'രാഹുൽ ഗാന്ധിയുടെ അംഗത്വം റദ്ദാക്കണം, മത്സരിക്കുന്നതിൽ നിന്ന് വിലക്കണം'; ലോക്സഭയിൽ പ്രമേയം അവതരിപ്പിക്കുന്നതിന് ബിജെപി

ന്യൂഡല്‍ഹ: ലോക്‌സഭയിലെ പ്രതിപക്ഷ നേതാവ് രാഹുൽ ഗാന്ധിക്കെതിരെ അവകാശലംഘന നോട്ടീസ് നൽകാൻ പദ്ധതിയില്ലെന്ന് ബിജെപി എംപി നിഷികാന്ത് ദുബെ പറഞ്ഞു. പകരം രാഹുലിന്റെ അംഗത്വം റദ്ദാക്കണമെന്ന് ആവശ്യപ്പെട്ട് അദ്ദേഹം സബ്‌സ്റ്റാന്റീവ് മോഷൻ സമർപ്പിച്ചു.

"ഇതൊരു അവകാശലംഘന പ്രമേയമല്ല. ഞാൻ ഒരു സബ്‌സ്റ്റാന്റീവ് മോഷൻ സമർപ്പിച്ചിട്ടുണ്ട്. സോറോസ് ഫൗണ്ടേഷൻ, ഫോർഡ് ഫൗണ്ടേഷൻ, യുഎസ്എയ്ഡ് (USAID) തുടങ്ങിയവയുമായി അദ്ദേഹം എങ്ങനെയൊക്കെ ബന്ധപ്പെടുന്നുവെന്നും, തായ്‌ലൻഡ്, കംബോഡിയ, വിയറ്റ്‌നാം, യുഎസ് തുടങ്ങിയ സ്ഥലങ്ങളിലേക്കുള്ള അദ്ദേഹത്തിന്റെ യാത്രകളെക്കുറിച്ചും, ഇന്ത്യ വിരുദ്ധ ശക്തികളുമായി അദ്ദേഹത്തിന് എന്ത് ബന്ധമാണുള്ളതെന്നും അതിൽ പരാമർശിച്ചിട്ടുണ്ട്," ദുബെ പറഞ്ഞു. രാഹുൽ ഗാന്ധിയുടെ അംഗത്വം റദ്ദാക്കണമെന്നും ജീവിതകാലം മുഴുവൻ അദ്ദേഹത്തെ തിരഞ്ഞെടുപ്പിൽ മത്സരിക്കുന്നതിൽ നിന്ന് വിലക്കണമെന്നും അദ്ദേഹം ആവശ്യപ്പെട്ടു.