രാജീവ് ചന്ദ്രശേഖറെ പരാജയപ്പെടുത്തിയതിന്റെ ഉത്തരവാദി ; വി.വി. രാജേഷിനെതിരേ ബിജെപി ആസ്ഥാനത്ത് പോസ്റ്റര്
തിരുവനന്തപുരം: സംസ്ഥാന അദ്ധ്യക്ഷനായി രാജീവ് ചന്ദ്രശേഖര് തെരഞ്ഞെടുക്കപ്പെട്ടതിന് പിന്നാലെ ബിജെപിയുടെ സംസ്ഥാന കമ്മറ്റി ഓഫീസിന് മുന്നില് ജില്ലാ അധ്യക്ഷന് വി വി രാജേഷിനെതിരെ പോസ്റ്റര്. രാജീവ് ചന്ദ്രശേഖറിന്റെ തിരഞ്ഞെടുപ്പ് പരാജയത്തിന്റെ പൂര്ണ്ണ ഉത്തരവാദി എന്ന ആരോപണം ഉയര്ത്തി ബിജെപി പ്രതികരണ വേദിയുടെ പേരിലാണ് പോസ്റ്റര് പതിച്ചിരിക്കുന്നത്.
അനധികൃത സ്വത്ത് സമ്പാദനത്തെക്കുറിച്ച് പാര്ട്ടി വിശദമായി അന്വേഷിക്കണം എന്നും പോസ്റ്ററില് ആവശ്യപ്പെട്ടിട്ടുണ്ട്. ബിജെപി സംസ്ഥാന കമ്മിറ്റി ഓഫീസിന് പുറമേ വീടിന് മുന്നിലും പോസ്റ്റര് പതിച്ചിട്ടുണ്ട്. ''ലോക്സഭാ തിരഞ്ഞെടുപ്പിലെ രാജീവ് ചന്ദ്രശേഖറിന്റെ തിരഞ്ഞെടുപ്പ് പരാജയത്തിന്റെ പൂര്ണ്ണ ഉത്തരവാദിയായ രാജേഷിനെ പാര്ട്ടിയില് നിന്നും പുറത്താക്കണം. തിരഞ്ഞെടുപ്പില് സാമ്പത്തിക തട്ടിപ്പ് നടത്തിയ രാജേഷിനെതിരെ പാര്ട്ടി നടപടിയെടുക്കുക. കോണ്ഗ്രസില് നിന്നും പണം പറ്റി ബിജെപിയെ തോല്പ്പിച്ച വി വി രാജേഷിനെ പാര്ട്ടിയില് നിന്നും പുറത്താക്കുക.
ഇഡി റബ്ബര് സ്റ്റാമ്പ് അല്ലെങ്കില് രാജേഷ് അനധികൃതമായി സമ്പാദിച്ച സ്വത്ത് കണ്ടു കെട്ടുക. രാജേഷിന്റെ 15 വര്ഷത്തിനുള്ളിലെ സാമ്പത്തിക വളര്ച്ചയെക്കുറിച്ച് പാര്ട്ടി വിശദമായി അന്വേഷണം നടത്തണം'' എന്നിങ്ങനെയാണ് പോസ്റ്ററില് രേഖപ്പെടുത്തിയിട്ടുള്ള ആരോപണങ്ങള്. കഴിഞ്ഞ ദിവസമാണ് പുതിയ സംസ്ഥാന അധ്യക്ഷനായി രാജീവ് ചന്ദ്രശേഖറെ ബിജെപി തെരഞ്ഞെടുത്തത്.
YOU MAY BE INTERESTED
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- മുകുന്ദനില് തട്ടി കോണ്ഗ്രസ്; സ്വതന്ത്രനായി മത്സരിക്കട്ടെയെന്ന് ഒരുവിഭാഗം, തീരുമാനമെടുക്കാനാവാതെ സംസ്ഥാന നേതൃത്വം, പന്ത് ഹൈക്കമാന്ഡിന്റെ കോര്ട്ടില്
- 'പുറത്താക്കേണ്ടിവന്നേനേ'; ജി. സുധാകരന് പോയത് നന്നായെന്ന് സി.പി.എം., സഖാവല്ല, 'വെറും' സുധാകരനെന്ന് തിരുത്ത്! പ്രതിരോധിക്കാന് നേതാക്കള് ആലപ്പുഴയിലേക്ക്
- സംസ്ഥാനത്ത് എല്ലാവർക്കും ആരോഗ്യപരിരക്ഷ; വമ്പൻ പ്രഖ്യാപനവുമായി വീണാ ജോർജ്
