ശബരിമല മണ്ഡല മകരവിളക്ക് മഹോത്സവത്തിനായി പ്രത്യേക ബജറ്റ്
തിരുവനന്തപുരം: ശബരിമല തീര്ത്ഥാടനത്തിന് സമഗ്രമാറ്റം വരുത്താന് തിരുവിതാംകൂര് ദേവസ്വം ബോര്ഡ് നടപടികള് ആരംഭിച്ചു. 2026- 27 മണ്ഡല മകരവിളക്ക് മഹോത്സവത്തിനായുള്ള ആദ്യ മുന്നൊരുക്ക യോഗവും കഴിഞ്ഞ മണ്ഡലമരകരവിളക്ക് മഹോത്സവത്തിന്റെ വിലയിരുത്തലും ഇന്നലെ തിരുവിതാംകൂര് ദേവസ്വം ബോര്ഡ് ആസ്ഥാനത്ത് നടന്നു.
വരുന്ന മണ്ഡല മകരവിളക്ക് മഹോത്സവത്തിനായുള്ള ഫെസ്റ്റിവല് കണ്േ്രടാള് ഓഫീസ് ഏപ്രിലില് തന്നെ പമ്പയില് പ്രവര്ത്തനം ആരംഭിക്കും. തിരുവിതാംകൂര് ദേവസ്വം ബോര്ഡിന്റെ പൊതു ബജറ്റിനു പുറമേ ശബരിമല മണ്ഡല മകരവിളക്ക് മഹോത്സവത്തിന് മാത്രമായി പ്രത്യേക ബജറ്റ് തയാറാക്കും.
ശബരിമല ഫെസ്റ്റിവല് അക്കൗണ്ടുകള് ചാര്ട്ടേഡ് അക്കൗണ്ടന്റിന്റെ നേതൃത്വത്തില് തല്സമയം ഓഡിറ്റ് ചെയ്യാനും തീരുമാനം.
അടുത്ത തീര്ത്ഥാടന കാലത്തിലേക്കുള്ള പുതിയ സമീപന രേഖ തിരുവിതാംകൂര് ദേവസ്വം ബോര്ഡ് പ്രസിഡന്റ് കെ. ജയകുമാര് യോഗത്തില് അവതരിപ്പിച്ചു. സുരക്ഷ, ശുചിത്വം, സേവനങ്ങള്, ആകര്ഷകമായ അന്തരീക്ഷം, ആശയവിനിമയവും പബ്ലിക് റിലേഷന്സും എന്നിങ്ങനെ 5 ശീര്ഷകങ്ങളിലായി വിശദമായ സമീപന രേഖയാണ് പ്രസിഡന്റ് അവതരിപ്പിച്ചത്. ഭക്തര്ക്കുള്ള സേവനത്തിന് പരമപ്രധാനം നല്കിയുള്ള സമീപന രേഖയില് ശുചീകരണത്തിനും ശുചിത്വത്തിനും പ്രഫഷണല് നിലവാരം ഉറപ്പ് വരുത്തുന്നു. ശബരിമല ഡ്യൂട്ടിക്കെത്തുന്ന എല്ലാ ദേവസ്വം ജീവനക്കാര്ക്കും ഓഗസ്റ്റ്-സെപ്റ്റംബര് മാസങ്ങളിലായി പ്രത്യേക പരിശീലനം നല്കും. പ്രഫഷണല് സമീപനം ഉറപ്പ് വരുത്തുന്നതിനാണു പരിശീലനം നല്കുന്നത്. ക്രൗഡ് മാനേജ്മെന്റ്, ഭക്തജനങ്ങളുടെ സുരക്ഷ എന്നിവയ്ക്കായി കൂടുതല് സാങ്കേതിക വിദ്യയുടെ സഹായം ഉറപ്പാക്കും.
മണ്ഡല മകരവിളക്ക് മഹോത്സവം ആരംഭിക്കുന്നതിന് ഒരുമാസം മുന്പെങ്കിലും മരാമത്ത് പ്രവൃത്തികള് പൂര്ത്തിയാക്കുന്നതിനുള്ള നിര്ദേശങ്ങള് അടങ്ങുന്നതാണ് പുതിയ സമീപന രേഖ. സന്നിധാനത്ത് വിവിധ കേന്ദ്രങ്ങളില് ഭക്തര്ക്ക് സൗജന്യമായി മൊബൈല് ചാര്ജിംഗ് പോയിന്റുകള് ഏര്പ്പെടുത്തും. വരുന്ന ദേവസ്വം ബോര്ഡ് യോഗങ്ങളില് ആവശ്യമെങ്കില് സമീപന രേഖയില് കൂടുതല് കൂട്ടിച്ചേര്ക്കലുണ്ടാകും.
തിരുവിതാംകൂര് ദേവസ്വം ബോര്ഡ് അംഗങ്ങളായ കെ. രാജു, പി.ഡി. സന്തോഷ്കുമാര്, ദേവസ്വം ബോര്ഡ് സെക്രട്ടറി പി.എന്. ഗണേശ്വരന് പോറ്റി, വിജിലന്സ് ആന്ഡ് ചീഫ് സെക്യൂരിറ്റി ഓഫീസര് വി. സുനില്കുമാര്,ചീഫ് എന്ജിനീയര് രഞ്ജിത്ത് കെ. ശേഖര്, ശബരിമല എക്സിക്യൂട്ടീവ് ഓഫീസര് ഒ.ജി.ബിജു തുടങ്ങിയവര് അവലോകന യോഗത്തില് പങ്കെടുത്തു.
LATEST NEWS
- ഹൈക്കോടതി വിധിച്ചു; വെള്ളാപ്പള്ളി പുറത്ത്
- സുധാകരനെതിരേ സി.പി.എമ്മിന്റെ പോസ്റ്റര് പ്രതിഷേധം
- ജി. സുധാകരന് പിന്തുണ: ആലോചിച്ച് തീരുമാനിക്കുമെന്ന് വി.ഡി. സതീശന്
- സ്ഥാനാര്ഥിയെ നിര്ത്തില്ല; ജി. സുധാകരന് പിന്തുണ നല്കാന് യു.ഡി.എഫ്.
- വിറപ്പിച്ച് ജി. സുധാകരന്; വീഴാതിരിക്കാന് ചടുലനീക്കങ്ങളുമായി സി.പി.എം.; വ്യക്തിയുടെ 'ഈഗോ'യ്ക്കുമുന്നില് പാര്ട്ടി മുട്ടുമടക്കില്ലെന്ന് അണികളെ ബോധ്യപ്പെടുത്തും
