ ഉള്ളത്. 5G SA/NSA, ഡ്യുവല്‍ 4G VoLTE, USB ടൈപ്പ്-സി 3.2 ജെന്‍ 2, NFC, സാറ്റലൈറ്റ് കമ്മ്യൂണിക്കേഷന്‍ ഫീച്ചറുകളും ഉണ്ട്. ക്രോം സില്‍വര്‍ നിറത്തില്‍ ആണ് ലഭ്യമാകുക.