വേഗ റെയില്‍; നാലുവരി എം.സി. റോഡ്‌

ഗതാഗതം, വ്യവസായം, സാങ്കേതികവിദ്യ എന്നീ മേഖലകളില്‍ വന്‍കുതിച്ചുചാട്ടം ലക്ഷ്യമിടുന്ന നിരവധി വന്‍കിട അടിസ്‌ഥാന സൗകര്യ വികസന പദ്ധതികള്‍ പ്രഖ്യാപിച്ചിട്ടുണ്ട്‌.

പ്രധാന പദ്ധതികള്‍:

ഗതാഗത മേഖലയില്‍

റീജണല്‍ റാപ്പിഡ്‌ ട്രാന്‍സിറ്റ്‌ സിസ്‌റ്റം: ഡല്‍ഹിമീററ്റ്‌ അതിവേഗ റെയില്‍പാതയുടെ മാതൃകയില്‍ തിരുവനന്തപുരം- കാസര്‍ഗോഡ്‌ റെയില്‍പാത.
എം.സി റോഡ്‌ വികസനം: തിരുവനന്തപുരം മുതല്‍ അങ്കമാലി വരെയുള്ള എം.സി റോഡ്‌ 24 മീറ്റര്‍ വീതിയില്‍ നാലുവരിപ്പാതയായി പുനര്‍നിര്‍മിക്കും. ഇതിന്റെ ഒന്നാം
ഘട്ടത്തിനായി കിഫ്‌ബി വഴി 5217 കോടി രൂപ നീക്കിവച്ചു.
വയനാട്‌ തുരങ്കപാത: ആനക്കാംപൊയില്‍കള്ളാടിമേപ്പാടി തുരങ്കപാതയുടെ നിര്‍മാണം ആരംഭിച്ചു. 2134.5 കോടി രൂപ ചെലവ്‌ വരുന്ന ഈ പാതയ്‌ക്ക്‌ 8.73 കി.മീ നീളമുണ്ടാകും.
തുരങ്കപാത (കട്ടപ്പന- തേനി): കട്ടപ്പന മുതല്‍ തേനി വരെയുള്ള യാത്രാദൂരം 20 കി.മീ കുറയ്‌ക്കാന്‍ സഹായിക്കുന്ന ഈ പദ്ധതിയുടെ സാധ്യതാ പഠനത്തിനായി 10 കോടി രൂപ വകയിരുത്തി.
മലയോരതീരദേശ പാതകള്‍: 1657 കോടി രൂപ ചെലവില്‍ 212.2 കി.മീ മലയോര പാത നിര്‍മിച്ചു. കൂടാതെ, 2730 കോടി രൂപ ചെലവില്‍ തീരദേശ പാതയുടെ നിര്‍മാണം പുരോഗമിക്കുന്നു.

തുറമുഖവും വ്യവസായ
ഇടനാഴികളും

വിഴിഞ്ഞം രാജ്യാന്തര തുറമുഖം: പദ്ധതിയുടെ ഒന്നാം ഘട്ടം വിജയകരമായി
മുന്നേറുന്നു, രണ്ടാം ഘട്ട പ്രവര്‍ത്തനങ്ങള്‍ 2026 ജനുവരിയില്‍ ഉദ്‌ഘാടനം ചെയ്‌തു.
തുറമുഖാനുബന്ധ വികസനത്തിനായി 1000 കോടി രൂപയുടെ നിക്ഷേപം നടത്താന്‍ പദ്ധതിയുണ്ട്‌.
റെയര്‍ എര്‍ത്ത്‌ കോറിഡോര്‍: വിഴിഞ്ഞം തുറമുഖം മുതല്‍ ചവറ വഴി കൊച്ചി വരെ ബന്ധിപ്പിക്കുന്ന ഒരു റെയര്‍ എര്‍ത്ത്‌ കോറിഡോര്‍ സ്‌ഥാപിക്കും. ഇതിലൂടെ 42,000 കോടി രൂപയുടെ നിക്ഷേപവും 50,000 തൊഴിലവസരങ്ങളും പ്രതീക്ഷിക്കുന്നു. കൊച്ചിപാലക്കാട്‌ ഹൈടെക്‌ വ്യവസായ ഇടനാഴി: കൊച്ചിബംഗളൂരു വ്യവസായ ഇടനാഴിയുടെ ഭാഗമായുള്ള ഈ പദ്ധതിക്കായി 1350 ഏക്കര്‍ ഭൂമി ഏറ്റെടുത്തു കഴിഞ്ഞു.പെേ്രടാ കെമിക്കല്‍ പാര്‍ക്ക്‌: കൊച്ചിയില്‍ സ്‌ഥാപിക്കുന്ന ഈ പാര്‍ക്കിന്റെ കമ്മീഷനിങ്‌ 2026-27ല്‍ നടക്കും. 10,000 കോടി രൂപയുടെ നിക്ഷേപമാണ്‌ ഇവിടെ പ്രതീക്ഷിക്കുന്നത്‌.

ഐ.ടി. സാങ്കേതിക മേഖല

സൈബര്‍ വാലി: കൊച്ചി ഇന്‍ഫോപാര്‍ക്ക്‌ ഫേസ്‌ 3ല്‍ 300 ഏക്കറില്‍ ഐ.ടി, ആര്‍ട്ടിഫിഷ്യല്‍ ഇന്റലിജന്‍സ്‌ എന്നിവയുടെ ഹബ്ബായി സൈബര്‍ വാലി വികസിപ്പിക്കും. ഇതിനായി 30 കോടി രൂപ വകമാറ്റും.