‘ആറ്റകാലമ്മയ്ക്ക് പൊങ്കാലയര്പ്പിച്ച് വിണ്ണിലെ താരങ്ങള്; നിവേദ്യമര്പ്പിക്കാന് അമ്മമാരുടെ കൂടെ മോനിഷയും; കണ്ണു നനയിച്ചത് മോനിഷയെന്ന് കമന്റുകള്; എഐ വീഡിയോ വൈറല്
ഡിജിറ്റല് വിപ്ലവത്തിന്റെ കാലത്തില് എഐ മായാജാലങ്ങളിലൂടെ ഓരോ ദിവസവും സോഷ്യല് മീഡിയയിലൂടെ നിറയുന്ന അത്ഭുതങ്ങള്ക്ക് ഒരു അതിരില്ല. എഐയിലൂടെ ചില ചിത്രങ്ങളും വീഡിയോകളുമൊക്കെ ചിലര് ദുരുപയോഗം ചെയ്യാറുണ്ടെങ്കിലും അതിന്റെ കൗതുകരമായ, രസകരമായ, പോസിറ്റീവായ വശങ്ങളും പങ്കുവയ്ക്കുന്നവരും കുറവല്ല. മലയാളസിനിമയിലെ പ്രിയപ്പെട്ട കഥാപാത്രങ്ങളെയും താരങ്ങളെയും അവരുടെ എവര്ഗ്രീന് സിനിമകളിലെ രംഗങ്ങളുമൊക്കെ പുനരാവിഷ്കരിക്കുന്ന എഐ വീഡിയോകള് സോഷ്യല് മീഡിയയിലൂടെ തരംഗമായി മാറിയിരുന്നു.
ഇപ്പോഴിതാ ആറ്റുകാല് പൊങ്കാലയോടനുബന്ധിച്ച് സൃഷ്ടിച്ച ഒരു പുത്തന് എഐ വീഡിയോയാണ് സൈബറിടത്ത് വൈറലായി മാറുന്നത്. മലയാളികളുടെ മനസ്സു കീഴടക്കിയ മണ്മറഞ്ഞ സിനിമാ താരങ്ങളെ ഒരിക്കല്ക്കൂടി വളരെ രസകരമായി അവതരിപ്പിക്കുകയാണ് ഈ എഐ വീഡിയോ. മലയാള സിനിമാപ്രേക്ഷകരെ വിട്ടുപിരിഞ്ഞ ചലച്ചിത്ര താരങ്ങള് ആറ്റുകാലമ്മയ്ക്ക് പൊങ്കാലയർപ്പിക്കുന്ന ദൃശ്യങ്ങളാണ് എഐ മനോഹരമായി പുനരാവിഷ്കരിച്ചിരിക്കുന്നത്.
കവിയൂർ പൊന്നമ്മ, സുകുമാരി, കെപിഎസി ലളിത, കല്പന, മോനിഷ, ഫിലോമിന എന്നിവരെല്ലാം ഈ വീഡിയോയിലെത്തുന്നുണ്ട്. നിറഞ്ഞ ചിരിയോടെ ഭക്തിയോടെ ആറ്റുകാലമ്മയ്ക്ക് പൊങ്കാലയര്പ്പിക്കുകയാണ് താരങ്ങള്. ‘‘ഓർമ്മകളിലെ പൊങ്കാല...’’ എന്ന ക്യാപ്ഷന് നല്കി കനവുകഥ എന്ന ഇന്സ്റ്റഗ്രാം അക്കൗണ്ടിലൂടെ പ്രത്യക്ഷപ്പെട്ട ഈ വീഡിയോ നിമിഷനേരം കൊണ്ട് വൈറലായി. വീഡിയോയ്ക്ക് താഴെ ഹൃദയം കവരുന്ന കമന്റുകളും പലരും കുറിക്കുന്നുണ്ട്. ഹൃദയസ്പർശിയായ ധാരളം കമന്റുകളും ആരാധകർ പോസറ്റില് കുറിച്ചിട്ടുണ്ട്. ‘മോനിഷയെ കണ്ടപ്പോൾ എന്തോ ഒരു വിഷമം, ഇങ്ങനെ എങ്കിലും ഇവരെ കാണിച്ചു തന്നതിന് ഒരുപാട് നന്ദി, കണ്ടപ്പോള് തന്നെ മനസ്സ് നിറഞ്ഞ റീല്, ഒരു തലമുറയല്ലേ മണ്മറഞ്ഞു പോയത്...’ എന്നിവയടക്കമാണ് കമന്റുകള്.
LATEST NEWS
- ‘ഒരു വരി ‘രഞ്ജിത്ത്’ ഡയലോഗെങ്കിലും പറയണമെന്ന് സിനിമ ആഗ്രഹിച്ചു തുടങ്ങിയ അന്ന് മുതൽ സ്വപ്നം കണ്ടതാണ്; ഇന്നിപ്പോള് അതും നടന്നു...’ കുറിപ്പുമായി ആനന്ദ് മന്മഥൻ
- ക്രോസ് നെക്ക് വൈറ്റ് ഡ്രസ്സില് പേര്ളി; ട്വിന്നിംഗില് നിളയും നിതാരയും; റൊമാന്റിക്കായി പേര്ളിയെ ചേര്ത്തു പിടിച്ച് ശ്രീനിഷ്; ഫാമിലി ഫോട്ടോഷൂട്ട് ഇന് ക്രൂയിസ് ട്രെന്ഡിംഗ്
- ഇയാൾ ഇപ്പോഴാണോ കളിയും കഴിഞ്ഞ് ഇറങ്ങണേ എന്ന് കമന്റ്; ‘ചിത്രം എടുത്തവന് ഇന്നാണ് അയച്ച് തന്നത് ബ്രോ’ എന്ന വൈറല് മറുപടി നല്കി ആന്റണി പെപ്പെ
- ‘എനിക്ക് അത്രമേൽ ഇഷ്ടപ്പെട്ട ചില വസ്ത്രങ്ങള്...’ സല്വാറിലും സാരിയിലും അതിസുന്ദരിയായി സായ് പല്ലവി; മിനിമല് മേക്കപ്പില് നിറചിരിയോടെ താരം
- നടന് രണ്ദീപ് ഹൂഡയ്ക്കും ലിന് ലൈഷ്റാമിനും പെണ്കുഞ്ഞ് പിറന്നു; സന്തോഷവാര്ത്ത പങ്കുവെച്ച് താരങ്ങള്
