ഗുരുവായൂരില് വോട്ട്: കേന്ദ്രമന്ത്രി സുരേഷ് ഗോപിക്കെതിരേ പരാതി
കുന്നംകുളം: ഗുരുവായൂര് നിയമസഭാമണ്ഡലത്തിലെ വോട്ടര് പട്ടികയില് പേര് ചേര്ത്ത കേന്ദ്രമന്ത്രി സുരേഷ് ഗോപിക്കെതിരേ സി.പി.എം. നേതാവ് എം. ബാലാജി ജില്ലാ വരണാധികാരിക്ക് പരാതി നല്കി. നിയമവിരുദ്ധമായി ഒന്നിലധികം നിയോജകമണ്ഡലങ്ങളില് പേര് ചേര്ക്കുകയും വോട്ട് രേഖപ്പെടുത്തുകയും ചെയ്തതിനെതിരേ നടപടിയാവശ്യപ്പെട്ടാണ് പരാതി. 2024-ലെ ലോക്സഭാ തെരഞ്ഞെടുപ്പില് തൃശൂര് നിയോജകമണ്ഡലത്തിലെ ബൂത്ത് നമ്പര് 150, ക്രമനമ്പര് 849 ആയാണ് സുരേഷ് ഗോപി വോട്ട് ചെയ്തത്.
കഴിഞ്ഞവര്ഷം തദ്ദേശതെരഞ്ഞെടുപ്പില് തിരുവനന്തപുരം കോര്പറേഷന് ശാസ്തമംഗലം വാര്ഡില് പേര് ചേര്ത്ത് വോട്ട് ചെയ്തു. നിലവില് ഗുരുവായൂര് മണ്ഡലത്തിലെ ബൂത്ത് നമ്പര് 137, ക്രമനമ്പര് 697 ആയി നിയമസഭാ തെരഞ്ഞെടുപ്പില് വോട്ട് ചെയ്യാനിരിക്കുന്നു.
ഒരാള് മൂന്ന് നിയോജകമണ്ഡലങ്ങളില് പേര് ചേര്ത്ത് വോട്ട് ചെയ്യുന്നത് നിയമലംഘനമാണന്നും ഗുരുവായൂരിലെ വോട്ടര് പട്ടികയില്നിന്ന് സുരേഷ് ഗോപിയുടെ പേര് നീക്കണമെന്നും പരാതിയില് ആവശ്യപ്പെടുന്നു.
LATEST NEWS
- ഹൈക്കോടതി വിധിച്ചു; വെള്ളാപ്പള്ളി പുറത്ത്
- സുധാകരനെതിരേ സി.പി.എമ്മിന്റെ പോസ്റ്റര് പ്രതിഷേധം
- ജി. സുധാകരന് പിന്തുണ: ആലോചിച്ച് തീരുമാനിക്കുമെന്ന് വി.ഡി. സതീശന്
- സ്ഥാനാര്ഥിയെ നിര്ത്തില്ല; ജി. സുധാകരന് പിന്തുണ നല്കാന് യു.ഡി.എഫ്.
- വിറപ്പിച്ച് ജി. സുധാകരന്; വീഴാതിരിക്കാന് ചടുലനീക്കങ്ങളുമായി സി.പി.എം.; വ്യക്തിയുടെ 'ഈഗോ'യ്ക്കുമുന്നില് പാര്ട്ടി മുട്ടുമടക്കില്ലെന്ന് അണികളെ ബോധ്യപ്പെടുത്തും
