എസ്.എന്.ഡി.പി. ഐക്യം വേണ്ടെന്ന് എന്.എസ്.എസ്. തീരുമാനം
ചങ്ങനാശേരി: എന്.എസ്.എസ്- എസ്.എന്.ഡി.പി. ഐക്യവുമായി മുന്നോട്ടു പോകേണ്ടതില്ലെന്ന് പെരുന്നയില് കൂടിയ എന്.എസ്.എസ്. ഡയറക്ടര് ബോര്ഡ് യോഗം തീരുമാനിച്ചു. ഐക്യം പല കാരണങ്ങളാലും പല തവണ വിജയിക്കാത്ത സാഹചര്യത്തില് വീണ്ടും ഒരു ഐക്യശ്രമം പരാജയമാകുമെന്ന കാര്യം ഇപ്പോഴത്തെ രാഷ്ട്രീയസാഹചര്യങ്ങളാല് തന്നെ വ്യക്തമാകുന്നതായി എന്.എസ്.എസ്. ജനറല് സെക്രട്ടറി ജി. സുകുമാരന് നായര് അറിയിച്ചു. എന്.എസ്.എസിന് അടിസ്ഥാനമൂല്യങ്ങളില്നിന്ന് വ്യതിചലിക്കാനും ആവില്ല. അതിനാല് വീണ്ടും ഒരു ഐക്യം പ്രായോഗികമല്ല, പ്രത്യേകിച്ച് എന്.എസ്.എസിന് എല്ലാ രാഷ്ട്രീയപ്പാര്ട്ടികളോടും സമദൂരനിലപാട് ഉള്ളതിനാല്. മറ്റെല്ലാ സമുദായങ്ങളോടുമെന്നവണ്ണം എസ്.എന്.ഡി.പിയോടും സൗഹാര്ദത്തില് വര്ത്തിക്കാനാണ് എന്.എസ്.എസ്. ആഗ്രഹിക്കുന്നതെന്നും സുകുമാരന് നായര് പറഞ്ഞു.
നേരത്തേ, എസ്.എന്.ഡി.പി. യോഗം ജനറല് സെക്രട്ടറി വെള്ളാപ്പള്ളി നടേശനും എന്.എസ്.എസ്. ജനറല് സെക്രട്ടറി ജി. സുകുമാരന് നായരും ഐക്യ നീക്കം ശക്തമാക്കിയിരുന്നു. എന്നാല്, ഡയറക്ടര് ബോര്ഡ് യോഗത്തില് ഭൂരിഭാഗം പേരും സാമുദായിക ഐക്യനീക്കത്തെ എതിര്ക്കുകയായിരുന്നു. ഇതിനൊപ്പം ജനറല് സെക്രട്ടറിയും ഐക്യം വേണ്ടെന്ന നിലപാട് ശരിവച്ചതോടെയാണ് ഇക്കാര്യത്തില് അന്തിമതീരുമാനമായത്. ജനറല് സെക്രട്ടറിയുടെ കൂടി അംഗീകാരത്തോടെയാണ് ഐക്യ നീക്കത്തില്നിന്നുള്ള എന്.എസ്.എസിന്റെ പിന്മാറ്റം. മുസ്ലിം ലീഗിനെതിരായ വെള്ളാപ്പള്ളിയുടെ കടുത്ത വിമര്ശനങ്ങള് തുടരുന്ന സാഹചര്യം സമദൂരമെന്ന നിലപാടിന് വെല്ലുവിളിയാണെന്ന് എന്.എസ്.എസ്. വിലയിരുത്തി. ഐക്യനീക്കത്തിന് ദൂതനായി മകന് തുഷാര് വെള്ളാപ്പള്ളിയെനിയോഗിച്ചതും വലിയ തിരിച്ചടിയായെന്നാണു വിലയിരുത്തല്.
LATEST NEWS
- ഹൈക്കോടതി വിധിച്ചു; വെള്ളാപ്പള്ളി പുറത്ത്
- സുധാകരനെതിരേ സി.പി.എമ്മിന്റെ പോസ്റ്റര് പ്രതിഷേധം
- ജി. സുധാകരന് പിന്തുണ: ആലോചിച്ച് തീരുമാനിക്കുമെന്ന് വി.ഡി. സതീശന്
- സ്ഥാനാര്ഥിയെ നിര്ത്തില്ല; ജി. സുധാകരന് പിന്തുണ നല്കാന് യു.ഡി.എഫ്.
- വിറപ്പിച്ച് ജി. സുധാകരന്; വീഴാതിരിക്കാന് ചടുലനീക്കങ്ങളുമായി സി.പി.എം.; വ്യക്തിയുടെ 'ഈഗോ'യ്ക്കുമുന്നില് പാര്ട്ടി മുട്ടുമടക്കില്ലെന്ന് അണികളെ ബോധ്യപ്പെടുത്തും
