കെ.ടി.ഡി.സി. ചെയര്മാന് പി.കെ. ശശി രാജിവച്ചു
തിരുവനന്തപുരം: കെ.ടി.ഡി.സി. അധ്യക്ഷ സ്ഥാനം സി.പി.എം. മുന് എം.എല്.എ: പി.കെ. ശശി രാജിവച്ചു.
നിയമസഭ തെരഞ്ഞെടുപ്പില് ഒറ്റപ്പാലത്ത് യു.ഡി.എഫ്. സ്ഥാനാര്ഥിയാകുമെന്ന അഭ്യുഹങ്ങള്ക്കിടെയാണു രാജി. വ്യക്തിപരമായ കാരണങ്ങള്മൂലമാണ് രാജിവയ്ക്കുന്നതെന്ന് അദ്ദേഹം വിശദീകരിച്ചു. സര്ക്കാരിനോ പാര്ട്ടിക്കോ എതിരേ ഒരു പരാമര്ശവും നടത്തിയിട്ടില്ലെന്നും ഇപ്പോഴും സി.പി.എമ്മുകാരനാണെന്നും ട്രേഡ് യൂണിയനിലുണ്ടെന്നും ശശി പറഞ്ഞു.
ടൂറിസം മന്ത്രി പി.എ. മുഹമ്മദ് റിയാസിനും ടൂറിസം ഡയറക്ടര്ക്കും കഴിഞ്ഞ 18 നാണ് പി.കെ. ശശി രാജിക്കത്ത് നല്കിയത്. അച്ചടക്ക നടപടിയുടെ ഭാഗമായി ജില്ലാ കമ്മിറ്റിയില്നിന്നു ശശിയെ ബ്രാഞ്ചിലേക്കു തരംതാഴ്ത്തിയിരുന്നു. നിലവില് മണ്ണാര്ക്കാട് ഏരിയ കമ്മിറ്റിക്കു കീഴിലെ നായാടിപ്പാറ ബ്രാഞ്ചിലെ അംഗമാണ്.
സി.പി.എം. സംസ്ഥാന സെക്രട്ടറി എം.വി. ഗോവിന്ദന് നയിച്ച വികസന മുന്നേറ്റ യാത്രയ്ക്കു മണ്ണാര്ക്കാട്ട് നല്കിയ സ്വീകരണത്തില്നിന്നു ശശി വിട്ടുനിന്നതു ചര്ച്ചയായിരുന്നു. പ്രശ്നമുണ്ടെന്നും അതുകൊണ്ടാണ് ശശി ബ്രാഞ്ചില് ഇരിക്കുന്നതെന്നും അടുത്തിടെ എം.വി. ഗോവിന്ദന് നടത്തിയ പ്രസ്താവന ശശിയോടു നേതൃത്വത്തിനുള്ള നിലപാടു വ്യക്തമാക്കുന്നതായിരുന്നു. രാജി വേഗത്തിലാക്കിയതിനു പിന്നില് ഈ പ്രസ്താവനയും കാരണമായി എന്നാണു സൂചന.
LATEST NEWS
- ഹൈക്കോടതി വിധിച്ചു; വെള്ളാപ്പള്ളി പുറത്ത്
- സുധാകരനെതിരേ സി.പി.എമ്മിന്റെ പോസ്റ്റര് പ്രതിഷേധം
- ജി. സുധാകരന് പിന്തുണ: ആലോചിച്ച് തീരുമാനിക്കുമെന്ന് വി.ഡി. സതീശന്
- സ്ഥാനാര്ഥിയെ നിര്ത്തില്ല; ജി. സുധാകരന് പിന്തുണ നല്കാന് യു.ഡി.എഫ്.
- വിറപ്പിച്ച് ജി. സുധാകരന്; വീഴാതിരിക്കാന് ചടുലനീക്കങ്ങളുമായി സി.പി.എം.; വ്യക്തിയുടെ 'ഈഗോ'യ്ക്കുമുന്നില് പാര്ട്ടി മുട്ടുമടക്കില്ലെന്ന് അണികളെ ബോധ്യപ്പെടുത്തും
