ജോസ് കെ.മാണി പാലായില് മത്സരിക്കും: റോഷി
അടിമാലി: കേരള കോണ്ഗ്രസ് (എം) ചെയര്മാന് ജോസ് കെ. മാണി വരുന്ന നിയമസഭാ തെരഞ്ഞെടുപ്പില് പാലായില് തന്നെ മത്സരിക്കുമെന്നു മന്ത്രി റോഷി അഗസ്റ്റിന്. എല്.ഡി.എഫ്. മധ്യമേഖലാ വികസന മുന്നേറ്റ ജാഥയുടെ ഭാഗമായി അടിമാലിയില് നടത്തിയ വാര്ത്താസമ്മേളനത്തിലായിരുന്നു മന്ത്രിയുടെ പ്രതികരണം. താങ്കള് മത്സരിക്കുമോ എന്ന ചോദ്യത്തിനു 'പാര്ട്ടി തീരുമാനിക്കുന്നത് പോലെ' എന്നായിരുന്നു വാര്ത്താസമ്മേളനത്തില് ജോസ് കെ. മാണിയുടെ മറുപടി. ഈ ഘട്ടത്തിലാണ് ഉറപ്പായും ഈ തെരഞ്ഞെടുപ്പില് പാലായില് തന്നെ ജോസ് കെ. മാണി മത്സരിക്കുമെന്നും സമയമാകുമ്പോള് പാര്ട്ടി ഔദ്യോഗികമായി അറിയിക്കുമെന്നും റോഷി അഗസ്റ്റിന് പറഞ്ഞത്. ജോസ് കെ. മാണി യു.ഡി.എഫുമായി ചര്ച്ച നടത്തിയതായുള്ള മാണി സി. കാപ്പന്റെ പ്രസ്താവനയ്ക്കുള്ള മറുപടിയും ജോസ് കെ. മാണി പറഞ്ഞു. 'വികസന കാര്യത്തില് മാണി സി. കാപ്പന് വളരെ പിന്നോട്ടാണ്. സ്വന്തം കഴിവുകേട് അംഗീകരിക്കാനും തുറന്നു പറയാനും ജാള്യമില്ലാത്ത വ്യക്തിയാണ് മാണി സി. കാപ്പന്.'- ജോസ് കെ. മാണി പറഞ്ഞു.
LATEST NEWS
- ഹൈക്കോടതി വിധിച്ചു; വെള്ളാപ്പള്ളി പുറത്ത്
- സുധാകരനെതിരേ സി.പി.എമ്മിന്റെ പോസ്റ്റര് പ്രതിഷേധം
- ജി. സുധാകരന് പിന്തുണ: ആലോചിച്ച് തീരുമാനിക്കുമെന്ന് വി.ഡി. സതീശന്
- സ്ഥാനാര്ഥിയെ നിര്ത്തില്ല; ജി. സുധാകരന് പിന്തുണ നല്കാന് യു.ഡി.എഫ്.
- വിറപ്പിച്ച് ജി. സുധാകരന്; വീഴാതിരിക്കാന് ചടുലനീക്കങ്ങളുമായി സി.പി.എം.; വ്യക്തിയുടെ 'ഈഗോ'യ്ക്കുമുന്നില് പാര്ട്ടി മുട്ടുമടക്കില്ലെന്ന് അണികളെ ബോധ്യപ്പെടുത്തും
