റമദാന് മാസം: ഇന്ന് വ്രതാരംഭം
കോഴിക്കോട്: റമദാന് മാസം കേരളത്തില് ഇന്ന് ആരംഭിക്കുന്നു. ബുധനാഴ്ച മാസപ്പിറവി കണ്ടതായി സ്ഥിരീകരണം ലഭിക്കാത്തതിനാല് ശഅബാന് 30 പൂര്ത്തിയാക്കി വിശ്വാസികള് ഇന്ന് വ്രതാരംഭം കുറിക്കും.
ഒമാന് ഒഴികെയുള്ള ഗള്ഫ് രാജ്യങ്ങളില് ഇന്നലെ റമദാന് തുടങ്ങിയിരുന്നു. ആത്മശുദ്ധിയും ദൈവഭക്തിയും വര്ധിപ്പിക്കാനുള്ള ഈ മാസം പ്രാര്ഥനയ്ക്കും ഖുര്ആന് പാരായണത്തിനും ദാനധര്മങ്ങള്ക്കും പ്രത്യേക പ്രാധാന്യം നല്കുന്നു. പള്ളികളില് തറാവീഹ് നമസ്കാരവും സുബ്ഹ് നമസ്കാരത്തിനു മുമ്പ് സുഹൂര് ഭക്ഷണവും ഇഫ്ത്താര് ഒത്തുചേരലുകളും ഈ മാസത്തിന്റെ അവിഭാജ്യ ഘടകങ്ങളാണ്.
ഇസ്ലാം മതത്തിലെ അഞ്ച് തൂണുകളില് ഒന്നാണ് റമദാന് വ്രതം. ആത്മസംയമനം, ക്ഷമ, കാരുണ്യം, ആത്മീയവളര്ച്ച എന്നിവയിലാണ് ഈ മാസം വിശ്വാസികള് ശ്രദ്ധ കേന്ദ്രീകരിക്കുന്നത്. പുലര്ച്ചെ സുബ്ഹിക്കു മുമ്പുള്ള അത്താഴത്തോടെ തുടങ്ങി വൈകുന്നേരം സൂര്യാസ്തമയത്തിനു ശേഷമുള്ള നോമ്പുതുറ (ഇഫ്താര്) വരെയാണ് വിശ്വാസികള് അന്നപാനീയങ്ങള് ഉപേക്ഷിച്ചു വ്രതം അനുഷ്ഠിക്കുന്നത്. ഈദുല് ഫിത്തര് ആഘോഷത്തോടെയാണ് റമദാന് അവസാനിക്കുക.
LATEST NEWS
- ഹൈക്കോടതി വിധിച്ചു; വെള്ളാപ്പള്ളി പുറത്ത്
- സുധാകരനെതിരേ സി.പി.എമ്മിന്റെ പോസ്റ്റര് പ്രതിഷേധം
- ജി. സുധാകരന് പിന്തുണ: ആലോചിച്ച് തീരുമാനിക്കുമെന്ന് വി.ഡി. സതീശന്
- സ്ഥാനാര്ഥിയെ നിര്ത്തില്ല; ജി. സുധാകരന് പിന്തുണ നല്കാന് യു.ഡി.എഫ്.
- വിറപ്പിച്ച് ജി. സുധാകരന്; വീഴാതിരിക്കാന് ചടുലനീക്കങ്ങളുമായി സി.പി.എം.; വ്യക്തിയുടെ 'ഈഗോ'യ്ക്കുമുന്നില് പാര്ട്ടി മുട്ടുമടക്കില്ലെന്ന് അണികളെ ബോധ്യപ്പെടുത്തും
