എറണാകുളത്ത് ചലച്ചിത്ര താരങ്ങള്ക്കായി വലവിരിച്ച് എന്ഡിഎ; സാബുവും തുഷാറും മല്സരിക്കണമെന്നും ആവശ്യം
എറണാകുളം ജില്ലയില് സ്ഥാനാര്ഥികളാക്കാന് താരങ്ങള്ക്കായി വലവിരിച്ച് എന്ഡിഎ. ജയസൂര്യയും ശ്വേത മേനോനും അടക്കമുള്ളവരെ ബിജെപി നേതൃത്വം സമീപിച്ചു. ഘടകകക്ഷി നേതാക്കളായ സാബു എം.ജേക്കബും തുഷാര് വെള്ളാപ്പളളിയും മല്സരിക്കണമെന്നും ബിജെപി നേതൃത്വം ആവശ്യപ്പെട്ടിട്ടുണ്ട്.
സിനിമാ താരങ്ങള് അടക്കം പൊതുസമ്മതരെ പരമാവധി കളത്തിലിറക്കാനാണ് ബിജെപി നേതൃത്വത്തിന്റെ ശ്രമം. താമര ചിഹ്നത്തില് അല്ലെങ്കില് ട്വന്റി ട്വന്റി അടക്കം ഘടകകക്ഷികളുടെ സ്ഥാനാര്ഥികളാക്കുക. ജയസൂര്യയും ശ്വേത മേനോനും മധു ബാലകൃഷ്ണനും അടക്കമുള്ള പ്രമുഖരെ നേരിട്ടും ദൂതര്മുഖേനയും സ്ഥാനാര്ഥികളാക്കാനുള്ള താല്പര്യം അറിയിച്ചിരുന്നു. എന്നാല് മല്സര സന്നദ്ധത ആരും അറിയിച്ചിട്ടില്ല. എറണാകുളം ജില്ലിയല് നിന്ന് സ്ഥാനാര്ഥിയാക്കാന് ആലോചിച്ചിരുന്ന മേജര് രവിക്ക് ഒറ്റപ്പാലം സീറ്റിനോടാണ് പക്ഷെ താല്പര്യം.
ട്വന്റി ട്വന്റിയിലെത്തിയ അഖില് മാരാര് തൃക്കാക്കരയില് മല്സരിച്ചേക്കും. അഖില് മാരാര് കൊട്ടാരക്കരയില് ട്വന്റി ട്വന്റി സ്ഥാനാര്ഥിയാകുമെന്ന സൂചനകളുണ്ടായിരുന്നെങ്കിലും കോണ്ഗ്രസില് നിന്ന് ബിജെപിയിലെത്തിയ ആര് രശ്മി എന്ഡിഎ സ്ഥാനാര്ഥിയാകാനാണ് നിലവില് സാധ്യത. കൊച്ചി മേയര് ആയിരുന്ന കോണ്ഗ്രസ് നേതാവുമായും ബിജെപി നേതൃത്വം ആശയവിനിമയം നടത്തിയിട്ടുണ്ട്. എറണാകുളത്ത് ബിജെപിയേക്കാള് കൂടുതല് സീറ്റുകളില് സീറ്റുകളില് ട്വന്റി ട്വന്റിക്ക് നല്കിയേക്കും. കുന്നത്തുനാട് അടക്കം ഏഴ് സീറ്റുകള് ട്വന്റി ട്വന്റി ട്വന്റിക്ക് നല്കാനാണ് പ്രാഥമിക ധാരണ. സാബു എം ജേക്കബും തുഷാര് വെള്ളാപ്പള്ളിയും മല്സരിക്കണമെന്നാണ് ബിജെപി നേതൃത്വത്തിന്റെ താല്പര്യം.
YOU MAY BE INTERESTED
LATEST NEWS
- ശബരിമല സ്ത്രീപ്രവേശനം : നിലപാട് വ്യക്തമാക്കാന് സര്ക്കാര് ; നാളെ സുപ്രീംകോടതിയെ അറിയിക്കണം
- സുധാകരനെ അനുനയിപ്പിക്കാന് രാഹുല് ഗാന്ധി ; തിങ്കളാഴ്ച ഡല്ഹിയില് നിര്ണ്ണായക കൂടിക്കാഴ്ച
- ആര്ത്തവ അവധി നിര്ബന്ധിതമാക്കാനാകില്ല : രാജ്യത്തെ സ്ത്രീകള്ക്ക് ജോലിയില്ലാതാകുമെന്ന് സുപ്രീം കോടതി
- ഡിസിസി ജനറല് സെക്രട്ടറി ബാബു ദിവാകരന് രാജിവെച്ചു; ഗാന്ധിപ്രതിമയ്ക്ക് മുന്നില് കറുപ്പണിഞ്ഞ് പ്രതിഷേധം
- സംസ്ഥാന നേതൃത്വവുമായി കൂടിക്കാഴ്ച നടത്തിയിട്ടും രക്ഷയില്ല ; മുകുന്ദനെ കോണ്ഗ്രസും കൈവിടുന്നു
