പ്രായപരിധി വര്ധന കഴിഞ്ഞ 27 മുതലുള്ള പി.എസ്.സി. വിജ്ഞാപനങ്ങള്ക്കു ബാധകം
തിരുവനന്തപുരം: പി.എസ്.സി. നിയമന അപേക്ഷയ്ക്കുള്ള പ്രായപരിധി നാലു വര്ഷം വര്ധിപ്പിച്ച മന്ത്രിസഭായോഗ തീരുമാനം കഴിഞ്ഞ 27 മുതലുള്ള വിജ്ഞാപനങ്ങള്ക്കു ബാധകമാക്കുന്നതിന് ഇന്നലെ ചേര്ന്ന പി.എസ്.സി. യോഗം തീരുമാനിച്ചു. കഴിഞ്ഞ 28നു പുറപ്പെടുവിച്ച വിജ്ഞാപനങ്ങള്ക്ക് ഇതു ബാധകമാക്കി പി.എസ്.സി. തിരുത്തല് വിജ്ഞാപനം പുറപ്പെടുവിക്കും.
കഴിഞ്ഞ 24നാണ് പ്രായപരിധി 36ല്നിന്ന് 40 ആക്കി ഉയര്ത്താന് മന്ത്രിസഭായോഗം തീരുമാനിച്ചത്. പി.എസ്.സി. വഴി നേരിട്ടു നിയമനം നടത്തുന്ന എല്ലാ തസ്തികകളിലും അതത് വിശേഷാല് ചട്ടത്തില് വ്യവസ്ഥ ചെയ്തിട്ടുള്ള ഉയര്ന്ന പ്രായപരിധിയില് നാലു വര്ഷത്തെ ഇളവു ലഭിക്കും. ഇതിനു പുറമേ പട്ടികജാതി/പട്ടികവര്ഗ വിഭാഗങ്ങളിലും മറ്റു പിന്നാക്ക വിഭാഗങ്ങളിലും ഉള്പ്പെട്ട ഉദ്യോഗാര്ഥികള്ക്ക് ഉയര്ന്ന പ്രായപരിധിയില് യഥാക്രമം അഞ്ചു വര്ഷത്തെയും മൂന്നു വര്ഷത്തെയും ഇളവും ലഭിക്കും.
YOU MAY BE INTERESTED
LATEST NEWS
- ജാഗ്രതയോടെ വീടുകളിൽ തുടരുക, എന്റെ ആഹ്വാനത്തിനായി കാത്തിരിക്കുക': ഇറാനിലെ ജനങ്ങളോട് റെസ പഹ്ലവി
- വി പി സാനു സംസ്ഥാന സ്പോര്ട്സ് കൗണ്സില് പ്രസിഡന്റ്
- മന്ത്രി വീണാ ജോര്ജിനെ വധിക്കാൻ ശ്രമിച്ചെന്ന കേസ്; ആയുധം ഉണ്ടായിരുന്നില്ലെന്ന് പൊലീസുകാരുടെ മൊഴി
- ജി സുധാകരന്റെ സ്ഥാനാര്ത്ഥിത്വം നേരത്തെ തയാറാക്കിയ നാടകം : എച്ച് സലാം
- സംസ്ഥാനത്ത് സിപിഐഎം ചരിത്രത്തില് ഇല്ലാത്ത തകര്ച്ചയിലേക്ക് , നാശത്തിന് കാരണം പിണറായി ;വി.ഡി സതീശന്
