ഫസല് വധക്കേസില് വിചാരണ മേയ് അഞ്ച് മുതല്
കൊച്ചി: തലശേരി ഫസല് വധക്കേസില് വിചാരണ മേയ് അഞ്ചിന് എറണാകുളം സി.ബി.ഐ. പ്രത്യേക കോടതിയില് ആരംഭിക്കും. തുടരന്വേഷണത്തിനു ഹൈക്കോടതി ഉത്തരവിട്ട കേസില് സി.ബി.ഐ. 2012 ജൂണിലാണു കുറ്റപത്രം സമര്പ്പിച്ചത്. ടി.പി. ചന്ദ്രശേഖരന് കേസിലെ പ്രതി കൊടി സുനിയാണ് ഒന്നാംപ്രതി.
പത്രവിതരണക്കാരനായ മുഹമ്മദ് ഫസല് തലശേരി സെയ്ദാര് പള്ളിക്കു സമീപത്തുവച്ച് 2006 ഒക്ടോബര് 22 നാണ് കൊല്ലപ്പെട്ടത്. സി.പി.എം. പ്രവര്ത്തകനായിരുന്ന ഫസല് പാര്ട്ടി വിട്ട് എന്.ഡി.എഫില് ചേര്ന്നതിലുള്ള എതിര്പ്പുമൂലമാണു കൊലപാതകമെന്നായിരുന്നു ആരോപണം. കേസില് അന്നത്തെ സി.പി.എം. തലശേരി ഏരിയാ സെക്രട്ടറി കാരായി രാജന്, തിരുവങ്ങാടി ലോക്കല് സെക്രട്ടറി കാരായി ചന്ദ്രശേഖരന് എന്നിവര് പ്രതികളായി. ഈ കേസ് പിന്നീട് സി.ബി.ഐ. ഏറ്റെടുത്തു. സി.ബി.ഐ. അന്വേഷണം നടക്കുന്നതിനിടെ 2012 ല് ഇരുവരും കോടതിയില് കീഴടങ്ങി. ഒന്നര വര്ഷത്തോളം ജയിലിലായിരുന്ന ഇരുവരും 2013 നവംബറിലാണു ജാമ്യത്തില് പുറത്തിറങ്ങുന്നത്. കണ്ണൂര് ജില്ലയില് പ്രവേശിക്കരുത്, അന്വേഷണത്തെ സ്വാധീനിക്കരുത് തുടങ്ങിയ നിബന്ധനകളോടെയായിരുന്നു ഇവര്ക്കു കോടതി ജാമ്യം നല്കിയത്.ഫസല് വധക്കേസില്
LATEST NEWS
- ഹൈക്കോടതി വിധിച്ചു; വെള്ളാപ്പള്ളി പുറത്ത്
- സുധാകരനെതിരേ സി.പി.എമ്മിന്റെ പോസ്റ്റര് പ്രതിഷേധം
- ജി. സുധാകരന് പിന്തുണ: ആലോചിച്ച് തീരുമാനിക്കുമെന്ന് വി.ഡി. സതീശന്
- സ്ഥാനാര്ഥിയെ നിര്ത്തില്ല; ജി. സുധാകരന് പിന്തുണ നല്കാന് യു.ഡി.എഫ്.
- വിറപ്പിച്ച് ജി. സുധാകരന്; വീഴാതിരിക്കാന് ചടുലനീക്കങ്ങളുമായി സി.പി.എം.; വ്യക്തിയുടെ 'ഈഗോ'യ്ക്കുമുന്നില് പാര്ട്ടി മുട്ടുമടക്കില്ലെന്ന് അണികളെ ബോധ്യപ്പെടുത്തും
