‘എത്ര സ്വീറ്റാണ് മമ്മൂക്ക; സംസാരിക്കാനായി ഞാന് എഴുന്നേറ്റപ്പോള് അദ്ദേഹവും എനിക്കൊപ്പം എഴുന്നേറ്റു നിന്നു; ഷേക്ക് ഹാന്ഡ് തന്നു, സെല്ഫിയും എടുക്കാന് സമ്മതിച്ചു...’ മമ്മൂട്ടിയെപ്പറ്റി അഭിരാമി
മലയാളത്തില് മാത്രമല്ല തമിഴ്,തെലുങ്ക്,കന്നട എന്നീ ഭാഷകളില് തിളങ്ങി നില്ക്കുന്ന താരമാണ് അഭിരാമി. ‘ഞങ്ങള് സന്തുഷ്ടരാണ്’ എന്ന ചിത്രത്തിലൂടെയാണ് നായികയായി അരങ്ങേറിയ താരം ഏകദേശം ഒന്പതു വര്ഷത്തോളം തെന്നിന്ത്യന് ഭാഷകളില് സജീവമായിരുന്നു. അക്കാലയളവില് മോഹന്ലാല്,കമല്ഹാസന്, സുരേഷ് ഗോപി, മമ്മൂട്ടി ഉള്പ്പെടെയുള്ളവരുടെ നായികയായി താരം തിളങ്ങി. വിവാഹ ശേഷം സിനിമയിൽ നിന്നും വിട്ടു നിന്ന താരം മിനിസ്ക്രീനില് അവതാരകയായിട്ടാണ് മടങ്ങിവന്നത്.
പിന്നീട് കരിയറിനും കുടുംബ ജീവിതത്തിനും ശ്രദ്ധ കൊടുത്ത് മുന്നോട്ട് നീങ്ങിയ താരം സിനിമകളിലും സജീവമായി. മലയാളത്തിലും തമിഴിലുമടക്കംശ്രദ്ധേയമായ കരുത്തുറ്റ കഥാപാത്രങ്ങള് ചെയ്ത് പ്രേക്ഷകരുടെ ഹൃദയം കീഴടക്കുകയാണ് താരം. സോഷ്യല് മീഡിയയിലും സജീവമായ താരം എല്ലാ വിശേഷങ്ങളും സന്തോഷങ്ങളും അതിലൂടെ പങ്കിടാറുണ്ട്.
ഇപ്പോഴിതാ മമ്മൂട്ടിയെക്കുറിച്ച് അഭിരാമി പങ്കിട്ട വരികളാണ് ആരാധകര് ഏറ്റെടുക്കുന്നത്. സൗത്ത് ഫിലിം ഫെയര് അവാര്ഡ് നിശയ്ക്കിടെ മമ്മൂട്ടിയെ കണ്ടതും സംസാരിച്ചതും തനിക്ക് മമ്മൂട്ടി ശ്രദ്ധ നല്കിയതിനെക്കുറിച്ചും സെല്ഫിയെടുത്തതിനെക്കുറിച്ചുമാണ് അഭിരാമി കുറിച്ചിരിക്കുന്നത്. ‘‘എത്ര അവിശ്വസനീയമാംവിധം മധുരമാണ് ഈ മനുഷ്യൻ... ഞാൻ അദ്ദേഹത്തോട് സംസാരിക്കാൻ എഴുന്നേറ്റപ്പോൾ, അദ്ദേഹം എഴുന്നേറ്റു നിന്ന് എനിക്ക് ഷേക്ക് ഹാന്ഡ് തന്നു, എനിക്ക് പൂർണ്ണ ശ്രദ്ധ നൽകി... എപ്പോഴും ഏറ്റവും സ്വീറ്റസ്റ്റായ മമ്മൂക്ക... ഇതാ അദ്ദേഹത്തിനൊപ്പമുള്ള ആ സെൽഫി...’’ എന്ന ക്യാപ്ഷന് നല്കിയാണ് ചിത്രവും വീഡിയോയും അഭിരാമി പങ്കിട്ടിരിക്കുന്നത്. നിരവധി പേരാണ് ഈ പോസ്റ്റിനു താഴെ മമ്മൂട്ടിയെപ്പറ്റി സ്നേഹത്തോടെ കമന്റുകള് കുറിച്ചിരിക്കുന്നത്.
LATEST NEWS
- തൃഷ കൂടെ പോകാന് പാടില്ലായിരുന്നു, കരൂര് സംഭവത്തേക്കാള് വിജയ്ക്ക് നാണക്കേടുണ്ടാക്കി; വീണ്ടും പാര്ഥിപന്
- ‘ആ ഗുരുത്വം അദ്ദേഹത്തെ ഇനിയും കൂടുതല് വിജയങ്ങളിലേക്ക് എത്തിക്കട്ടെ, നമുക്കത് കണ്ട് സന്തോഷിക്കാനുള്ള ഭാഗ്യം ഉണ്ടാകട്ടെ, സഞ്ജു സാംസണ് വാഴ്ത്തുക്കള്’
- ‘എന്റെ കൈയിലെ അച്ഛന്റെ ടാറ്റൂവിലുള്ള വിശദാംശങ്ങള് കണ്ട് അത്ഭുതപ്പെട്ടു; സൂക്ഷിക്കാനുള്ള ഓർമ്മയാണിത്...’ സുഹാസിനി വരച്ച പെയിന്റിംഗ് പങ്കിട്ട് രാധിക ശരത്കുമാര്
- ‘ശ്രീവിദ്യാമ്മ മരിക്കുന്നതിന് ഒരാഴ്ച മുമ്പ് ഭക്ഷണം കഴിക്കാന് എന്നെ വീട്ടിലേക്ക് വിളിച്ചിരുന്നു; പോയി കാണാന് കഴിയാത്ത വിഷമം ഇപ്പോഴുമുണ്ട്...’ മോഹിനി
- പ്രഭാസിനൊപ്പമുളള ചിത്രം പങ്കുവെച്ച് കിഷ്കിന്ധാ കാണ്ഡം സംവിധായകന്
