'സ്പാ ' സെൻസറിംഗ് നടന്നു. ചിത്രത്തിന് A സർട്ടിഫിക്കറ്റ്. റിലീസ് ഫെബ്രുവരി 12ന്

എബ്രിഡ് ഷൈൻ ചിത്രം ' സ്പാ ' സെൻസർ ചെയ്തു. ചിത്രത്തിന് A സർട്ടിഫിക്കറ്റ് ആണ് നൽകിയിരിക്കുന്നത്. ഫെബ്രുവരി 12നാണ് ചിത്രം റിലീസിനെത്തുന്നത്. എബ്രിഡ് ഷൈൻ സംവിധാനം ചെയ്ത ചിത്രങ്ങളിൽ ആദ്യമായാണ് ഒരു A സർട്ടിഫിക്കറ്റ് ചിത്രമിറങ്ങുന്നത്.
അതുകൊണ്ടുതന്നെ ചിത്രത്തിലുള്ള ആകാംക്ഷയും വർദ്ധിച്ചിരിക്കുകയാണ്.18 വയസ്സ് കഴിഞ്ഞ എല്ലാവർക്കും ആസ്വദിക്കാൻ പറ്റുന്ന രീതിയിൽ കോമഡിക്ക് ഏറെ പ്രാധാന്യം കൊടുത്താണ് തന്റെ ചിത്രം ഒരുക്കിയിരിക്കുന്നതെന്നാണ് എബ്രിഡ് ഷൈൻ പറയുന്നത്. ഒരു സ്പാ സെന്റർനെ കേന്ദ്രമാക്കിയാണ് ചിത്രത്തിന്റെ കഥ പോകുന്നത്. അവിടെയെത്തുന്ന ആൾക്കാരും അവരുമായി ബന്ധപ്പെട്ട കാര്യങ്ങളും രസകരമായി കോർത്തിണക്കി പ്രേക്ഷകർക്ക് മുന്നിലെത്തിക്കുകയാണ് എബ്രിഡ് ഷൈൻ. അതിനായി തെരഞ്ഞെടുത്ത കഥാപാത്രങ്ങളും താരങ്ങളും ഒന്നിനൊന്നു മികച്ചവരാണ്. മുൻനിര താരങ്ങൾ ഒന്നുമില്ലെങ്കിലും പ്രകടനത്തിൽ മുൻനിരക്കൊപ്പം എത്തുന്നവരാണ് ചിത്രത്തിലുള്ളത്. താരനിര ഇങ്ങനെയാണ്.
സിദ്ധാർത്ഥ് ഭരതൻ, വിനീത് തട്ടിൽ, പ്രശാന്ത് അലക്‌സാണ്ടർ, മേജർ രവി,വിജയ് മേനോൻ, ദിനേശ് പ്രഭാകർ, അശ്വിൻ കുമാർ, ശ്രീകാന്ത് മുരളി, കിച്ചു ടെല്ലസ് മേജർ രവി, ജോജി കെ ജോൺ, സജിമോൻ പാറയിൽ, എബി, ഫെബി,മാസ്‌ക് മാൻ, ശ്രുതി മേനോൻ, രാധിക രാധാകൃഷ്ണൻ,
ശ്രീജ ദാസ്, പൂജിത മേനോൻ, റിമ ദത്ത, ശ്രീലക്ഷ്മി ഭട്ട്, നീന കുറുപ്പ്, മേഘ തോമസ്.

ചിത്രത്തിന്റെ ഛായാഗ്രഹണം സ്വരൂപ് ഫിലിപ്പ്.സംഗീതം ഇഷാൻ ഛബ്ര.വരികൾ ബി.കെ ഹരിനാരായണൻ, സന്തോഷ് വർമ്മ. ആനന്ദ് ശ്രീരാജ്.
എഡിറ്റർ മനോജ്.ഫൈനൽ മിക്സ് എം.ആർ. രാജകൃഷ്ണൻ.സൗണ്ട് ഡിസൈൻ ആൻഡ് സൗണ്ട് എഡിറ്റ് ശ്രീ ശങ്കർ.
പ്രൊഡക്ഷൻ ഡിസൈനർ ഷിജി പട്ടണം. പ്രൊഡക്ഷൻ കൺട്രോളർ സഞ്ജു ജെ. കോസ്റ്റ്യൂം ഡിസൈൻ സുജിത്ത് മട്ടന്നൂർ.മേക്കപ്പ് പി.വി.ശങ്കർ.
സ്റ്റണ്ട് മാഫിയ ശശി.അസോസിയേറ്റ് ഡയറക്ടർ ആർച്ച എസ്.പാറയിൽ. ഡി ഐ ആക്ഷൻ ഫ്രെയിംസ് മീഡിയ. കളറിസ്റ്റ് സുജിത്ത്സദാശിവൻ.
സ്റ്റിൽസ് നിദാദ് കെ.എൻ. വിഎഫ്എക്സ് മാർജാര. പി ആർ ഒ മഞ്ജു ഗോപിനാഥ്. പബ്ലിസിറ്റി ഡിസൈൻ ടെൻ പോയിന്റ്. ഡിജിറ്റൽ മാർക്കറ്റിംഗ് ഒബ്സ്ക്യൂറ എന്റർടൈൻമെന്റ്. ചിത്രീകരണവും പോസ്റ്റ് പ്രൊഡക്ഷനും പൂർത്തിയാക്കിയ 'സ്പാ ' ഫെബ്രുവരി 12 ന് വേൾഡ് വൈഡായി റിലീസ് ചെയ്യുന്നത് സൈബർ സിസ്റ്റം ഓസ്ട്രേലിയ. കേരളത്തിലും ഇന്ത്യയ്ക്കകത്തുമായി ചിത്രം തിയേറ്ററുകളിൽ എത്തിക്കുന്നത് സ്പാറയിൽ & വൈറ്റ് ചാരിയറ്റ്.