സമഗ്ര വികസനത്തിലൂന്നിയ ബജറ്റ്: ഫിക്കി
കൊച്ചി: പ്രധാന വളര്ച്ചാ മേഖലകളുടെ സമഗ്രമായ വികസനത്തില് ഊന്നിയുള്ളതാണ് കേന്ദ്ര ബജറ്റെന്ന് ഫിക്കി കേരള സ്റ്റേറ്റ് കൗണ്സില്. അപൂര്വ ധാതുക്കളുടെ സംസ്കരണത്തിനായുള്ള പദ്ധതികള്, പ്രത്യേക കെമിക്കല് പാതകള് സജ്ജമാക്കല്, ഇലക്രേ്ടാണിക് ഘടകങ്ങളുടെ നിര്മ്മാണത്തിനുള്ള പദ്ധതികള്, ടെക്സ്റ്റൈല് പാര്ക്കുകള് തുടങ്ങിയ പ്രഖ്യാപനങ്ങള് അഭിനന്ദനാര്ഹമാണെന്ന് ഫിക്കി കേരള സ്റ്റേറ്റ് കൗണ്സില് ചെയര്മാന് വി.പി നന്ദകുമാര് പറഞ്ഞു.
നിര്മ്മാണ മേഖലയ്ക്ക് ഉണര്വ് നല്കുന്ന നികുതി പരിഷ്കാരങ്ങളും പ്രധാന കയറ്റുമതി മേഖലകളിലെ തീരുവ കുറച്ചതും ശ്രദ്ധേയമായ പ്രഖ്യാപനങ്ങളാണ്. ചെറുകിട-ഇടത്തരം സംരംഭങ്ങള്ക്കായി പതിനായിരം കോടി രൂപയുടെ എസ്.എം.ഇ ഗ്രോത്ത് ഫണ്ട് രൂപീകരിക്കുന്നത് മേഖലയ്ക്ക് ഉത്തേജനമാകും. സേവന മേഖലയിലെ പ്രവര്ത്തനങ്ങള് വര്ധിപ്പിക്കാനുള്ള പദ്ധതികളും നികുതി പരിഷ്കാരങ്ങളും അഭിനന്ദനീയമാണ്. ബാങ്കിങ്, ധനകാര്യ മേഖലകളെക്കുറിച്ച് പഠിക്കാന് ഉന്നതതല സമിതിയെ നിയോഗിച്ചതും അടിസ്ഥാന സൗകര്യ വികസനത്തിന് കൂടുതല് തുക വകയിരുത്തിയതും എടുത്തു പറയേണ്ട കാര്യങ്ങളാണ്. ബിസിനസും ജീവിതവും ആയാസരഹിതമാക്കുന്നതിനുള്ള പരിഷ്കാരങ്ങള് രാജ്യത്തിന്റെ സമ്പദ്വ്യവസ്ഥയ്ക്ക് വലിയ ഗുണം ചെയ്യുമെന്നും വി.പി നന്ദകുമാര് പറഞ്ഞു.
LATEST NEWS
- ഹൈക്കോടതി വിധിച്ചു; വെള്ളാപ്പള്ളി പുറത്ത്
- സുധാകരനെതിരേ സി.പി.എമ്മിന്റെ പോസ്റ്റര് പ്രതിഷേധം
- ജി. സുധാകരന് പിന്തുണ: ആലോചിച്ച് തീരുമാനിക്കുമെന്ന് വി.ഡി. സതീശന്
- സ്ഥാനാര്ഥിയെ നിര്ത്തില്ല; ജി. സുധാകരന് പിന്തുണ നല്കാന് യു.ഡി.എഫ്.
- വിറപ്പിച്ച് ജി. സുധാകരന്; വീഴാതിരിക്കാന് ചടുലനീക്കങ്ങളുമായി സി.പി.എം.; വ്യക്തിയുടെ 'ഈഗോ'യ്ക്കുമുന്നില് പാര്ട്ടി മുട്ടുമടക്കില്ലെന്ന് അണികളെ ബോധ്യപ്പെടുത്തും
