ശ്രീലേഖയ്ക്കെതിരേ കേസ്: വീഡിയോ പരിശോധിക്കാന് പോലീസ് നടപടി
തിരുവനന്തപുരം: യൂട്യൂബ് ചാനലിലൂടെ അതിജീവിതകളുടെ പേര് വെളിപ്പെടുത്തിയെന്ന പരാതിയില് മുന് ഡി.ജി.പിയും നഗരസഭാ കൗണ്സിലറുമായ ആര്. ശ്രീലേഖയ്ക്കെതിരേ കേസ് രജിസ്റ്റര് ചെയ്തു. കോടതി നിര്ദേശപ്രകാരമാണ് മ്യൂസിയം പോലീസ് നടപടി സ്വീകരിച്ചത്.
ബ്ലോഗിലൂടെയും സ്വന്തം യൂട്യൂബ് ചാനലിലൂടെയും ബലാത്സംഗക്കേസുകളിലെ ഇരകളുടെ പേരുകള് വെളിപ്പെടുത്തിയെന്നാണ് സിവില് റൈറ്റ്സ് ആന്ഡ് സോഷ്യല് ജസ്റ്റിസ് സൊസൈറ്റി നല്കിയ പരാതിയിലെ ആരോപണം. കവിയൂര്- കിളിരൂര് കേസുകളും കുറുപ്പംപ്പടി പോലീസ് സ്റ്റേഷനില് രജിസ്റ്റര് ചെയ്ത കേസുമായി ബന്ധപ്പെട്ട ഇരകളുടെ പേരുകളുമാണ് പുറത്തുവിട്ടതെന്നാണ് പരാതി.
തിരുവനന്തപുരം ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതിയുടെ നിര്ദേശത്തോടെയാണ് കേസ് എടുത്തത്. വീഡിയോയുടെ പകര്പ്പ് ലഭ്യമാക്കാന് യൂട്യൂബിന് പോലീസ് കത്ത് നല്കും. പരാമര്ശങ്ങള് പോക്സോ നിയമപരിധിയില് വരുന്നതാണോയെന്നതാണ് ഇനി നിര്ണായക പരിശോധന.
LATEST NEWS
- ഹൈക്കോടതി വിധിച്ചു; വെള്ളാപ്പള്ളി പുറത്ത്
- സുധാകരനെതിരേ സി.പി.എമ്മിന്റെ പോസ്റ്റര് പ്രതിഷേധം
- ജി. സുധാകരന് പിന്തുണ: ആലോചിച്ച് തീരുമാനിക്കുമെന്ന് വി.ഡി. സതീശന്
- സ്ഥാനാര്ഥിയെ നിര്ത്തില്ല; ജി. സുധാകരന് പിന്തുണ നല്കാന് യു.ഡി.എഫ്.
- വിറപ്പിച്ച് ജി. സുധാകരന്; വീഴാതിരിക്കാന് ചടുലനീക്കങ്ങളുമായി സി.പി.എം.; വ്യക്തിയുടെ 'ഈഗോ'യ്ക്കുമുന്നില് പാര്ട്ടി മുട്ടുമടക്കില്ലെന്ന് അണികളെ ബോധ്യപ്പെടുത്തും
