ആന്റണി രാജുവിന് തിരിച്ചടി; ശിക്ഷ റദ്ദാക്കണമെന്ന ഹര്ജി തള്ളി
തിരുവനന്തപുരം: തൊണ്ടിമുതല് തിരിമറിക്കേസിലെ ശിക്ഷ റദ്ദാക്കണമെന്നാവശ്യപ്പെട്ടു മുന് മന്ത്രി ആന്റണി രാജു നല്കിയ ഹര്ജി ജില്ലാ സെഷന്സ് കോടതി തള്ളി. മൂന്നുവര്ഷം തടവും പതിനായിരം രൂപ പിഴയും ശിക്ഷ വിധി നെടുമങ്ങാട് മജിസ്ട്രേറ്റ് കോടതിയുടെ വിധി ജില്ലാ സെഷന്സ് കോടതി ശരിവച്ചു. ഇതോടെ അയോഗ്യത നിലനില്ക്കുമെന്നതിനാല്, ഈ തെരഞ്ഞെടുപ്പിലും അടുത്ത തെരഞ്ഞെടുപ്പിലും ആന്റണി രാജുവിനു മത്സരിക്കാനാകില്ല.
താന് കുറ്റക്കാരനാണെന്ന കണ്ടെത്തലും ശിക്ഷാവിധിയും റദ്ദാക്കണമെന്നാവശ്യപ്പെട്ടാണ് ആന്റണി രാജു ജില്ലാ സെഷന്സ് കോടതിയെ സമീപിച്ചത്. 1990 ഏപ്രില് നാലിന് തിരുവനന്തപുരം വിമാനത്താവളത്തില് ലഹരിമരുന്നുമായി പിടിയിലായ ഓസ്ട്രേലിയന് പൗരന് ആന്ഡ്രൂ സാല്വദോര് സര്ലിയെ രക്ഷപ്പെടുത്താനായി പ്രധാന തൊണ്ടിമുതലായ അടിവസ്ത്രത്തില് കൃത്രിമം നടത്തിയെന്ന കേസിലാണ് ആന്റണി രാജു ശിക്ഷിക്കപ്പെട്ടത്.
സാല്വദോര് സര്ലി അടിവസ്ത്രത്തില് ഒളിപ്പിച്ചിരുന്ന 61 ഗ്രാം ഹാഷിഷ് കേസിലെ നിര്ണായക തെളിവായിരുന്നു. 10 വര്ഷം ശിക്ഷ ലഭിച്ച വിദേശപൗരന്റെ അപ്പീല് ഹൈക്കോടതിയില് എത്തിയപ്പോഴായിരുന്നു തിരിമറി.
സുനില് ജെ. സണ്ണി
LATEST NEWS
- ഹൈക്കോടതി വിധിച്ചു; വെള്ളാപ്പള്ളി പുറത്ത്
- സുധാകരനെതിരേ സി.പി.എമ്മിന്റെ പോസ്റ്റര് പ്രതിഷേധം
- ജി. സുധാകരന് പിന്തുണ: ആലോചിച്ച് തീരുമാനിക്കുമെന്ന് വി.ഡി. സതീശന്
- സ്ഥാനാര്ഥിയെ നിര്ത്തില്ല; ജി. സുധാകരന് പിന്തുണ നല്കാന് യു.ഡി.എഫ്.
- വിറപ്പിച്ച് ജി. സുധാകരന്; വീഴാതിരിക്കാന് ചടുലനീക്കങ്ങളുമായി സി.പി.എം.; വ്യക്തിയുടെ 'ഈഗോ'യ്ക്കുമുന്നില് പാര്ട്ടി മുട്ടുമടക്കില്ലെന്ന് അണികളെ ബോധ്യപ്പെടുത്തും
