കുഞ്ഞുജനിച്ച സന്തോഷത്തില് പാര്ട്ടി നടത്തി ; മുറിയില് നിന്നും കിട്ടിയത് 46 മില്ലിഗ്രാം എം.ഡി.എം.എ, 22 ഗ്രാം കഞ്ചാവ്, സിറിഞ്ച്
കൊല്ലം: കുഞ്ഞു ജനിച്ച സന്തോഷത്തില് പത്തനാപുരത്തു ലഹരി പാര്ട്ടി നടത്തിയ സംഭവത്തില് നാലു പേരെ എക്സൈസ് സംഘം പിടികൂടി. തിരുവനന്തപുരം കഠിനംകുളം സ്വദേശി വിപിന്, മണ്ണക്കാട് സ്വദേശി വിവേക്, പേയാട് സ്വദേശി കിരണ്, കണ്ണമൂല സ്വദേശി ടെര്ബിന് എന്നിവരാണ് പിടിയിലായത്. പത്തനാപുരത്തെ എം.എം. അപ്പാര്ട്മെന്റ് എന്ന ലോഡ്ജില്നിന്നാണ് ഇവരെ പിടികൂടിയത്.
മുറിയില്നിന്നു രാസലഹരി ഉള്പ്പെടെ കണ്ടെത്തി. മൂന്നാം പ്രതിയായ കിരണിനു കുഞ്ഞ് ജനിച്ചതിന്റെ ആഘോഷത്തിന്റെ ഭാഗമായാണ് ലഹരി പാര്ട്ടി സംഘടിപ്പിച്ചത്. ഇതിനായി ലോഡ്ജില് മുറിയെടുക്കുകയായിരുന്നു. 46 മില്ലിഗ്രാം എം.ഡി.എം.എ, 22 ഗ്രാം കഞ്ചാവ്, സിറിഞ്ച്, എം.ഡി.എം.എ. സൂക്ഷിക്കാനുള്ള പൊതികള് എന്നിവ പരിശോധനയില് കണ്ടെത്തി.
ലഹരിയുടെ അളവ് കുറവായതിനാല് നാലു പേര്ക്കും പിന്നീടും ജാമ്യം ലഭിച്ചു. തിരുവനന്തപുരം സ്വദേശികള് പത്തനാപുരത്തെത്തി ലഹരി പാര്ട്ടി നടത്തുന്നുവെന്നു വിവരം ലഭിച്ചതിനെത്തുടര്ന്നാണ് എക്സൈസ് പരിശോധന നടത്തിയത്. ഇവര്ക്കു രാസലഹരി നല്കിയ തിരുവനന്തപുരത്തെ സംഘത്തിനായി അന്വേഷണം ആരംഭിച്ചു.
YOU MAY BE INTERESTED
LATEST NEWS
- മൂന്നുപേരൊഴികെ സിറ്റിങ് എം.എല്.എമാര് വീണ്ടും; എം.പിമാര് മത്സരിക്കില്ല, 31 കോണ്ഗ്രസ് സ്ഥാനാർത്ഥികൾക്ക് അംഗീകാരം
- ഭരണം തന്നാല്, വികസനം തരാം; പ്രഖ്യാപനങ്ങളില്ലാതെ 'മോദി ഗ്യാരന്റി' , ‘അഴിമതി, ചുവപ്പുനാട, ഹര്ത്താല് മാഫിയകളെ തുടച്ചുനീക്കും, രാഹൂല് ഗാന്ധി കൂപമണ്ഡൂകം’
- വീണ്ടും കെ. സുന്ദര; മഞ്ചേശ്വരത്ത് കെ. സുരേന്ദ്രനു തലവേദന, 2016-ല് രണ്ടാം സ്ഥാനത്തേക്ക് പിന്തള്ളപ്പെട്ടത് വെറും 89 വോട്ടുകള്ക്ക്, സുന്ദര പിടിച്ചത് 467 വോട്ടുകള്
- പത്തനംതിട്ടയില് ഇടത് ചിത്രം തെളിഞ്ഞു; അടൂര് പ്രകാശിന്റെ സ്ഥാനാര്ഥിത്വം; യു.ഡി.എഫ്. ചര്ച്ച വഴിമുട്ടി
- രാഹുല് മാങ്കൂട്ടത്തിലിന്റെ ഫോണ് പാസ്വേര്ഡ് കൈമാറണമെന്ന ഉത്തരവിന് സ്റ്റേ
