തെരഞ്ഞെടുപ്പിൽ മത്സരിക്കാൻ ഷിബു ബേബി ജോൺ; ആർഎസ്പി സംസ്ഥാന സെക്രട്ടറി സ്ഥാനം രാജിവച്ചു, സതീശനുമായി നാളെ ചര്ച്ച
കൊല്ലം: ആര്.എസ്.പി. സംസ്ഥാന സെക്രട്ടറി സ്ഥാനം ഷിബു ബേബി ജോണ് രാജിവച്ചു. തെരഞ്ഞെടുപ്പില് മത്സരിക്കാനുള്ള തീരുമാനത്തിന്റെ ഭാഗമായാണു താല്ക്കാലികമായി സ്ഥാനമൊഴിഞ്ഞത്. മുന് സംസ്ഥാന സെക്രട്ടറി എ.എ. അസീസിനാണ് തെരഞ്ഞെടുപ്പ് കാലത്തു സെക്രട്ടറിയുടെ ചുമതല.
ചവറയിലാകും ഷിബു ബേബി ജോണ് സ്ഥാനാര്ഥിയാകുക. കഴിഞ്ഞ തവണ ഇടതു സ്വതന്ത്രനായ ഡോ. സുജിത് വിജയന് പിള്ളയോടും അതിനു മുമ്പു സുജിത്തിന്റെ പിതാവ് എന്.വിജയന് പിള്ളയോടും പരാജയപ്പെട്ടിരുന്നു.
അതിനിടെ, ആര്.എസ്.പി. സീറ്റുകള് സംബന്ധിച്ചു പ്രതിപക്ഷ നേതാവ് വി.ഡി. സതീശനുമായി നാളെ ഇടുക്കിയില് ചര്ച്ച നടക്കും. മണ്ഡലം കമ്മിറ്റികള് 24നു ചേരുന്നുണ്ട്. കൊല്ലം ജില്ലയില് ആര്.എസ്.പിയുടെ മറ്റൊരു സീറ്റായ ഇരവിപുരത്ത് എന്.കെ. പ്രേമചന്ദന്റെ മകന് കാര്ത്തിക് പ്രേമചന്ദ്രന്, സജി ഡി. ആനന്ദ് എന്നിവരുടെ പേരുകളാണു പരിഗണനയില്. മണ്ഡലം കമ്മിറ്റിയില് ഭൂരിപക്ഷം നേടിയാല് കാര്ത്തിക് സ്ഥാനാര്ഥിയാകാനാണ് സാധ്യത.
YOU MAY BE INTERESTED
LATEST NEWS
- കല്യാണമണ്ഡപത്തില് കയറി ഗുണ്ടയെ പോലീസ് പിടികൂടി; സ്റ്റേഷനില് വിവാഹം നടത്തിത്തരണമെന്ന് ആവശ്യപ്പെട്ട് വധു
- ഇറാനിലെ ഖാര്ഗ്ദ്വീപ് ആക്രമിച്ചെന്ന് ട്രംപ് ; ലക്ഷ്യമിട്ടത് സൈനിക കേന്ദ്രങ്ങളെന്ന് വിശദീകരണം
- സ്ത്രീകള്ക്ക് മാത്രമല്ല മുതിര്ന്ന പൗരന്മാര്ക്കും സൗജന്യയാത്ര ; രാഹുലിന്റെ നിര്ദേശം ഏറ്റെടുക്കാന് എല്ഡിഎഫും
- കുടുംബവാഴ്ചയും അഴിമതിയും ; കോണ്ഗ്രസും സിപിഎമ്മും ഒന്നാണെന്ന് രാജീവ് ചന്ദ്രശേഖര്
- പ്രതിസന്ധിയില് ആശ്വാസം ; 40,000 മെട്രിക് ടണ് എല്പിജിയുമായി കപ്പല് ഹോര്മുസ് കടന്നു
